الموضوع: شهادة البيانات

المشاركة الأصلية كتبت بواسطة hazem_khidr

شهاده المخالفات مدتها شهر واحد فقط
نفس الحال في شهاده البيانات

بالظبط كده شهاده البيانات و المخالفات مدتها شهر واحد بس .

المشاركة الأصلية كتبت بواسطة amr_elrashidy

يعنى معنى كده ان ممكن الواحد يخلص كل الموضوع فى المرور اللى تبعه العربية بالفحص و التأمين و الشهادات و المخالفات و طبعا يبقى عامل نقل الملكية و يروح يسلم الورق فى المرور بتاعه الجديد؟؟؟و هل ممكن اعمل كل الكلام ده و بعدين بعدها باسبوعين اكمل ولا حيقولولى شهادة المخالفات صلاحيتها خلصت و عاوزين واحدة جديدة

معلش احتمال اكون اتلخبط شويه ب حشرحلك الموضوع بالظبط زى ماعملت ...

الاول حضرتك تطلع على المرور الى العربيه تابعه ليه و تعمل الاتى :-
1- تطلع شهاده بيانات موجه للمرور الى حضرتك تايع ليه .. و حضرتك تدفع الضريبه مع تطليع شهاده البيانات سواء لسنه او ثلاثه .

2- لو لسه معملتش نقل ملكيه ومعاك توكيل ... حتطلع شهاده بيانات تانيه موجه للشهر العقارى الى حضرتك تايع ليه . لو معاك عقد بيه و مخلص اجرائات نقل الملكيه يبقى ملهاش لازمه الشهاده التانيه

3- حطلع شهاده مخالفات .

الاجرائات ديه فى المرور الى العربيه تابعه ليه ... وعادتا بتخلص بسرعه .

ثاناه فى يوم تانى حضرتك تروح الصبح بدرى " اوى " المرور الى انتا تابع ليه ....
ويكون معاك عقد البيع و شهاده المخالفات و شهاده البيانات و صوره البطاقه و رخصه السياره .
1- تشترى نموذج الفحص من الخزنه ..." وحاول تقول للراجل يديك كل الدمغات و الورق مره واحده بدل ماتروحله كذا مره ... علاشان انا فاكر روحت الخزنه مرتين " و تطلع على شباك التراخيص الملاكى هما بيظبطو الورق و بيدبسوه و بيدلوك على الخطوات الى حتمشى عليها .الى تقريبا مش حتختلف عن الى حقولك عليها ديه

- المفروض تروح عند بتاع النمر و تحجز نمره و بيكتبها على الورق

2- حضرتك حتطلع تعمل فحص الطفايه و الفحص البيئى و الفحص الفنى

3-بعد ماتخلص الفحص ,اطله على شباك " او كشك " التأمين و ادفع قيمه التأمين سواء سنه او ثلانه .
4- حضرتك تروح لشباك الترخيص .. وتديهم ورق الفحص و الرخصه القديمه و كل الورق الى معاك و هما حيشتغلو فيه و تروح تستلم النمر الجديده .

5- استنى فرج ربنا على حضرتك علاشان تستلم رخصتك
6- الف مبروك العربيه اتنقلت بأسم حضرتك .. ربنا يباركلك فيها ويكفيك شرها .

اتمنى مكونش اتلخبط فى اى خطوه من الخطوات ... وبالتوفيق ان شاء الله

المشكله باختصار ان عربيتى كانت باسم والدى المهم جيه عملى نقل ملكيه و العربيه كانت تبع مرور العجوزة ولما اتنقلت باسمى اصبحت تبع مرور فيصل المهم لما اتنقلت تبع مرور فيصل اخدت نمر جديده المهم جيت فى مره استعلم على المخلفات لاقيت رساله طلعت ليا بتقول بيانات المركبه غيرمسجله على النظام وللاستفاده من الخدمات الإكترونية برجاء التوجه الى نيابه المرور و احضار اصل الرخصه واصل اثبات الشخصيه و ايصال استلام النمر و طبعا الايصال داه مش معايا المهم قولت مش مشكله ابقى استعلام عن المخلفات لما اروح اجدد .المشكله بقى فى ايه انى لما سجلت فى موضوع كروت البنزين لقيت رساله بتقولى لما ضغط على متابعة حاله التسجيل و هى ؤيانات المركبه غير موجوده بالنظام.

هل فى حد عنده نفس الحوار الى عندى ؟ وبعدين هو حوار كروت البنزين داه هيتم بجد ولا ايه؟.
انا اسف على الاطالة.

انا رحت نيابه مرور فيصل و طبعا طوابير بالهبل و محدش عايز يسمع حد كا العاده
البلد ديه عمرها ما هتتغير الموظف تكلمه تلاقيه بيرد بقرف و مش عايز يبص فى وشى اصلا و تساله ميردش و القصه الزفت بتاعه المرور
المهم رحت سئالت و حكيت القصه بتاعتى لاقيت الموظف بيقولى طلع شهادة بيانات بالنمر القديمه بتاعت العربيه اللى هى منتهيا من سنه 8/2011 و طبعا ديه مش معايا المهم
انا زهقت روحت سيبتهم و مشيت.

هو انا المفروض اطلع شهاده بيانات من المروربتاع الرخصه القديمه اللى هو بتاع العجوزة ولا من مرور فيصل