الله يبارك فى سعادتك ياباشا
نتمنى الخير دائما....
ونحن نحسن الظن الى أن يثبت العكس
عرض للطباعة
عجينة اية اللى مش حلوة هو فتيس ماركة سد الحنك
وعلى فكرة أكاد أجزم ...بأننى أعرف كيف صنع هذا الفتيس بالمللى..
ولكنى أترك هذا الموضوع للمقابلة الشهرية حتى نطرحه بشكل عملى ..ونترك الحكم للسادة ألاعضاء...لأثبات صحة الكلام من عدمة...
واتمنى من الله أن يحضر جميع أعضاء قسم الصينى وغيرة من المنتدى المحترم
الذى يذخر بعقول ذكية ومتنورة واعية..
وتحب البحث عن كل ماهو أفضل لسياراتهم..
وبعد أذن منسقنا المحترم ...هاكرر كلامة ..وهاقول الدعوة مفتوحة للجميع.وأشكركم.
يا سيدى الفاضل موضوع العجينة دة لو مش كويس الترس حيتكسر علطول ملوش اى اعراض تانية
ثانيا انا مؤمن ان ما يصنعة الخواجة ياتى بعد دراسات سنين مش حنيجى ونعدل علية فى موضوع كبالن او غيرها دى اسمها فهلوة ليس اكتر انا كنت شغال فى شركة ايرباص لصناعة الطائرات فى تولوز بفرنسا وعملت بها اربع سنوات الخواجة هناك لو ملقاش العدة اللى تفك المسمار يتوقف عن العمل حتى يتم تصنيع او استيراد العدة المطلوبة لفك المسمار ولا يجازف باستخدام الفهلوة هذا الفرق بيننا احنا المصريين والاجانب كل شىء زى ما الكتاب قال والله الموفق
يافندم رأيك يحترم ..
وأنا مش فى مجال الدفاع عنة..لأن شغلة يدافع عن نفسة..والفهلوة ليس لها مجال هنا
ولكن مع أتفاقى مع سعادتك أن الخواجة مابيغلطش..
لو حسبناها بالطريقة دى..برضة بيكون فين اسثنائات.بمعنى
طائرة ايرباص 330..تنزل على الرن واى هبوط آمن ويدخلها الارشاد الى الأستاند
وتطفى بيكون...وتعمل اوف لودنج..وتنزل ركاب.
وتعمل اون لودنج..وتركب ركاب وتاخد أمر اقلاع..
ثم اطار النوز ينفجر ..تفتكرسعادتك دة من أيه..
ودة طبعا بعد ماشييك عليها الخواجة ..وسيادتك أدرى بوضع السفتى والتشييك قبل الاقلاع...
أو أن الطائرة لاتستطيع الاقلاع..لوجود مشاكل فيها (تكنيكال).مع أن الخواجة..
فى السفر قبل أقلاعها من يلدها..وفحصها أيضابعد الوصول تمهيدا لأقلاعها مرة أخرى
أرجو الاأكون أطلت على سيادتك..
ملحوظة :الجزئية الى كنا بنتكلم عليها على الاقل الفتيس دى معمولة كوبى ..وبست..
ومش هاقول اكتر من كدة الا فى المقابلة ياريت انسمح وقتك تشرفنا.
مين قال أن لو العجينه وحشه الترس حيتكسر
أنا أقولك
العجينه هنا يعنى السبيكه
كفيش حاجه فل صناعه إسمها معدن بيور خالص 100% حديد أو 100% نحاس أو 100% ألومنيوم
فيه حاجه أسمها السبائك المعدنيه اللى هى Alloy يعنى سبيكه
السبيكه ديه بتبقى عدة معادن بنسب مختلفه 20% ل 80 % و هكذا لتشكيل معدن ذو صفات و خصائص تجمع بين معدنين خام بيور
يعنى مثلا السوسات حتلاقيها معموله من سبيكه معدنيه لإكتساب خصائص المرونه و فى نفس الوقت تتحمل الضغط و الجهد دون ان تتأثر
و بالنسبه للتروس ,, فا نفس الكلام ,, سبيكه بمواصفات و نسب لتحمل الضغط و الإحتكاك
و طبعا السبائك ده علم عظيم و فيه أسرار لا يعرفها إلا الدول الصناعيه الكبرى و تسمى أسرار صناعيه و أحيانا عسكريه و حربيه
و تفسيرا لكلام البشمهندس حمدى ,, أعتقد انه يقصد ان سبيكة تروس الفتيس قد تكون لها خواص صوتيه مختلفه
يقصد انها تصدر صوتا أعلى من المعتاد و ما نسكيه نحن الونه
و هذا علم أخر و بحر كبير و اللى هو علاقة الأصوات بنوع المعادن , لأن كل معدن يصدر صزتا مختلفا عند إحتكاكه ببعضه البعض
أنا لا أميل إلى هذا التفسير عن نفسى و لو أنى أجد فيه شىء من المنطق و لكن مع إحترامى للبشمهندس حمدى ,, هى مجرد نظريه لم يتم تأكدها