الموضوع: هل ممكن تتجوز من امرأه سورية ؟؟

المشاركة الأصلية كتبت بواسطة maio_do

عادى جدااا حاجة تراجعلك لو انت مش هيهمك النسب والكلام دا يبقى اتوكل على الله


بس دا مش معناه ان المصريات وحشين كل واحده ليها جنسية ليها مميزاتها

انا فعلا مش فارق معيا حكاية النسب دى خالص . اهم حاجه عندى شخصية البنت اللى هتعيش معايا وطبعها .

المشاركة الأصلية كتبت بواسطة smartchoice

بس فى كل الأحوال ممكن تسأل عنها فى مكان شغلها ممكن تسأل عنها فى المنطقة اللى ساكنة فيها
لكن اللى جاية من سوريا هتسأل عليها فين

ما هو برده السوريه اكيد ساكنه فى وسط ناس برده ماهياش عايشه فى فوق الجبال ولا حاجه

المشاركة الأصلية كتبت بواسطة smartchoice

المشاركة الأصلية كتبت بواسطة smartchoice

لا عادى ما هيفاء شيعية و كانت متجوزة أبوهشيمة

يا باشا ابو هشيمه ده رجل شغال مع كبار رجال الدوله السابقين و كان من اكبر موزعين الحديد بتاع عز و معاه ملايين.
و بعدين هو ماهموش فن هيفاء ولا لبس هيفاء ولا رقص هيفاء ولا كليبات هيفاء .
يا ترى هـَ يهمه انها سنيه و لا شيعيه ؟!!!!
و على العموم هما اتطلقو دلوقتى وكل واحد راح لحاله
و دى كانت حاله استثنائيه لأشخاص استثنائين
انا كنت بتكلم عن الناس الطبيعين اللى زيّى و زيّك

المشاركة الأصلية كتبت بواسطة smartchoice

لأن البنت هتبقى بتجوز مضطرة نظرا لظروفها السيئة و ممكن لو فى الحالة الطبيعية بتاعتها ترفضك
و بعد الكلام المنتشر و طريقة التفكير المصرية المميزة عن إن الجواز من السوريات رخيص و مش محتاج فلوس فغالبا هتبص ليك على أنك بتستغل ظروفها و بتعاملها كأنها حاجة بتشتريها و التركيبة النفسية للموضوع كله مش حلوة

لا ما اعتقدش ان فى واحده ممكن تتجوز غصب عنها مهما كانت ظروفها
وهل احنا كشباب مصريين ماعندناش دم للدرجه دى علشان نرضى بكده؟!!!
وهل الواحد ممكن يقبل على نفسه انه يتجوز واحده غصب عنها؟!!!
وهل احنا لما ندور على حاجه احسن واجمل من اللى موجوده فى بلدنا ومناسبه لظروفنا المادية يبقى احنا كده بنستغل ظروف الغير؟؟!!
هو لازم علشان اتجوز ابقى مديون واحمل نفسى فوق طاقتها علشان تبقى جوازة سليمه وابقى كده ما بستغلش؟؟!!!
و الله انا شايف ان اللى بيستغل بجد هما البنات المصرية .
بيستغلو حاجة الشباب للزواج و الاستقرار و يجبروه انه يجيب شبكه بـِ أد كده وشقه بـِ أد كده وعفش وفرح وفوق ده كله يكتب على نفسه قايمه و يقول فيها:
(استلمت المنقولات المبينه كاملة ولا يحق لى التصرف فيها الا بإذن زوجتى ، وألتزم بردها عينا أو دفع ثمنها نقداًواذا لم أقم بردها أو دفع ثمنها نقداً ، أكون مبدداً وخائناً للأمانة)
و الزوجه المصريه اصلا ماجبتش فيها غير شوية حلل و كوبايات ومعالق وتلاجه وغساله والباقى كله الرجل جابه من شقاه و تعبه وغربته.
بس هى لازم تاخد كل حاجه. اللى جابيته و اللى ماجابيتوش. اللى من حقها واللى مش من حقها.
حتى لو بالظلم. حتى لو كان على حساب جوزها اللى كانت بتنام فى حضنه.
وبعدين هى علشان ساعدت بشوية شخاليل ما يجبوش 10 15 الف أأقوم اكتبلها كلللللللللللل حاجه؟؟!!!
تبقى هى مساعده ب 15 الف و اكتب انى استلمت قايمه ب 80 الف جنيه؟!!!!

حكاية البيع و الشرا للسوريه
مش هقول فيها غير حديث الرسول اللى فيما معناه(اكثرهن بركه ايسرهن مؤنه)
و انا شايف ان اللى بتتباع و توشترى هى اللى بتتشرط على شبكه وشقه وقايمه وهما دول تمنها.
لأنها فى الحالة دى بتحول نفسها لسلعه و الحاجات دى بتكون تمنها واللى يقدر يدفع يشيل.
واللى ما يقدرش او مايرضاش بالشروط دى ويدور على بديل احسن يصبح فى عرفنا استغلالى وانتهازى .
لكن البنت المصريه واهلها 1: لما يطلبو حاجات مش من حقهم لا دينيا و لا عقليا و لا اخلاقيا.
2: ولما يجبرو الشاب المصرى على ما لا يقدر عليه و لا يطيقه من مصاريف.
3: ولما يلفو الحبل حول رقبته بالاختراع الحقير اللى اسمه قايمه (والقايمه دى بالمناسبه مش موجوده غير عند المصريين بس)
يبقو كده بيضمنو حق بنتهم
و فى النهاية يقولك احنا بنشترى راجل وده العرف اللى الناس ماشيه بيه.
يا اخى يلعن ابو ده شراء ويلعن ابو ده عرف .والله الغنى عنه.
وانا كراجل ايه اللى يجبرنى على العرف ده؟؟؟؟
خليها قاعده بأه فى بيت ابوها و خلى العرف ينفعهم.
ولو السورية بتتساهل شوية فى طلباتها ف ده هو الطبيعى و عكسه هو اللى غلط ومحتاج تصحيح.
و جيبولى دليل من الدين ان التيسير فى الزواج يعتبر استغلال او غلط.
و جيبولى دليل تانى ان الشبكه الغاليه و القايمه من الدين و ان ده امر لازم الناس تنفذه.

المشاركة الأصلية كتبت بواسطة smartchoice

و على العموم ربنا يوفقك للى فيه الخير

شكرا على الدعوه الحلوة دى.
و ارجو ان حضرتك ما تزعلش منى ولا تاخد كلامى بصفه شخصيه ليك.
انا كلامى عام لكل الناس و مش موجه ليك بصفه شخصية.
و حتى لو اختلفت ارائنا و وجهات نظرنا حول موضوع معين فى النهاية ليك منى كل الاحترام والتقدير لشخصك الكريم.
و ربنا يوفقك انت كمان لكل خير

يا برنس انا معاك في نفس الخندق والتفكير

ويا ريتك تقرا موضوعين عاملهم سابقا

بعناويين على ما اتذكر
تتجوزي واحد مفلس
تتجوزي واحد متجوز


لما تقراهم هتﻻقيني بافكرر زيك بالضبط

لكن المشكلة هل الجواز من سورية هو الاختيار الافضل


اقولك رايي من منطلق خبرتي المتواضعة بعد سنين جواز

دائما اللي في البحر بيلطش واللي ع البر عوام

انا متزوج وعندي اوﻻد والحمد لله ورغم كده اجزم لك اني لو فكرت اتجوز على زوجتي فبسهولة ممكن ارتبط بواحدة صغنونة وجميله وفيها مواصفات ما يحلمش بيها شاب ما اتجوزش قبل كده وتكون مصرية

بس مشكلة الشاب وكلنا مرينا بكده انه بيكون تايه ومجهد وبيلوش ويمكن دي تكون ارادة الله سبحانه وتعالى لحكمة يعلمها

لكن لو وسع دائرة البحث وتنازل عن بعض الشروط او اعاد ترتيب اهمية المواصفات ا اللي بيتمناها بكده ممكن يرتبط بواحدة اكثر تميزا من السورية

وخصوصا ان زي ما المصرية فيها حاجات عجيبة فالمصري كذلك واحيانا بيكون الزوجان المتماثلي الجنسية اكثر قدرة على التواصل وقبول عيوب اﻵخر


المهم ان الواحد ما يقفش عند بنت معينة ويتحنط ويقول انا عاوز من ده ماليش دعوة انا مش هاكل غير دي

عادي واحدة رفضت وﻻ طلبت كتير نفضلها ودور على اللي افضل منها

خايف لحسن الستات يزعلوا - بس البنت في العرف المصري زي السيارة كل شوية تﻻقي موديل احدث وبمواصفات افضل وبمصروف اقل

اما الام فعاملة زي البيت كل ما يقدم كل ما قيمته ترتفع وموقعه يصبح اكثر تميزا


نيجي بقى لقصة القائمة

هي معمولة في الاصل لتواجه الزوج الظالم الذي يضلع زوجته ويهينها ولو طلقها مش هيديها حقوق ولو مش عاوز ممكن ما يطلقهاش ويسيبها معلقة

فعملوا القايمة علشان تكون ورقة ضمان تساعد المرأة ان الرجل ما ياخدهاش لحم ويرميها عضم زي ما المثل بيقول


ومؤكد مجتمعنا يضج بمﻻيين الحالات التي يظلم الرجل فيها زوجته ويتركها تتحمل تبعية زواج فاشل

واللي ساعد على كده لوائج اجراء عقد الزواج واللي بتفرض ضرائب ورسوم مرتفعة تتناسب طرديا مع قيمة المهر المسجل

فالناس بقوا يقسم ا المهر لجزء مسجل في العقد وسموه مؤخر الطﻻق يسدد في اقرب الاجلين الموت او الطﻻق
والحقوق التانية خلوها في صورة وصل امانه باسم القائمة



كل ده ما فيهوش مشكلة لان الرجل في يده ادوات والمرأة كذلك ليدافع كل عن حقه في حالة النزاع

لكن المشكلة بدات بقانون الخلع اللي رغم عظمته في رايي
الا انه اعطى الفرصة لبعض الزوجات كي يظلموا ازواجهم

يعني دلوقتي ممكن زوجة مفترية تخلع زوجها وبدل ما ترجعله ما صرفته من مهر ترفع عليه قضية تبديد امانه القائمة واللي بيكون داخلها الذهب اللي ممكن تكون حاطاه عند ابوها



انا واحد من الناس لله عندي ثﻻث بنات صغيرين

عازم على ان ازوجهم ان شاء الله اول ما يوصلوا السن القانوني حتى ولو اثناء تعليمهم وﻻ اعتقداني ساقف مع من يتقدم لاي منهم على اي ماديات حتى لو مفلس لكن بشروط

اولها انه يكون شخص يعتمد عليه ويؤتمن على مسؤلية بنتي

وكما قال سيدنا على كرم الله وجههزوجها لرجل يتقي الله فيها ان احبها اكرمها وان كرهها لم يظلمها


ثانيا يكون من اسرة مناسبة لنا


ثالثا ان الاتنين يكونوا معجبين جدا ببعض


رابعا انه يقدم لها ما يتناسب مع وضعه المالي
لو كان معدم يقدم لها الخاتم الحديد الذي يلبسه
وان كان مليونيرا فلن اقبل ان يقدم لها شبكة بعشرين الف فقط لانه بذلك يثبت لي انه سيبخل عليها

في الحالتين ﻻبد ان يكتب لها في عقد الزواج حقها من مهر المثل ﻻن بنات الناس مش لعبة وما حدش بيجب ر حد على الجواز ولا على الطﻻق لكن مش معقولة كاب هاترك واحد يستمتع ببني ولما يزهق منها يرميها في الشارع ويدور على غيرها وهكذا دون ان يعطيها حقها الذي يضمن لها وﻻبنائها منه حياة كريمة


لن اقبل بحاجة اسمها قايمة وكبايات وشوك وستائر وكﻻم فاضي


لو واحدة من بناتي تعلقت بشاب محترم وارادا الزواج وهم في الكلية ورايت فيه كل ما سبق

فأنا بنفسي هأجهزلهم الفرح واجوزهم حتى ولو بدون مسكن للزوجية لحين تدبير امرهم