كنت عاوز رأي الناس في يارس اوتوماتيك
سيريون 1500 اوتوماتيك
وكنت عاوز احسن مكان للتقسيط ويكون تقسيط اسلامي غير ربوي
عرض للطباعة
كنت عاوز رأي الناس في يارس اوتوماتيك
سيريون 1500 اوتوماتيك
وكنت عاوز احسن مكان للتقسيط ويكون تقسيط اسلامي غير ربوي
حضرتك اظن اني رديت على حضرتك من قبل
العربيتين زي بعض
اللي هيفرق معاك انت ان دي سيدان ودي هاتشباك
وفرق الفلوس مع الأمكانيات
اما من حيث العربيتين فالأتنين زي بعض ولو سيريون انصحك بماتور 1300 سي سي
أفضل في البنزين مقابل الاداء لأن العربيه مش هتحتاج اكتر من كده من رايي
ايوة بالفعل انا كنت عامل موضوع قبل كدة بس مكنتش عامل استطلاع رأي عشان كدة عملت موضوع جديد
انا شايف السيريون افضل لسبب واحد ان الياريس سعرها مبالغ فيه شويتين ومش حتلاقى فرق بين العربيتين بستدعى الفرق ده
واحد قريبى لسه جايب سيريون اوتوماتيك 1300 موديل 2008 ب 82.5 الف
وسعر الياريس 95 الف فرق كبير فى السعر مش مستاهل
رأى الشخصى ياريس
طيب هو اوتو سمير حلو في التقسيط
اصل في ناس بتشكر فيه وجاري بيقسط عندة وبيقول عليهم محترمين جدا
اتصلت بالشركة العالمية والراجل قالي معندهمش يارس تقسيط
اتصل ب اوتو سمير ولا ايه انا عاوز احسن واحد تقسيط ويكون سمعتو حلوة
متعرفش واحد
انا صوتت لـ ياريس أوتوماتيك
لأني لو كان معايا الفرق بينها وبين السيريون كنت اشتريتها
الفرق ما يقارب 15 ألف جنيه
بس باكرر اني مش ندمان خالص اني اشتريت السيريون ولله الحمد
انا ركبت السيريون، جميله جدا كانت لسه جديده عامله ٣٥٠٠ كيلو، بس عافشتها ناشفة اوى، ظهرى وجعني، يمكن عشان لسه جديده العفشه لسه مالانتش.
اظن الياريس هتكون عفشتها انعم. بس صاحبى الجاب السيريون ده بيشكر اوى فى ثباتها، بيجيب بيها لغاية ١٦٠ و ثابته معاه جدا.
انا شخصيا ارشح الياريس لو عافشتها فعلا انعم.
انا رايي يــاريــس
لان السيريون فيها مشكلة في استهلاك البنزين رغم انها 1300 فما بالك لو 1500
اعتقد الياريس افضل لان ناس كتير بتشتكى من العربيات الكورى فى الاوتوماتيك
معلش يا جماعة ماخدتش بالى جت فى دماغى سيراتو:p....بس هو صحيح الكورى فى الاوتوماتيك مش حلو لان انا سمعت ناس كتير بتقول كده
ana ma3aya sirion manual 2008 wembare7 kan fi wa7ed mashy gamby bsirion 2007 automatic wkaan masha2Allah mashy zay elmanual bta3ty bezabt
whya 1300 i think this is good choice :)
انا لما دخلت منتدى الدايهاتسو لقيت اكتر من عضو بيشتكي من زيادة استهلاك البنزين في السيريون بتاعتو
وخصوصا ان اي واحد بيجيب عربية 1300 بيقى عايز يشتري دماغه من مسألة البنزين
أظن انها ممكن تتحل في موديل 2009
عاوز تريح دماغك
هات ياريس
الياريس افضل بمراحل من السيريون
اركب الاتنين و انت تلاحظ
هو طبعاً الموضوع قتل بحثاً ونقاشاً
بس عاوز أعرف
لو تجاهلنا الفرق اللي بين الاتنين في ان واحدة سيدان وواحدة هاتش باك
ولو تجاهلنا مشكلة التخبيط اللي ظهرت عند بعض الناس
ولو تجاهلنا ما قيل عن مشاكل في دبرياج الياريس
الياريس أفضل من السيريون في ايه بالظبط
ده مش سؤال استنكاري
ده سؤال واحد ركب السيريون ولغاية دلوقتي مركبش الياريس
يا ابو حمزه مش حكايه شنطه و غير شنطه
انا بتكلم من غير اي تحيز علي فكره
الياريس تحس انها عربيه كبيره بعكس السيريون.
و بعدين مشكله ايه اللي في الدبرياج؟؟
علشان كهربا و اللي بيريح عليه بيبوظ
طب ماهو غلط اساسا انك تتقل رجلك علي الدبرياج؟؟
تبص للشنطه الياريس اوسع بكتييييير
تبص للركوب من جوه برضه الياريس اوسع
الموتور برضه موتور الياريس افضل و هو نفسه موتور الكورولا 2007و مفيش حد اشتكي منه
استهلاك البنزين الياريس افضل و اتحدي
الشكل برضه الياريس
الصالون و التابلوه برضه الياريس تحس ان تابلوها ماسك نفسه.
سعر اعاده البيه و انك تبيعها في اي وقت برضه الياريس.
طبعا الاختيار راجع ليك انت لكن...
انت مش ح تشتري عربية كل يوم ف اكيد ح تحتاج الشنطة وانت واضح انك لسة متجوزتش كل الستات يا صاحبي بيحبوا يجيبو الدولاب معاهم وهو مسافرين
العربية الياريس اعلى عن الارض حتى لو بداخلها ركاب لكن اعتقد ان السيريون منخفضة قليلا الشئ اللي يخليها تحك في اي مطب ممكن كمان لو فاضية
ثبات الياريس ما شاء الله وأوسع كمان من جوه
الياريس 2 اير باج مريات كهرباء وده اساسي في العربية مش ح يكون في السيريون وهو ده اللي عامل فرق السعر
برده الاختيار خاص بيك وربنا يوفقك
أولا: مين اللي قال لحضرتك ان السيريون بتحك في المطبات حتى و هي فاضية؟ حصلت معاك شخصيا دي قبل كده؟
ثانيا: اسأل ملاك السيريون عن الوسع الداخلي.
ثالثا: ال2 إير باجز و المرايات الكهربا موجودة في جميع موديلات السيريون حتى المانيوال.
اما عن الشنطة فده طبيعي و قاعدة عامة اللي عايز شنطة واسعة من الآخر ما يفكرش في هاتشباك.
والله يا اخت علا للاسف الشديد انا ركبتها مع واحد صاحبي وحكت من تحت
وبعدين العيب مش في العربية العيب في الشوارع بتعاتنا
اما بخصوص الاير باج فشكرا على المعلومة لأني المعلومة اللي عندي ان معظم الكماليات بتتشال من السيريون
هو ده الكلام
انا مش فاهم ازاي الواحد يقارن عربيه هاتشباك بسيدان
ويروح يحط نقطه للسيدان علشان الشنطة ....إزاي يعني
يا اخواني الهاتشباك عمرها ما هتبقى ولا هتوصل لشنطة السيدان فإزاي اقارنهم ببعض يعني وافاضل كمان
عالعموم
أحب اوضح بعض النقاط
ان أولا السيريون ماتورها اقوي من الياريس
لأن السيريون 87 حصان فعلي
ولكن الياريس على ما اتذكر 82 او 85 حصان
استهلاك البنزين للسيريون
انا بنفسي عملت 375 كم في الصفيحة وانا مشغل التكييف ومحمل العربيه وانا اتوماتيك كمان على طريق
يعني لو مانيوال اكيد اكتر
ممكن اعرف حد من ملاك الياريس عمل الرقم ده .. اتوماتيك
ده غير برضه ان المفروض ان ااداء ماتور السيريون رياضي
وحتى دي ليست نقطه خلافيه في المقارنة لن الاستهلاك بين الأتنين مش هيفرق كتير لدرجة ان افاضل عربيتين ببعض علشان النقطه دي
لأن في النهاية هتطلع فروق بسيطة جدا تكاد لا تذكر من اساسه
كلام مظبـــوط
الياريس 86 حصان و التوكيل بيقول عليها 92 حصان
أنا بعمل فى البلد و أنا مشغل التكييف تقريبا 240 كم فى الصفيحة
و على الطريق تقريبا على ما أذكر 340 كم و عربيتى أتوماتيك
[/quote]
يارس اوتوماتيك