اواجة مشكلة في تبريد سيارتي افيو موديل 2008 ارجوكم المساعدة

**gadotch** · 18-04-2013 04:01 AM

من شهرين كدة تقريبا لقيت العربية سخنت مني فجأة روحت للميكانيكي بتاعي لقينا الريدياتير بينقط المهم انا غيرتو و حطيت مية خضرا بس الراجل مغيرليش الكاوتشات اللي تحت الريدياتير و بعديها بإسبوعين تقريبا لقيت الخرطوم اللي جاي من الموتور للريدياتير بينقط روحت مغيرو بردو
انهاردة بقى لقيت الريدياتير الجديد بينقط تاني اعمل ايه ارجوكم ساعدوني

**windofchange** · 18-04-2013 04:30 AM

الردياتير الجديد اصلي زي اللي كان راكب فيها؟ وتقصد ايه بالكاوتشات اللي تحت الردياتير؟

**gadotch** · 18-04-2013 08:05 PM

اة كان زيه بظبط الكاوتشات دي بتبقى اتنين واحدة يمين و واحدة شمال الريدياتير متثبت بيهم من تحت يمكن عشان يمتصو الصدمات
عموما انا روحت انهاردة للميكانيكي و لاقيت العربية واخدة خبطة من تحت و الريدياتير اتفعص من تحت فا بيخر عشان كدة
المهم المشكلة اساسها ان العربية وطيط شوية بس المساعدين سلام هوه قالي انهم بقوم طريين فا قالي ممكن يركبلي كاوتشات تعلي العربية من قدام شوية عشان متلحسش المطبات و هية واطية كدة و طبعا هجيب ريدياتير جديد تاني
لو تعرف سعره كام عشان انا جبت الاولاني ب ٥٥٠ جنية عشان الاصلي و شكراً جزيلاً

**windofchange** · 18-04-2013 08:26 PM

متعليش العربية من قدام غلط ده هيأثر علي ثباتها جدااا ممكن تغير المساعدين والسوست ولعلمك السوست بتأثر علي ارتفاع العربية لانها مع مرور الوقت بتنضغط والسوست بتتجاب استعمال الخارج...عموما غيره بواحد تاني وامرك لله واقترح انك تجيبه استيراد استعمال الخارج يعني هتفكه من قطعية امامية وتاخد معاه كل حاجته بقي كاوتشات ولو في حاجة تانية محتاجها خدها دي ميزة الاستيراد عن الجديد لاني اظن ان اللي انت جبته مكنش فيه كاوتشات صح؟