(Bazoka+GM) لو أنت بايع أنا شاري أن شاء الله

السلام عليكم ورحمه الله وبركاته

دي اول مشاركه ليا وأن شاء الله مش الأخيره
قبل اي شئ بتقدم بالشكر لطاقم الاشراف والقائمين علي المنتدي والأعضاء المحترمين


:F_eyeb1[1]::F_eyeb1[1]::embarrassed::F_eyeb1[1]::F_eyeb1[1]:
بعد اذن حضرتكم انا كنت عاوز اعلي طقم الصوت عندي شويه فياريت أي حد محتاج يبيع حاجه ولو لقيتها مناسبه من حيث الحاله والسعر أن شاء الله أخدها
أنا محتاج بعد أذنكم
بازوكا وجي أم او صب وجي أم
ولو في سماعتين كينود بيضاوي يبقي تمام

التواصل عن طريق المنتدي واتمني ألاقي اللي محتاجه وشكرا علي المنتدي الهايل ده
أنتظروني في مزيد من الموضوعات
أتمني اللي بيكون عارض حاجته من المنصوره لسهوله التواصل


SMART RMD
Mohamed.ramadan1987@yahoo.com

انا عندي جي ام 350 سوني و عندي سمعات كين ووود 500 وات دبل بيز جيبتهم من غير الوصلات 900
مكملوش شهر ممكن ابيعهم بــ 800

شكرا لردك استاذ ماجد
ومتابع لمزيد من العروض
بس استفسار بسيط حضرتك مش شايف أن السعر كده عالي جدا واللي يخليني أدفع فيه 800 ما اروح اجيبهم ب 900 زيروا ولا كلامي مش منطقي عموما موفق في البيع وفي أنتظارعروض شباب نيل موتورز والأخص اللي من المنصوره

عندى جى ام سونى 4 اتشنل 600 وات 700 جنية جديد

و صب 15 بوصة 1500وات 500 جنية جديد

الحجات دية لم تستعمل وعندى 3 جى ام و 3 صبات لو عيزهم كلهم اضرب فى 3

هو الصراحة معاك حق فعلا بس انا والله الحاجة جديدة جدا زيرو مكملتش شهر والله كإنك واخدها جديد بالظبط ده حاجة بالنسبة للسعر قول انت سعر وانا عنية ليك بس انا ببعها مش علشان وحشة بس انا كنت عايز صوت معين وكنت فاكرها هتديني صوت إل انا عايزو فان بفكر في جي ام 600 وات و صباية مع سمعتين أعلى منهم بس مش اكتر

هوه ما فيش اي حد عاوز يبيع ولا ايه
أنا محتاج بازوكا وجي أم يكون سوني اللي هوه فيه زرار بيتحكم في البيز ده
وياريت لو حد يقدر يفيدني بمعلومات افضل أني أجيب حاجه من بره مصر لأني موجود في الخارج وبنزل كل شهر ولو حد محتاج حاجه انا تحت أمره
بس حاليا انا عاوز اجيب الحاجات دي استعمال

هوه ما فيش حد بيبيع ولا بيشتري ولا ايه .....متابع للعروض وياريت تكون الاسعار معقوله يا جماعه اي حاجه جديده موجوده في السوق في اي وقت أنزل اشتريها انا محتاج حاجه مستعمله وتكون حالتها كويسه وبسعر معقول ومنتظر عروضكم
الحوار كله بازوكا وامبليفير

عندى جى ام سيمفونى 500 وات 4 تشانيل وبازوكا سونى 1100 وات استخدام 4 شهور
السعر : 950 جنيه للاتنين

شكرا ميدو علي اهتمامك وردك بالموضوع وربنا يباركلك في الحاجه اللي معاه
بس انا يا جماعه عاوز اشتري مستعمل أكيد علشان السعر وكله للاسف عارف الحاجه بتاعته باسعار غاليه مع العلم أن الدنيا واقفه وما فيش بيع ولا شرا
يعني يا ميدو أنت شايف أنت منطقي جي أم سيمفوني يبقي تمنه 500 جنيه اومال لو جديد هجيبه بكام دا لو البازوكا حضرتك حاسبها علي 450 ودا بردواكتير لأنها جديده 650 زيرو
عموما هيه مسأله عرض وطلب واسف لو كان كلامي ضايق حضرتك وشكرا تاني مره علي أهتمامك وردك في الموضوع
ومنتظر مزيد من العروض

اقتباس:

---

المشاركة الأصلية كتبت بواسطة smart rmd

شكرا ميدو علي اهتمامك وردك بالموضوع وربنا يباركلك في الحاجه اللي معاه
بس انا يا جماعه عاوز اشتري مستعمل أكيد علشان السعر وكله للاسف عارف الحاجه بتاعته باسعار غاليه مع العلم أن الدنيا واقفه وما فيش بيع ولا شرا
يعني يا ميدو أنت شايف أنت منطقي جي أم سيمفوني يبقي تمنه 500 جنيه اومال لو جديد هجيبه بكام دا لو البازوكا حضرتك حاسبها علي 450 ودا بردواكتير لأنها جديده 650 زيرو
عموما هيه مسأله عرض وطلب واسف لو كان كلامي ضايق حضرتك وشكرا تاني مره علي أهتمامك وردك في الموضوع
ومنتظر مزيد من العروض

---

حضرتك البازوكا دولوقتى ب 725 جنيه والجى ام ب 650 جنيه يعنى المجموع 1375 جنيه
وانا بابيعهم باكيدج وحالة نضيفة ب 950 جنيه يبقى السعر مش كتير وهوه ده المنطقى خصوصا فى ظل ارتفاع الاسعار
وعلى العموم ربنا يعترك فى حاجات احسن وبسعر يكون مناسب ليك

شكرا ميدو علي التوضيح ومنتظرين مزيد من العروض للوصول للافضل