الموضوع: هل ممكن تتجوز من امرأه سورية ؟؟

يا جماعه انا بقالى فتره متابع كذا جروب وصفحة سورية على الفيس
وتابعت ردود السوريين هناك وخصوصا فى مسألة الزواج من المصريين و استنتجت الاتى (من وجهة نظرى) :-
1: فيه بعض السوريين شلأ وبيئه زى المصريين الشلأ اللى عندنا بس شلأ سورى باللهجه السورية (المقصود بيئه فى طريقة تفكيرهم وتعاملهم وليس المقصود بيئه فى مستواهم المادى و الإجتماعى)
2: فيه بعض السوريات المغرورات جدا وواخدين فى نفسهم مقلب جامد
3: فيه بعض السوريات اللى مدحو الرجاله المصريين وقالو انهم يعرفو سوريات متجوزيين مصريين ومبسوطين معاهم
4: الفئه رقم 3 تلقت كلام سىء وتهزيق من الفئه رقم 1 و 2 وطلعو النعرة القومية الكدابه انهم احسن شعب على وجه الارض و بقية الشعوب اتت من سلة زباله
5 : فيه بعض الرجاله السوريين العاقلين اللى قال ان اهم حاجه فى الشاب اللى هيتجوز بنتهم هى الدين والاخلاق مهما كانت جنسيته واستشهدو بحديث الرسول(اذا جاءكم من ترضون دينه وخلقه فزوجوه)
6: بعض السوريين وصفو الرجاله المصريين بالكرم والشهامه
7: بعض السوريين كانو محايدين دون تعصب لشعبهم وقالو ان مش كل البنات السورية زى ما احنا مفكرين وشوفنا فى مسلسل باب الحارة<<<<< على حد تعبيرهم
وقالو بلاش نبالغ فى الانبهار بالسورية علشان مانكنش راسمين ليهم صوره محددة فى بالنا ويطلعو فى الاخر غير ما احنا كنا متوقعين ونتصدم
لأن السوريه فى النهاية بشر وأكيد فيها عيوب ونقائص
### بعض الناس تعتقد ان السوريه على عيوبها هى افضل من المصريه
8: بعض المصريين عارض فكرة الزواج من السوريه ومن غير المصريه عموما معللا ذلك بأن لسه فيه أسر مصرية لا تتعنت ولا تغالى فى طلبات الزواج مثل الغالبيه العظمى

متفكرنيش يا اخويا اصل انا مفقوع من السيرة دي
طبعا اي جنسية ......................... ام المصرية (حتي ف الجواز) يووووووو
انا متفق تماما مع اي حد يقول يتجوز من سورية طالما متدينة وتعرف ربنا
علي الاقل مش هيكون في (صاحبتي_اختي_مراة اخويا _ اي حد مؤنث ف حياتها ) عندها او جوزها جابلها
هتعرف قيمة انها متجوزة راجل مش محفظة فلوس او ماتور ايطالي
الجواز في بلادنا هنا جواز مشروط يعني اللي معاه كتير هو اللي يتجوز واللي معاه بس ميلزموش