عرض للطباعة
السلام عليكم
انا مهندس تسويق ان شاء الله هحيب عربية ومعايا 115 ألف وممكن لحد 120 ألف
العربية للشغل كل يوم مشوارين في القاهرة و في ايام هتكون سفر للاسماعيلية والفيوم
المهم انا عايز العربية تستحمل مع العلم اني هبيعها بعد 4 سنين ان شاء الله فبدور علي اعلي سعر إعادة بيع وبصراحة محتار الشكل اللي عاجبني ريو لكن اعتمادية هي اوبترا
أفيدوني يا أهل الخبرة مع العلم انه شرط موديل 2013 لو في عربية في السعر دة ياريت تعرفوني انا لازم اشتري قبل شهر مايو
شكرا واسف علي الاطالة
لو بتسافر كتير يبقي نصيحة هات عربية فيها وسائل امان
في دول يبقي الصني
الافضل تيدا سيدان ب 120 الف علي ما اعتقد و الهاتشباك اجمل ب 125 الف
لو مكانك
اوبترا
صنى
بص الافضل من دول ار بى هيونداى عن تجربه . النيسان الصنى تقفيل مصرى وعربيه ضيقه من الامام جدآ . اركب ومعاك حد جنبك الابواب والله العظيم تخبط فى ايدك وتلاقيها لازقه فيك بصراحه موديل تصميمه سيىء واول مرة نشوف عربيه ابوابها من الداخل تخبط فى ركبها . بص علشان تصدق اركب بنفسك واحكم
خرج الصني من المقارنة ودخل التيدا مكانها افضل
شكرا علي الرد...و هشوف التيدا عشان مفكرتش فيها
أنا لسه جايب الأوبترا موديل 2013
لو فى أى استفسار أنا تحت أمرك..
و ربنا يوفقك للاختيار الأمثل..
صني او تيدا
امان
فخامة
جودة
-الصني هتعيش شويه مع التوكيل شويه التيل وحش و مره يقوللك صاجه التيل و موتور ضعيف و ثبات محدود لو عايز نيسان روح للتيدا أحسن
شكرا علي الردود يا رجالتنا لكن انا ميال للأوبترا 2013 اكثر بس المشكلة الوحيدة ان في تيجو الشكل الجديد تنزل بنفس ثمنها وشكلها عاجبني اوي و انا يا هجيب الاوبترا يا التيجو معلش تعبتكو بس اية رأيكو ...اصل انا ساكن ف دار السلام وما ادراك مطبات دار السلام
eng.gemi
تسلم يا باشا بس لو عندك اي تعليق علي فراملها او سحبها اصل انا بجري كتير وسواقتي بتخوف ابويا وامي:)
وايه نظامها مع المطبات عالية ولا بتحك
شكرا
تسلم يا باشا بس لو عندك اي تعليق علي فراملها او سحبها اصل انا بجري كتير وسواقتي بتخوف ابويا وامي:)
وايه نظامها مع المطبات عالية ولا بتحك
شكرا
طالما هاتبيع بعد ارع سنين يبقى توكل على الله وهات اوبترا علشان سعر اعاده البيع
أسف و لكن اعترض بشدة و عنصرية شديدة.اقتباس:
المشاركة الأصلية كتبت بواسطة sharksama
اخي الفاضل، لا تتجاهل عناصر الامان، و السيارات مش بشكلها فقط و لكن مجموعة عوامل تعطيك نتيجة نهائية.
الأوبترا: أمان، صفررررررر.
تيجو: صيني تجميع مصري، يعني يا ساتر يا رب.
العربيات ده مش ماشية اللي في الدول اللي زي حالتنا ولازم نبتدي نغير نظرتنا للعربيات.
تيدا و الصني الامان فيهم عالي و اعتماديين جداً....
الصني بس فيها شوية مشاكل، لكن المصنع و التوكيل بيتغلبوا عليها واحدة واحدة.
أرشح التيدا في المقام الأول و أكسنت rb ثانيا ( الفئة التالتة تقريبا عشان الامان) و صني ثالثا.
حضرتك بتقول انك حت سوق علي طريق كتير و بتجري و بتخوف الناس كمان، فلازم تراعي عوامل الامان و ربنا يستر...
انا عارف ان كلامي حايزعل ملاك الأوبترا والصيني، بس ده واقع لا يمكن إنكاره، ممكن تجميله فقط.
و الله عوامل الامان بتفرق
و الله خير حافظ
انت مش بتقول بتحب الجري...
يبقي عربيتك المثالية هي التيدا.....
غباوة جري و خصوصا الهاتش باك...
قد تظن أنها ضعيفة و لكن يوجد داخل غرفة المحرك عدد اتنين عفريت.
الاولاني اسمه عفريت الكيك داون، اول ما يحس رجلك تقلت علي البنزين، يقولك عينية الاتنين و تصبح انت و السيارة قطعة واحدة والعفريت مقطع الأسفلت... التيدا طلعت من كورولا و الانترا و سيرا تو طبعا و المفاجئة bmw 320 2008.
العفريت التاني، ده عفريت محترم و ده المسئول عن دواسة الفرامل، يدوبك يحس انك عايز تقف او تهدي يقوم ساكع العفريت الاولاني علي قفاه و يقوله ريح انت شوية، الراجل اللي سايق بتاعي دلوقتي و من ثم تقف السيارة في الوقت و المكان الصحيح.
شكرا
اعتقد كمان ان يهمك سعر الصيانات لانك هتسافر كتير و تستهلك العربيه
قارن اسعار قطع الغيار و الصيانه و خليها فى بالك و ارشحلك الاوبترا
ولا تنسى الاستخاره
التيدا فعلا محترمه بس عيبها الثبات بعد 130
هي طبعاً خفيفة، لكن مش ١٣٠...اقتباس:
المشاركة الأصلية كتبت بواسطة aliabdo
انا ساكن في الرحاب و وبأخذ طريق السويس طبعا قياسة رايح جاي،
و مش من هواة البص في العداد كتير، ببص بس لما أحس ان العربية مش ثابتة او أي حاجة مش مظبوطة او رادار طبعا - ايام لما كان في رادارات - كتير بتسريح مني فوق ال١٤٠ و زوجتي قلائيا بتصرخ جانبي "حاتموتنا حراااااام علييييك".
والاستخارة واجبة
الفرامل كويسة..سحبها كويس وأنا أساسا مش بجرى بيها كتير علشان لسه بتلين..بس ناس كتير شكرت فى سحب الأوبترا..اقتباس:
المشاركة الأصلية كتبت بواسطة sharksama
العربية عالية و مش بتحك فى المطبات..
العفو يا باشا..
لو هتجيب الفئة العالية من الريو تبقي الريو تكسب
كلامك ميزعلش ملاك الأوبترا..دى وجهة نظرك يا باشا..اقتباس:
المشاركة الأصلية كتبت بواسطة nashaat rady
بس 2 ايرباج مش هو ده الأمان الكامل علشان الأوبترا تاخد صفر!!..فى حاجات تانية زى تصميم شاسيه العربية و امتصاصه للصدمااات..و كمان ال 2 ايرباج بينزلوا فى ال rb فى أعلى فئة..لو ده الأمان بس..يبقى اللى يزعل هو ملاك هيونداى..علشان غبور بيتاجر فى أمانهم!!
هتتكلم فى ثبات, توافر و رخص قطع غيار, وسع و راحة جلوس, قوة عفشة, خامات داخلية..الأوبترا تكسب من وجهة نظرى..
غير طبعا المزايا التانية اللى بتنافس بيها زى الجير الأتوماتيك الممتاز فى الأداء و السحب المعقول للموتور و الاعتمادية..التقفيل المحترم..
تكسب ازاى و هى ب 145000!!!!!اقتباس:
المشاركة الأصلية كتبت بواسطة m i d o
سعرها مبالغ فيه جداااااااااااااااااا
شكرا لمرورك الكريم و أسلوبك الراقي....اقتباس:
المشاركة الأصلية كتبت بواسطة eng.gemi
طبعا الأوليات بتفرق من شخص لتاني، انا الامان عندي نمرة واحد .... و قطع غيار التيدا متوفرة الي حد كبير و اعتمادية و سمعتها في أوروبا و أمريكا كويسة جداً النسبة للأمان ..
واضح ان احنا الاتنين منحازين للسيارات اللي معانا... بس علي فكرة التيدا بتاعة زرجتي. انا راكب هيونداي. . ههههههه
أنا بالنسبة لى مش بسافر كتير..و العربية عندى لتقضية المشاوير..اقتباس:
المشاركة الأصلية كتبت بواسطة Nashaat Rady
أنا مجربتش التيدا..بس ناس كتير أوى بتشكر فيها..
ربنا يباركلك فى عربيتك و عربية المدام يا باشا..
بس أنا بحب نيسان أكتر من هيونداى..ههههههه..:ma:
و خصوصا انى كنت ناوى على الصنى قبل الأوبترا..بس النصيب
كدا من كلامكو يبقي التيدا الهاشباك بس دي سعرها كام؟
ولسة طبعا مقارنة مع الاوبترا
بقت ب 146 للاسف وانا بقول تكسب لان الفئة العالية في الريو مليااااااااانة وسائل امان ومليااااااااانة اوبشن و الكل دلوقتي بيفضل يشتري الريو عن السيراتو الجديدة يعني سعر اعادة بيع في المستقبل كويس لاكن انا لو مكان حضرتك بصراحة اجيب لانسر بومة وش مادام هسافر كتير وعاوز عربية اعتمادية وكمان ياباني مش كورياقتباس:
المشاركة الأصلية كتبت بواسطة eng.gemi
حضرتك الفئة السعرية دي فيها كذا اختيار
ستروين C-Elysee
اوبل كورسا
لانسر بومة
كيا ريو اول فئة
شيفورلية اوبترا
وانا رايي لحضرتك تشوف الستروين تحفة او الاوبل وكمان الماني وطبعا البومة دول احسن 3 في في الفئة دي وشوف راي باقي الاعضاء ومتنساش الاستخارة
لو بتدور على يعر اعادة البيع يبقى الريوووووووووو