عرض للطباعة
يا جماعة عندي مشكلة في الفيرنا ومش عارف حل فيها فعلا
المشكلة هي ان المارش بيعتل و العربية سخنة و ما ترداش تدور ابدا
لما العربية تبرد بتدور عادي .
انا روحت لكذا كهربائي قالولي المارش سليم العيب في سير الكاتينة
روحت لكذا ميكانيكي قالولي الكاتينة سليمة و التقسيمة سليمة
على فكرة روحت لوجدي (بتاع الهيونداي) و مافيش جديد
انا هتجنن يا جماعة و مش عارف اعمل ايه ؟ حد قابله المشكلة دي قبل كده ؟
ياريت الادارة ماتنقلش الموضوع للهيونداي عشان ممكن حد في العام تكون قابلته المشكلة دي قبل كده.
طيب شحن البطاريه عامل ايه فى بطاريات لما بتبوظ ماتشتغلش غير لما تبرد
البطارية سليمة يا باشا و الشحن زي الفل ( الدينامو كويس )
يبقى الحل الشربون بتاع الدينامو او الموبينه بتاعته
كان عندى مشكله زى دى وطلعت من الموبينااقتباس:
المشاركة الأصلية كتبت بواسطة ahmedcar
الكهربائى ركب لى كتاوت بدل مااشترى موبينه جديده
بالتالى ممكن الموبينه او الكتاوت لما بيسخنوا بيضيعوا
على فكرة ده عيب متكرر فى الفيرنا وانا وراه بئالى فترة وان شاء الله هجيب اصله
دى غالبا مشكلة فى البوبينه, بيكون الزيت بتاعها تسرب او نشف ولما تسخن ماتطلعش الفولت العالى المطلوب للبوجيهات, تحتاج تغيير
اقتباس:
المشاركة الأصلية كتبت بواسطة ehabradwan
شوف ياسيدى انا واجهت المشكلة دى فى عربيتين قبل كده وكانت المشكلة فى جلب المارش
لانها لما بتسخن بتقفش على العضو الدوار فى المارش فيتم تغيرها وكله بيبقى تمام