السلام عليكم ورحمة الله وبركاته
طبعا في ناس كتير كانت متابعة معايا موضوع عداد الشاهين اللي عملته
واحب افكر الناس بيه اللي مشفتهوش ديه صورة ليه بعد ما خلص



ده كان شكل عداد الشاهين بعد ما خلص
بس الحمد لله بعت العربية وربنا رزقني بفيات 127 وطبعا حبيت اعمل عداد ليها وهكون
معاكو خطوة خطوة لحد ما نعمل حاجة تمام (علي فكرة الفكرة ديه تنفع في كل العدادات القديمة اللي النور بتاعها من برة)
وده شكل العداد قبل اي تعديل طبعا


ده طبعا انا فكيته وخدته اسكان عشان اصمم عليه التصميم الجديد بنفس مقساته
وده شكل التصميم الجديد بتاعه


طبعا كنت عامل موضوع الشرح بتاع الشاهين والموضوع هو هو وموضوع بسيط جدا
احنا بنفك العداد وطبعا بنشيل منه الاسهم بتاعته اللي هي المؤشرات وكدة وبناخد الصاجة اللي عليها
الارقام اسكان بنفس المقاس ونصمم عليها اللي احنا عايزينه
ونجيب اسطنبة بتاعت العداد ديه انا رسمتها علي برنامج اسمه كوريل عشان ابدل الصاج بأكريلك
وهيتقطع ليزر طبعا انا كنت جايب اكريلك 2 ميلي ولو في اقل كنت جبت بس ملقتش اقل من ده
وده شكل الرسمة اللي عملتها علي الكوريل عشان تتقطع ليزر علي الاكريلك


ديه هناخدها وهنروح لواحد بتاع ليزر عشان نقطع البلاستيك بس قبل ما نقطع البلاستيك هنصنفره من
ورا عشان النور يتفرش في قلب الاكريلك انا في العداد بتاع الشاهين كنت مضلعها
فلاقيت بصراحة ان احنا نصنفرها احسن وبعدين نجيب ملف الالوان ونطبعه فنيل شفاف
وده شكل الالوان بتاعت العداد


الملف ده هناخده ونطبعه فنيل شفاف بس طباعة تكون تقيلة عشان متخفش مع النور
وده رابط تحميل الصورةhttp://www14.0zz0.com/2013/04/17/18/322234537.jpg
وبعدين نلزقه علي البلاستيك في مكانه بظبط وهنطبع ملف تاني اللي هو مش هيعدي النور
واللي متحدد عليه الارقام والحاجات ديه وده هيكون شكله


ده رابط التحميل http://www5.0zz0.com/2013/04/17/18/437421088.jpg
الملف ده اللي هيطبع حاجة اسمها فيلم معتم عشان النور ميعديش من العداد وده اللي هيتلزق علي
فوق الفنيل بتاع الالوان برضه في مكانه بظبط ياريت اكون قدرت اوصلكم الفكرة وطبعا تحت البلاستيك هيتحط ليدات الاضاءة هتكون اضاءة بيضة
واي حاجة انا معاكم انا بس لسة مركبتش الحاجات ديه بس في اقرب فرصة هركبهم واصورهم واوريهالكم ان شاء الله