الموضوع: Symphony SR150 ممكن الافادة فى الاسكوتر ده

المشاركة الأصلية كتبت بواسطة m_abdelrahman

أنا معايا السيمفوني بقالي شهرين تقريبا.
أنا بسوقه جوة البلد مبطلعش بيه على طريق سريع أنا عن نفسي مبقتنعش أن السيمفوني ينفع لطريق سريع عشان تبريد الهواء هو كويس أوي للسواقة جوة البلد.
أقصى سرعة بتبقى حوالي 90 كم/الساعة.
موضوع الثبات ده أنا مقدرش أفيدك فيه لأن ده أول سكوتر أركبه.
العجل الكبير كويس في المطبات هو المساعدين اللي ورا.
مبيهلكش بنزين و فرامله كويسة جدا بس الشنطة صغيرة للأسف حبتين.
ملوش مركز صيانة أنا الراجل اللي أشتريته منه عنده ورشة و هو اللي بيغيرلي الزيت و هو اللي بيصلح.
و المرة الوحيدة اللي غيرت فيها قطع غيار كانت تيل الفرامل و كان موجود عند الراجل.

جزاك الله خيرا .... اعتقد انك ممكن تطلع بيه على طريق سريع عادى انا معايا فيسبا عادية lml وبطلع بيها كل يوم صلاح سالم كله وتبريد هوا برده بس اعتقد العجل الكبير اريح فى الطوالى عن العجل بتاع الفيسبا العادى . بس موضوع الصيانه وقطع الغيار ده مقلق جدا لانى بصراحة ماعنديش مشكله خالص فى الموضوع ده مع ال lml . اعتقد كده انا هافكر جديا فى الموتسيكل الباجاج .