هل ممكن تتجوز من امرأه سورية ؟؟

**prince91720** · 18-04-2013 02:47 AM

المشاركة الأصلية كتبت بواسطة S O P H O S

لا احبذ فكرة ان حد يتجوز حد بدون تفاهم وقبول وظروف مستقرة
انما فظل الظروف دي وان الشخص يتقدم والطرف الاخر يتطر يقبل ده امر سئ بصراحة
لكن يظل كلامي وجهة نظر
تحياتي ..

وجهة نظرك على العين و الرأس

لكن مين قال ان هيكون فى اضطرار او اجبار على الموافقه ؟؟
اذا ماكنش فى قبول و اقتناع تام فى الموضوع فيستحسن للطرفين عدم البدء فيه

المشاركة الأصلية كتبت بواسطة MTAK

, و كمان بتنبه الاشراف ان الاسئله بالاحمر

يا جبروتك :)

على العموم لو عملت بحث فى المنتدى على هذا الموضوع

هاتعرف ان فى ناس عاوزه تتجوز كهله سوريه مش امرأه

و ثلاث اربع الباقى نفسهم و خايفين يقولوا :)

ههههههههههه
ربنا يوفق الجميع للخير

المشاركة الأصلية كتبت بواسطة youssef_u

واحدة سورية ؟ الشرع حلل اربعة يا عم

ههههههههه انا و الله مش عاوز غير واحده بس

المشاركة الأصلية كتبت بواسطة Land_Cruiser

بص يا باشا مبدأيا ما ينفعش التعميم. لأن كل إنسان مختلف حتي عن أخيه مش مواطن من بلده يعني هتلاقي مصريه نكديه و سوريه نكديه برضه عادي و كذلك بقيه النقاط اللي ذكرتها وارد جدا يبقي العكس هو الصحيح فالموضوع يتوقف علي الانسانه نفسها و طباعها و تربيتها و تدينها و نقطه الزواج دي يعني بيت و اسره و لذلك لابد من الاختيار بدقه و توفيق ربنا قبل كل شيء. يعني دي مش هتبقي زي سياره عليها تخفيض اليومين دول او ذهب سعره نزل فنلحق ننتهز الفرصه قبل ما يغلي تاني لان مع الاسف في ناس كتير ممكن تفكر بالطريقه دي

بالنسبة لنقطة التعميم ف أنا ذكرت فى الموضوع إن دى السمات الغالبه على طبع السوريين و هجيب لك اقتباس من الموضوع

طبعا الحاجات دى نسبية و بتختلف من واحده لواحده . و مش كل السوريين فيهم الصفات دى (مع كامل احترامى ليهم طبعا ) بس دى اغلب السمات المميزة للسوريين
زى مثلا عندك فى مصر الشرقاوية معروفين بالكرم . الصعايده معروفين بالغيرة و دمهم حامى . المنايفه معروفين انهم اذكيا و بيوصلو لأعلى المناصب ....
و هكذا

حكاية ان دى فرصه و لازم الواحد يلحقها قبل ما تخلص : معتقدش ام حد بيفكر بجديه فى الزواج ممكن يحسبها بالطريقة دى
اشكرك على تعليقك و جزاك الله خير

المشاركة الأصلية كتبت بواسطة micromoud

انا هعلق على الجزء ده
ياسيدى الفاضل موضوعك جميل الا انه متناقد عشان انت ذكرت اسباب تخليك متتجوزش اللى بالى بالك وعلى اساسها هتتجوز السورية .

.. طيب يبقى لزومه ايه بقى الكلام بتاع انك رايح تتجوز عشان ثواب السعى على الارمله واليتامى طب ما تسعى على الارمله واليتامى اللى بالى بالك برضه وهتلاقى فيهم ناس مش عاوزين التكاليف اياها وستات بيوت وزى الفل وطبعا فيه ثواب كبير وفيه ستر :)))))

النقطه التانيه مين قال لحضرتك ان السوريات مش متكبرات وحنينة ورقيقه بطبعا يا عزيزى انت بتتعامل مع انثى اختلفت الجنسيات والنوع واحد

المقصود ان الارملة دى هتكون فقدت زوجها فى الحرب و بالتالى يكون ليها نصيب من الاختيارات بمعنى ان متكونش الاختيارات كلها للبنات البكر و كمان الارمله المصرية فى كذا حد بيراعيها زى 1:اهل زوجها المتوفى لأن بيكون ليهم اولاد يحملو اسماء عائلتهم
2:قد يترك لها الزوج ميراث او معاش و لو بسيط
3: اهل الزوجه نفسها بيقفو جنبها
4: الجمعيات الخيرية و المساعدات من الغير
اما الارمله السورية فهى تركت كل شىء فى بلاده و لا يوجد عندها ما يوجد عند غيرها من المصريات
بالنسبه للجزئيه التانيه من ردك هنقل لحضرتك نفس الاقتباس اللى نقلته للاستاذ لاند كروزر

طبعا الحاجات دى نسبية و بتختلف من واحده لواحده . و مش كل السوريين فيهم الصفات دى (مع كامل احترامى ليهم طبعا ) بس دى اغلب السمات المميزة للسوريين
زى مثلا عندك فى مصر الشرقاوية معروفين بالكرم . الصعايده معروفين بالغيرة و دمهم حامى . المنايفه معروفين انهم اذكيا و بيوصلو لأعلى المناصب ....
و هكذا

اشكرك يا غالى على مشاركتك

المشاركة الأصلية كتبت بواسطة reda elgohary

طيب هى فين وأنا موافق ع اي حاجة المهم الثواب ،،وكمان التعدد وغض البصر ،،وحل مشكلة العنوسة

و الله ما اعرف هما فين ههههههههه
لو اعرف كنت روحت عندهم على طول و ماكنتش كتبت الموضوع ده اصلا

المشاركة الأصلية كتبت بواسطة rompo10

كل شويه اللي بالي بالك ماتقولي المراه المصريه انتوا خايفين ليييييييييييييييييييييييي ييييييييييييه

انا كتبت كده للدعابـه مش اكتر <<<< خلى بالك دى للدعابـه مش للدعايـه

وبعدين محدش خايف من حاجه و هما مالهمش عندنا غير المعامله المحترمه حتى لو كانو هما سيئين الطباع

**smartchoice** · 18-04-2013 03:08 AM

المشكلة الكبرى فى الموضوع ده إن على أساس إية ترتبط بواحدة إنت لا عارف أصلها و لا فصلها و لا كانت عايشة أزاى قبل كده خصوصا إن سوريا فيها ديانات كتير و فى شيعة و دروز و و و فسعدتك هتعرف أزاى إنت بتناسب مين
و ممكن تطلع كانت إنسانه مش ولابد و لا حاجة و عاملة عملية و لا نيلة
الموضوع ده محتاج تفكير و مش سهل و الجواز مش مجرد علاقة جنسية و فقط
اللى هتتجوزها دى هتكون أم ولادك و لازم يكون فى توافق و تفاهم و تقارب إجتماعى علشان تبنى بيت مستقيم و تربى ولادك صح

**prince91720** · 18-04-2013 03:09 AM

المشاركة الأصلية كتبت بواسطة Land_Cruiser

آه لو الحكومه شمت خبر بالموضوع ده .. من بكره الصبح هتطلع جمارك علي دخول السوريين زي السيارات كده و الحجه طبعا معروفه و هي دعم الانتاج المحلي

ما هو المجلس القومى لحقوق المرأة شغالين الله ينور يكرّهوا الناس فى الموضوع ده و يقولولك ده استغلال باسم الدين وحاجات عبيطه كده فى محاوله فاشله منهم لتغيير فكر الناس عن المنتج المحلى واقناعهم انه حمال للاسية و انه و انه و انه .
و ما يعرفوش ان المنتج المحلى مفضوح اقصد مشهور عالميا بانه المنتج الاول بس فى.........
عاوز تعرف ايه مكان النقط ؟؟؟
ادخل على جوجل و اكتب كده : (المرأة المصرية الاولى عالميا) وشوف ايه اللى هيطلعلك و ابقى تعالى قولى هنا هما اوائل فى ايه هههههههههههههههه

المشاركة الأصلية كتبت بواسطة ICE_MAN

أولا ممنوع الكتابة بالاحمر هنا حيث انه مخصص لمداخلات الادارية فقط.

ثانيا بالنسبة للجواز يا صديقى فأنا خلاص لبست و اللى كان كان

أولا : اسف و الله ما اعرفش ان الاحمر للادارة علشان انا بدخل المنتدى على فترات و ده اول موضوع ليا هنا
ثانيا : ربنا يعوضك خير انت و كل اللى زيك

**prince91720** · 18-04-2013 03:46 AM

المشاركة الأصلية كتبت بواسطة smartchoice

المشكلة الكبرى فى الموضوع ده إن على أساس إية ترتبط بواحدة إنت لا عارف أصلها و لا فصلها و لا كانت عايشة أزاى قبل كده

طيب ما هو الواحد ممكن يتجوز واحده مصرية بس من محافظه تانية غير محافظته و ميكنش يعرف حاجه عن اصها و لا فصلها
ما دى هيا دى و لا انت رأى سعدتك ايه ؟

خصوصا إن سوريا فيها ديانات كتير و فى شيعة و دروز و و و فسعدتك هتعرف أزاى إنت بتناسب مين

اللى اعرفه ان الشيعة بيتجوزو شيعه زيهم و الدروز كذلك
و بعدين ما الواحد هيسألهم برده
مش معقول هيسألها عن مؤهلها و تعليمها و ميسألش على دينها

و ممكن تطلع كانت إنسانه مش ولابد و لا حاجة و عاملة عملية و لا نيلة

متقلقش المحترمه بيبان عليها و اللى مش ولابد بيبان عليها برده من كلامها من اسلوبها من لبسها
و انت هيكون عندك فترة خطوبه هتعرف فى خلالها خطيبتك و نسايبك دول طبعهم ايه و اخلاقهم ايه

الموضوع ده محتاج تفكير و مش سهل و الجواز مش مجرد علاقة جنسية و فقط
اللى هتتجوزها دى هتكون أم ولادك و لازم يكون فى توافق و تفاهم و تقارب إجتماعى علشان تبنى بيت مستقيم و تربى ولادك صح

كلامك فى النقطه دى صح 100 فى ال 100

**pro_samir** · 18-04-2013 04:50 AM

فكرت طبعا ..

بس أولا الناس اللي هيكونو أهل ولادك دول هتعرف أصلهم وفصلهم ازاي

ثانيا البنت اللي هي وأهلها طفشانين من بلدهم غصب عنهم وعندهم حرب وممكن يكون بيتهم اتهد علي دماغهم وحد من أسرتها مات ، وفي الغالب قاعدين هنا مش لاقيين شغل وممكن يكونو مش لاقيين ياكلو ومتغربين وحالتهم كرب

البنت اللي عايشة الظروف دي لما حضرتك تيجي تتجوزها تفتكر هل هتكون طبيعية نفسيا وهتعيش حياتها عادي زي اي بنت في سنها ما بتتجوز ولا هتبقي ايه اللي في دماغها !

عن نفسي مش قادر اتخيل حالتهم النفسية وضعها ايه وبيفكرو في ايه لما يتجوزو بالطريقة دي

ثالثا بقي لما الوضع يستقر في سوريا واهلها يرجعو هيبقي وضعها ايه معاك

ومحدش يقولي ماهم عايزين يتسترو .. اللي عايز يسترهم ممكن يجوز شبابهم لبناتهم وكتر خيرة

**شكشك** · 19-04-2013 12:03 AM

اللي عايز يتجوز سوريه يحاول يختار واحده اهلها كلهم ماتوا في الحرب ومش فاضل الا هي بس او هي وامها مثلا او هي وامها واختها بسسس وابقى عيشهم معاك في شقتك
وباقي اهلها يكونوا عند ربنا علشان اما تتحل الازمه تفضل معاك على طول لان مفيش حد في سوريا ترجعله
ثانيا تتفق معاها انك هتديها الاقامه في مصر والجنسيه المصريه وتشيلها الجنسيه السوريه
علشان تربطها بيك جامد وكل شىء بالاتفاق علشان يبقى كلوا على نور
ثانيا انا بشجع على الزواج من السوريه بعيدا عن الستره وما الى ذالك علشان نسبه العنوسه تزيد وبنات مصر ياخدوا درس كويس مش هينسوه طول عمرهم ودا اقل واجب نعمله معاهم
انا بسعى اهو على واحده ومش عارف اوصلهم
وبصرااااااحه انا بعاتب الاخوه اللي ساكنين في اكتوبر ومش سائلين فينا والمفروض هما اللي يساعدونا ويسألوا على النظام ويقولولنا لان اغلب الاسر السوريه قاطنين هناك وانا محرج ادب مشوار ع الفاضي وفي الاخر يصدوني او اتوه هناك وما اعرفش اتصرف ازاي قصدي على موضوع الزواج من السوريه ازاي هدور على عروسه مع ناس ما اعرفهاش وهما ما يعرفونيش
رجاااااءا من الاخوه اللي قاعدين في اكتوبر يسألولنا ويبحثولنا في الموضوع علشان اما نروح نبقى على نور
وجزاكم الله خيرا

**prince91720** · 19-04-2013 12:19 AM

المشاركة الأصلية كتبت بواسطة شكشك

اللي عايز يتجوز سوريه يحاول يختار واحده اهلها كلهم ماتوا في الحرب ومش فاضل الا هي بس او هي وامها مثلا او هي وامها واختها بسسس وابقى عيشهم معاك في شقتك
وباقي اهلها يكونوا عند ربنا علشان اما تتحل الازمه تفضل معاك على طول لان مفيش حد في سوريا ترجعله
ثانيا تتفق معاها انك هتديها الاقامه في مصر والجنسيه المصريه وتشيلها الجنسيه السوريه
علشان تربطها بيك جامد وكل شىء بالاتفاق علشان يبقى كلوا على نور
ثانيا انا بشجع على الزواج من السوريه بعيدا عن الستره وما الى ذالك علشان نسبه العنوسه تزيد وبنات مصر ياخدوا درس كويس مش هينسوه طول عمرهم ودا اقل واجب نعمله معاهم
انا بسعى اهو على واحده ومش عارف اوصلهم
وبصرااااااحه انا بعاتب الاخوه اللي ساكنين في اكتوبر ومش سائلين فينا والمفروض هما اللي يساعدونا ويسألوا على النظام ويقولولنا لان اغلب الاسر السوريه قاطنين هناك وانا محرج ادب مشوار ع الفاضي وفي الاخر يصدوني او اتوه هناك وما اعرفش اتصرف ازاي قصدي على موضوع الزواج من السوريه ازاي هدور على عروسه مع ناس ما اعرفهاش وهما ما يعرفونيش
رجاااااءا من الاخوه اللي قاعدين في اكتوبر يسألولنا ويبحثولنا في الموضوع علشان اما نروح نبقى على نور
وجزاكم الله خيرا

+11111111111111111

اصلى يا مان
هو ده الكلام

**maio_do** · 19-04-2013 03:39 AM

عادى جدااا حاجة تراجعلك لو انت مش هيهمك النسب والكلام دا يبقى اتوكل على الله

بس دا مش معناه ان المصريات وحشين كل واحده ليها جنسية ليها مميزاتها

**smartchoice** · 19-04-2013 09:29 AM

المشاركة الأصلية كتبت بواسطة prince91720

طيب ما هو الواحد ممكن يتجوز واحده مصرية بس من محافظه تانية غير محافظته و ميكنش يعرف حاجه عن اصها و لا فصلها
ما دى هيا دى و لا انت رأى سعدتك ايه ؟

بس فى كل الأحوال ممكن تسأل عنها فى مكان شغلها ممكن تسأل عنها فى المنطقة اللى ساكنة فيها
لكن اللى جاية من سوريا هتسأل عليها فين

اللى اعرفه ان الشيعة بيتجوزو شيعه زيهم و الدروز كذلك
و بعدين ما الواحد هيسألهم برده
مش معقول هيسألها عن مؤهلها و تعليمها و ميسألش على دينها

لا عادى ما هيفاء شيعية و كانت متجوزة أبوهشيمة

متقلقش المحترمه بيبان عليها و اللى مش ولابد بيبان عليها برده من كلامها من اسلوبها من لبسها
و انت هيكون عندك فترة خطوبه هتعرف فى خلالها خطيبتك و نسايبك دول طبعهم ايه و اخلاقهم ايه

صعب و مش كل حاجة بتبان ده غير أصلا إن فى عامل نفسى فى نوعية الجواز دى
لأن البنت هتبقى بتجوز مضطرة نظرا لظروفها السيئة و ممكن لو فى الحالة الطبيعية بتاعتها ترفضك
و بعد الكلام المنتشر و طريقة التفكير المصرية المميزة عن إن الجواز من السوريات رخيص و مش محتاج فلوس فغالبا هتبص ليك على أنك بتستغل ظروفها و بتعاملها كأنها حاجة بتشتريها و التركيبة النفسية للموضوع كله مش حلوة

كلامك فى النقطه دى صح 100 فى ال 100

و على العموم ربنا يوفقك للى فيه الخير