| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 13

  1. #1

    الصورة الرمزية Land_Cruiser

    رقم العضوية : 60618

    تاريخ التسجيل : 01Feb2010

    المشاركات : 5,992

    النوع : ذكر

    الاقامة : Cairo

    السيارة: Renault Duster E2

    السيارة[2]: Nissan Sunny EX 2010 Auto

    دراجة بخارية: No

    الحالة : Land_Cruiser غير متواجد حالياً

    افتراضي مع انتشار ظاهره سرقه السيارات بالإكراه .. تنصح بأيه و تتصرف أزاي؟ - Facebook Twitter whatsapp انشر الموضوع فى :

    hasad">

    السلام عليكم،
    مع انتشار ظاهره سرقه السيارات بالإكراه بشكل مش طبيعي فكرت في عمل الموضوع ده للافاده و تبادل الخبرات وإعطاء بعض الأفكار للاعضاء عن البدائل المتاحه في مثل هذه المواقف الصعبه بحيث اننا نبقي مستعدين بقدر الامكان و ياريت نضع سيناريوهات للأحداث مع التصرف المقترح و ربنا يبعد عننا كل شر باذن الله


  2. #2

    الصورة الرمزية Land_Cruiser

    رقم العضوية : 60618

    تاريخ التسجيل : 01Feb2010

    المشاركات : 5,992

    النوع : ذكر

    الاقامة : Cairo

    السيارة: Renault Duster E2

    السيارة[2]: Nissan Sunny EX 2010 Auto

    دراجة بخارية: No

    الحالة : Land_Cruiser غير متواجد حالياً

    افتراضي -

    طبعا رد فعل كل واحد فينا مختلف عن الاخر و في عوامل كتير بتأثر زي إذا كنت مثلا لوحدك او معك الاسره لان القرار ساعتها ممكن يختلف لكن بصفه عامه هناك مجموعه من النصائح احب أقولها و في انتظار المزيد و منها :-

    - متابعه السيارات اللي خلفك و بجوارك من خلال مرايه الصالون و المرايات الجانبيه و في حاله ملاحظه اي حركه مريبه قم بالانطلاق باقصي سرعه
    - ملاحظه عدد الأفراد في السيارات اللي حواليك و بالذات العربيات اللي مش راكب فيها أسر او سيدات و لو شكيت في حاجه اعمل اختبار بسيط و هو محاوله الجري او اخذ غرز بسيطه و شوف هيجري خلفك ام لا
    - احرص علي قفل السنترلوك دائما لان ممكن و انت بتهدي علي مطب و لا حاجه حد يقوم فاتح الباب الخلفي مثلا و راكب
    - عند التأكد ان العربيه بتجري وراك فعلا لاقدر الله تمالك أعصابك بقدر الامكان و لاتدعه يمر من يسارك علشان الفرصه بتبقي اسهل له بكتير للي راكب جنب السائق او اللي ورآه ان يهددك بالسلاح تهديد مباشر و العربيتين جنب بعض و بالتالي هتضطر تهدي لحد ما يعديك و يطلع من شمالك
    - خللي عنصر المفاجأه معاك يعني لو اكتشفت الحراميه مش لازم تعرفهم و حاول تتصرف كأنك بتجري بالعربيه بدافع الطيش و التهور مش بتجري منهم لحد ما تلاقي وسيله للهرب
    - لو كانت خبرتك كويسه في السواقه و الطريق واسع شويه و نجحوا انهم يطلعوا منك تقوم راجع ورا بسرعه و تلف باقصي سرعه و امشي عكسي او لو كنت حافظ الطريق اللي ماشي عليه ممكن تحاول تدخل علي ميدان مثلا و تدخل في اتجاه مش متوقع و تسيبهم يكملوا علي طول او في شارع تاني
    - لو كانت العربيه اللي معاك قويه و هما قدامك ممكن لو خبطت عربيتهم من ورا تخليها تلف منهم لان وزن العربيه بيبقي متركز قدام فمع السرعه لو خبطتها من الاجناب الخلفيه هتلف بيهم و ممكن يفقدوا السيطره عليها أما لو وراك فلو وقفت فجأه هيخبطوا فيك فهتحصل لهم تلفيات ممكن توقف العربيه بتاعتهم زي ان الردياتير يتخرم او قربه الزيت تتخرم و ممكن تلفيات بالموتور او الكاوتش توقفهم بينما بالنسبه لك مفيش حاجه توقفلك العربيه فممكن تجري بعد كده و تسيبهم

    يارب محدش فينا يحتاج لحاجه من الكلام ده بس نبقي مستعدين افضل و ربنا يعدي الأيام دي علي خير


  3. #3

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    بكل القلق ده مش عارف هتتقبل رأي ولا لا
    ان الحل : ان الواحد يبطل يخرج افضل الا فالضرورة فقط
    لان فظل عدم وجود امن وفظل كسر كل وسائل الحماية واصبحت السرقة بالاكراه يعني مفيش حل
    غير التوكل علي ربنا وهو الحامي ومحاولة تقليل النزول او تمشي فأماكن عارف طرقها كويس
    اتمني تتقبل رأي
    تحياتي ,,


  4. #4

    الصورة الرمزية Land_Cruiser

    رقم العضوية : 60618

    تاريخ التسجيل : 01Feb2010

    المشاركات : 5,992

    النوع : ذكر

    الاقامة : Cairo

    السيارة: Renault Duster E2

    السيارة[2]: Nissan Sunny EX 2010 Auto

    دراجة بخارية: No

    الحالة : Land_Cruiser غير متواجد حالياً

    افتراضي -

    اقتباس المشاركة الأصلية كتبت بواسطة s o p h o s مشاهدة المشاركة
    بكل القلق ده مش عارف هتتقبل رأي ولا لا
    ان الحل : ان الواحد يبطل يخرج افضل الا فالضرورة فقط
    لان فظل عدم وجود امن وفظل كسر كل وسائل الحماية واصبحت السرقة بالاكراه يعني مفيش حل
    غير التوكل علي ربنا وهو الحامي ومحاولة تقليل النزول او تمشي فأماكن عارف طرقها كويس
    اتمني تتقبل رأي
    تحياتي ,,
    اكيد طبعا يا فندم متفق مع حضرتك في ان الوقايه خير من العلاج و لكن للاسف مش كل الناس عندها حريه الاختيار دي فهناك الكثير من المهن اللي تستلزم النزول للشارع و قد يكون مكان عملهم بعيد عن مكان السكن و بالتالي ليس أمامه اختيار غير النزول الي الشارع و الهدف من الموضوع انه يبقي قدامه مجموعه من الاختيارات يفكر فيها بسرعه و يشوف الانسب له و يتوكل علي الله و يعمله لان ما بيبقاش هناك وقت للتفكير لكن طبعا تقليل النزول بقدر الامكان يضاف لأساليب الوقايه للي عنده حريه الاختيار


  5. #5

    الصورة الرمزية AhMeD MeTwAlY

    رقم العضوية : 79261

    تاريخ التسجيل : 02Sep2010

    المشاركات : 3,449

    النوع : ذكر

    الاقامة : kSA

    السيارة: No cars

    السيارة[2]: No cars

    دراجة بخارية: ................

    الحالة : AhMeD MeTwAlY غير متواجد حالياً

    افتراضي -

    خدلك كورس علي المناورات والغرز بسرعات والهندات علي سرعات واتمرن كويس جدا انك تعدي من اضيق المناطق بعربيتك وانك تلف العربيه 360 درجة من خلال الهاند بريك وتشيك علي العفشه والفرامل باستمرار
    وتربط حزام الامان باستمرار وتشغل الاحزمه الخلفيه
    انا ولصت معاي لدرجة اني كنت بفكر اصفح العربيه بس بعتها قبل البحث


  6. #6

    الصورة الرمزية youssef_u

    رقم العضوية : 66605

    تاريخ التسجيل : 30Mar2010

    المشاركات : 1,419

    النوع : ذكر

    الاقامة : 6 October

    السيارة: Sunny SuperSaloon 2013

    السيارة[2]: Fiat siena

    دراجة بخارية: Non

    الحالة : youssef_u غير متواجد حالياً

    افتراضي -

    اللي يقف قدامك طييرررررره ،،، تموت احسن ما تفضل طول حياتك تفتكر الموقف ده


  7. #7

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    اقتباس المشاركة الأصلية كتبت بواسطة land_cruiser مشاهدة المشاركة
    طبعا رد فعل كل واحد فينا مختلف عن الاخر و في عوامل كتير بتأثر زي إذا كنت مثلا لوحدك او معك الاسره لان القرار ساعتها ممكن يختلف لكن بصفه عامه هناك مجموعه من النصائح احب أقولها و في انتظار المزيد و منها :-

    - متابعه السيارات اللي خلفك و بجوارك من خلال مرايه الصالون و المرايات الجانبيه و في حاله ملاحظه اي حركه مريبه قم بالانطلاق باقصي سرعه
    - ملاحظه عدد الأفراد في السيارات اللي حواليك و بالذات العربيات اللي مش راكب فيها أسر او سيدات و لو شكيت في حاجه اعمل اختبار بسيط و هو محاوله الجري او اخذ غرز بسيطه و شوف هيجري خلفك ام لا
    - احرص علي قفل السنترلوك دائما لان ممكن و انت بتهدي علي مطب و لا حاجه حد يقوم فاتح الباب الخلفي مثلا و راكب
    - عند التأكد ان العربيه بتجري وراك فعلا لاقدر الله تمالك أعصابك بقدر الامكان و لاتدعه يمر من يسارك علشان الفرصه بتبقي اسهل له بكتير للي راكب جنب السائق او اللي ورآه ان يهددك بالسلاح تهديد مباشر و العربيتين جنب بعض و بالتالي هتضطر تهدي لحد ما يعديك و يطلع من شمالك
    - خللي عنصر المفاجأه معاك يعني لو اكتشفت الحراميه مش لازم تعرفهم و حاول تتصرف كأنك بتجري بالعربيه بدافع الطيش و التهور مش بتجري منهم لحد ما تلاقي وسيله للهرب
    - لو كانت خبرتك كويسه في السواقه و الطريق واسع شويه و نجحوا انهم يطلعوا منك تقوم راجع ورا بسرعه و تلف باقصي سرعه و امشي عكسي او لو كنت حافظ الطريق اللي ماشي عليه ممكن تحاول تدخل علي ميدان مثلا و تدخل في اتجاه مش متوقع و تسيبهم يكملوا علي طول او في شارع تاني
    - لو كانت العربيه اللي معاك قويه و هما قدامك ممكن لو خبطت عربيتهم من ورا تخليها تلف منهم لان وزن العربيه بيبقي متركز قدام فمع السرعه لو خبطتها من الاجناب الخلفيه هتلف بيهم و ممكن يفقدوا السيطره عليها أما لو وراك فلو وقفت فجأه هيخبطوا فيك فهتحصل لهم تلفيات ممكن توقف العربيه بتاعتهم زي ان الردياتير يتخرم او قربه الزيت تتخرم و ممكن تلفيات بالموتور او الكاوتش توقفهم بينما بالنسبه لك مفيش حاجه توقفلك العربيه فممكن تجري بعد كده و تسيبهم

    يارب محدش فينا يحتاج لحاجه من الكلام ده بس نبقي مستعدين افضل و ربنا يعدي الأيام دي علي خير
    رد وافي ما شاء الله...
    اتمنى منحتجش ابدا لاي حاجه من الكلام ده....

    تحياتي

    don't judge a car unless you have driven it

    hm414 سابقا


  8. #8

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    هو الموضوع في الاول وفي الاخر قضاء وقدر !!

    وصدق اللى قال " سعت القدر يعمى البصر " !!!! الحرامي بيعتمد على عنصر المفاجاة وانه يطلعلك فجاءة

    وطبعا الخضة والربكة بتشل حركتك وتفكيرك !! ؟ التصرف بيطلع منك بشكل تلقائي وبدون تفكير وزي ماربنا ماكاتب بيكون !!

    انا اتعرضت لموقفين بلطجة واحد عدى من غير خسائر الحمد لله والتاني العربية اتبهدلت من ورا !!

    الاول : كنت راكن وفجاءة لقيت موتوسكيل قفل عليا من قدام وموتوسكيل تاني من ورا ونزل منهم اربعة كل واحد فيهم يعمل مني 5 وشكلهم احداث احداث !! ؟

    دورت العربية وجبت ال r طيرت الموتوسكيل اللى ورايا ودخلت انا وهو في عربية راكنة بعد كدة جبت ال d ودايس لقدام كنت هطير الموتوسكيل التاني واضرب سعتها عليا نار وجت في الفردتين اللى ورا والحمد لله ان الحرامي ماكنش عنده الجراة انه يضرب عليا شخصيا مع اني معدي من جمبه تماما والشباك كان مفتوح !! طبعا كل ده حصل في اقل من ثانيتين تلاتة

    الحمد لله عدت على خير بس العربية من ورا زعلت في كتير !!! بس قضا اخف من قضا

    الموقف التاني : كنت مدور العربية وواقف على جمب مرة واحدة لقيت واحد بيفتح الباب اللى جمبي وواحد تاني بيفتح الباب بتاعي !! طبعا علما هو اكتشف ان الباب مقفول باللوك كنت انا جبت ال d وطرت وعدت بسلام الحمد لله !!!!!!

    فاقدر اقولك ثق تماما ان التصرف هيطلع منك بشكل تلقائي وبدون اي تفكير !!! الموقف الاول انا كان ممكن ببساطة جدا اطلع لقدام واتفادى الموتوسكيل من الاول او حتى ارجع لورا حجات بسيطة !! لكن هول الموقف خلاني رجعت جامد ودخلت في عربية كانت راكنة وبرضوا الواحد كل مايفتكر الموقف يقول الحمد لله

    لكن برضوا لازم ناخد بالاسباب ونعمل احتياطتنا ::

    1- قبل ماتركب العربية لازم تتوكل على ربنا وتقرأ دعاء الخروج والركوب
    "بسم الله الذي لا يضر مع اسمه شئ في الارض ولا في السماء وهو السميع العليم " ثلاث مرات

    "اللهم انت ربي لا اله الا انت رب العشر العظيم , ماشاء الله كان ومالم يشئ لم يكن , اعلم ان الله على كل شئ قدير وان الله احاط بكل شئ علما , اللهم اني اعوذ بك من شر نفسي ومن شر كل دابة انت اخذ بناصيتها ان ربي على صراط مستقيم"

    "سبحان الذي سخر لنا هذا وماكنا له مقرنين وانا الى ربنا لمنقلبون"

    2- تشغل قران بشكل مستمر في العربية

    3- لازم لازم لازم لازم تبقى ماشي واللوك مقفول ومتاكد ان كل الابواب بتاعتك مقفولة تمام

    4- لازم ايدك تبقى على الفتيس سريعة !! يعني تتعود انك تغير وضع حركتك من قدام لورا في اجزاء من الثانية عشان تقدر تفلت وتهرب !! وتدرب انك دايما تجيب الفتيس من ال r الى d والعكس بسهولة وبسرعة وبدون تفكير !!! وبالنسبة للعربيات المانويل لازم تبقى رجلك سريعة على الدبرياش وكمان ايدك حافظة الفتيس واماكن حارته !!! صدقوني السرعة دي بتفرق كتير

    5- حذاري انك تفكر تقف وان اللوك والازجاج هيحموك !! لازم تجري حتى ولو ده هيكلفك ان العربية تتخبط وتتبهدل برضوا اجري واهو تتخبط احسن ماتتسرق كلها

    6- حاول انك تبقى دايما مخون كل اللى حوليك !! اوعى حد يخبط وتنزل تقف تتخانق !! واوعى حط يقولك العجلة نايمة وتنزل تتاكد !!!!! ودايما اي عربية تحسها مش تمام ابعد عنها وخلي دايما عندك مساحة انك تجري لو حصل اي حاجة لا سمح الله

    وربنا يسترها معانا ومعاكم


  9. #9

    الصورة الرمزية ahmed-moga

    رقم العضوية : 48981

    تاريخ التسجيل : 06Oct2009

    المشاركات : 1,988

    النوع : ذكر

    الاقامة : ش ش

    السيارة: لانسر شارك F16 موديل 2012 1600 مايفك وربنا يستر وبسم الله ماش

    السيارة[2]: كانت لانسر بومه 1300-2008 اتوماتك بس بعتها واستريحت من رخام

    دراجة بخارية: لايوجد

    الحالة : ahmed-moga غير متواجد حالياً

    افتراضي -

    موضوع سرقة السيارات بالأكراه اصبح غاية في الخطوره في هذه الفتره لدرجة انه يصل لدرجه عاليه من الخطوره للأمن العام للمواطنين تصل لدرجة تكدير السلم العام وخاصة أكثر من يقوم بهذا شباب عاطل ليس لهم اي ملف اجرامي والذي يجرأهم علي ذلك انتشار السلاح المهرب والمسروق من الأقسام وقت الثوره مع تواطئ من النظام السابق بشتي الصور لينتشر الأنفلات الأمني حتي يقول الشعب ولايوم من ايام النظام السابق ومعظم الناس تعرضوا لتلك السرقات بما فيهم انا وبكل صراحه هي تجربه مريره جدا أدعو من الله ثم من كل قلبي ان لايتعرض احد اليها لما تخلفه من آثر سيئ في النفس وقد تصبح الحاله النفسيه لأكثر المتعرضين لتلك الجرائم اشبه بالمجانين نتيجة انفلات اعصابهم ممكن تصل بالشخص ان يبحث عن سلاح آلي وينزل يبحث عن هؤلاء كي يقتلهم والصراحه انا لا ألومه اذا فعل ذلك لأن هؤلاء وصل بهم غلظة القلب انهم يقتلون الشخص بدون ادني شفقه او رحمه اذا حاول ان يمنعهم لمجرد انهم يريدون ان يأخذوا منه سيارته والتي قد تكون لاتستحق كي يساوموه عليها بعد ذلك كي يعيدوها اليه من أجل مبلغ مالي اوأكثر من صديق لي رب اسره ولديه اطفال قد قتل بسبب ذلك حسبنا الله ونعم الوكيل في هؤلاء اللهم ارينا فيهم يوما أسودا وانتقم منهم اشد انتقام
    وكي نتجنب التعرض لتلك السرقات لابد أولا قبل ان نخرج نتوضأ ونقوم بقراءة بعض سور القرآن الكريم وهي سورة الأخلاص والمعوذتين وآية الكرسي وخواتيم سورة البقرة ثم قول بسم الله الذي لا يضر مع إسمه شيء في الأرض ولا في السماء وهو السميع العليم ثلاثه مرات وقل لن يصيبنا إلا ما كتب الله لنا هو مولانا وعلى الله فليتوكل المؤمنون ثم دعاء ركوب الدابه قبل ان تدخل الي سيارتك وهو بِسْمِ اللهِ, الْحَمْدُ لله{سُبْحَانَ اْلَّذِي سَخَّرَ لَنَا هَذَا وَ مَا كُنَّا لَهُ مُقْرِنِينَ*وَ إِنَّا إِلى رَبِّنَا لَمُنْقَلِبُونَ} " الْحَمْدُ لله, الْحَمْدُ لله, الْحَمْدُ لله, الله أَكْبَرُ, الله أَكْبَرُ, الله أَكْبَرُ
    ثم الدعاء بقول أعوذ بكلمات الله التامات التي لايجاوزهن بر ولا فاجر من شرّ ما خلق ومن شر عباده ومن شر ماذرأ وبرأ ومن شر ماأجد او أحاذر
    بسم الله طريقي والرحمن رفيقي والرحيم يحميني من كل شيئ يؤذيني توكلت علي رب العرش العظيم ثم تصلي علي النبي عليه افضل الصلاة والسلام وننطق الشهادتين
    ثم نتوكل علي الله وتقوم بغلق السنتر والزجاج ونختار الطرق المزدحمه ونحاول بقدر الأمكان الأبتعاد عن الطرق الخاليه والمظلمه وحاول ان لانرجع في وقت متأخر من الليل او ان نخرج في وقت مبكر جدا عند الفجر او بعده حتي الساعه السادسه لأن في تلك الأوقات تكون الطرق خاليه مما يسهل لهم عملية السرقه كذلك حاول ان لاتستخدم السياره الا وقت الضروره ونعمل بباقي النصائح التي اشار بها زملائنا هنا وربنا يحفظنا جميعا من كل شر


  10. #10

    الصورة الرمزية Walid_M

    رقم العضوية : 9428

    تاريخ التسجيل : 23Apr2008

    المشاركات : 556

    النوع : ذكر

    الاقامة : Tanta

    السيارة: لا يوجد

    السيارة[2]: Elantra HD 2007

    دراجة بخارية: لا يوجد

    الحالة : Walid_M غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة AhMeD MeTwAlY مشاهدة المشاركة
    خدلك كورس علي المناورات والغرز بسرعات والهندات علي سرعات واتمرن كويس جدا انك تعدي من اضيق المناطق بعربيتك وانك تلف العربيه 360 درجة من خلال الهاند بريك وتشيك علي العفشه والفرامل باستمرار
    وتربط حزام الامان باستمرار وتشغل الاحزمه الخلفيه
    انا ولصت معاي لدرجة اني كنت بفكر اصفح العربيه بس بعتها قبل البحث
    إيه يا إخونا ................ إنتوا حتحربوا خلاص !!!!!!!





    تحياتي

    وفوق كل ذي علمِ عليم




 
صفحة 1 من 2 1 2 الأخيرةالأخيرة

المواضيع المتشابهه

  1. بعد سيارة مرسى ... سرقة سيارة مدير أمن الجيزة بالإكراه
    بواسطة Elawany13 في المنتدى المنتــــــدى العـــــــــــام للسيــارات
    مشاركات: 11
    آخر مشاركة: 23-09-2012, 05:59 AM
  2. ضبط تشكيل عصابى لسرقة السيارات بالإكراه فى البحيرة
    بواسطة Elawany13 في المنتدى المنتــــــدى العـــــــــــام للسيــارات
    مشاركات: 3
    آخر مشاركة: 25-08-2011, 08:11 PM
  3. ظاهره السيارات النصين احذر فقد تكون سيارتك مــلــحومــــة !!!
    بواسطة tahaderaz في المنتدى المنتــــــدى العـــــــــــام للسيــارات
    مشاركات: 40
    آخر مشاركة: 11-06-2011, 06:52 PM
  4. تحذير :سرقة بالإكراه وتحرش داخل عربة السيدات بمترو الأنفاق(حدث وقد يتكرر بشدة)
    بواسطة ahmed1981 في المنتدى أخبار السيارات في مصر والعالم
    مشاركات: 8
    آخر مشاركة: 11-03-2011, 06:59 AM
  5. تحذير :سرقة بالإكراه وتحرش داخل عربة السيدات بمترو الأنفاق(حدث وقد يتكرر بشدة)
    بواسطة ahmed1981 في المنتدى المنتــــــدى الاجتمــاعى
    مشاركات: 15
    آخر مشاركة: 10-03-2011, 08:42 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2