المشاركة الأصلية كتبت بواسطة mkmaly
يا باشا ما شاء الله عربيتك جميله بس انا كان ليه تعليق
انا هاوى العربيات الامريكانى الكلاسيك المهم جبت واحده ندره كده زى عربيت حضرتك اسمها شيفورليه مونذا وابتديت اصرف عليها كنت جيبها ب 13000 وصرفت عليها حوالى 25000 وجبت معظم حجاتها من بره شويه من امريكا وشويه من دول الخليج نواكل والعلامات كلها من بره وطبعا ده كلفنى لغايت لما رجعت العربيه احسن من الفبريكه وللاسف لما جيت ابيع اتصدمت بالاسعار والى يقولى دى 6 سلندر وكده لغايت لما لقيت واحد زى حلاتى غاوى ومشترهاش دخلتها معاه فى عربيته بويك ريجال 76 ودفعتلوا فرق وصرفت عليها برده بس لما بعت فى الاخر بعت بسعر السوق بعيد تماما على الى انا صرفته
بعد التجارب فى العربيات لقيت ان الى بيصرف على العربيات فبيصرف علشان ركوبته هوه مش عشان ركوبت الى هيشتريها
وفى نفس الوقت لقيت عربيات انجليزى بحاله فبريكه اووى بتتباع اكتر من كده بكتير بس اعلى موديل شوفته فى المبالغ العاليه على اساس انها انتيكات كانت عربيه انجليزى 6 خيل موديل 1931
وفى الاخر طبعا ربنا يحسنلك سوقها ويبركلك فيها وانا هعرف الناس الى غاويه الموديلات القديمه وربنا يسهل