تحياتي
عندي مشكلة عاجله
موتور المياه فجأة كده أصبح بيطلع صوت صفير عالي جدا ومزعج للغاية ،
بعد عدة تجارب لقيت إن الموتور لما يكون بارد جدا يعني ما اشتغلش لمده ساعة ولا حاجة بيشتغل من غير ما يصفر، لكن بعد حوالي خمس دقائق لما درجة حرارته ترتفع يبدا يصفر الصفير أو الصريخ العالي ده ... وإذا تم تشغيلة بعد فترات راحة قصيرة بيصفر على طول مع بداية التشغيل.
أنا طبعا هاجيب سباك لكن لازم افهم المشكلة قبل ما اجيبة علشان مش كل الصنايعية بيفهموا زي ما انتو راسيين طبعا.
أنا حصرت الاحتمالات في
1. صمام عدم رجوع المياه ... وده كان قبل ما اكتشف العلاقة بين الصوت وارتفاع درجة الحرارة.
2. رولمان البلي الأمامي أو الخلفي.
3. المروحة الامامية لأن الصوت شبيه بالصوت اللي بيطلع من مروحة الباور بتاعة الكمبيوتر لما تقدم.
إيه رأيكم ؟؟