انا ليا تحفظ على كلامك يا عم عاشور
ليه
الفتاى عندنا بالذات بيبان على طول
عشان عندنا ناس فاهمه كتير
انما فيه ناس بتنقل خبرة موقف حصل معاها
زى لو عندك برد و بتعطس
هتروح لصيدلى يديك دوا
و لواحد تانى يديك دوا
و الدكتور يكشف عليك و يديك دوا
بس انت خفيت على انهى دوا
و على رأى كلمة ظريفه انا شايف انها تعبر عن حال الشعب المصرى
اسأل العليل و لا تسأل التحليل
حتى الصنايعية و التوكيل شغال بنظام التجربة و الخطأ
والله دى الحقيقه
و عن تجربه مع صنايعية بيتقال عليهم اباطرة الأوبل
و هما فى وجهه نظرى اتعلموا بطريقه ان عربيات كتير عدت فيها العيب ده
مرة تصيب و مرة تخيب
و لغاية ما جرب اللى صابت
و نفعت معاه
و خد شهرته
طيب انا هاقول لحضرتك حاجة حصلت معايا
العربية عندى اليومين اللى فاتوا حصل فيها قفله
المراوح مش شغاله غير على السرعه العالية و بعد كده فصلت الكبيره و بعدها هيست الصغيره
كل ده فى ساعه
كنت فى الطريق الصحراوى
دخلت منصور
و سألت على حد عشان العربية سخنت قوى وصلت ل 100 فى اول مره فى حياتها
قاللى ده الكنترول و هنجيب علبة فيوزات بالكتاوت و مروحتين
و تكلفه كشف خارج المركز تخصم عند احتساب الصيانه
و قاللى كلام يوصل لحوالى 4000 جنيه او يزيد
قلتله شكرا
و دفعت 50 جنيه
و بس على كده
ابتدى معايا المخ المصرى و ده ربنا يكفيك شره لما يشتغل
سلكتين
و قطعت السلك بتاع المروحه الكبيره من الضفيره عشان مدخلشى كهربا تبوظ الدنيا
و شغلتها دايركت على البطاريه
رحت للكهربائى بتاعى
بص
و لف بمفك تست
و يمين و شمال
فك فيشة المروحه الصغيره اللى هى شغاله اصلاً
القفله راحت
موتورها الشربون بيرد كهربا بيضرب اى فيوز يتحط
و جبت موتور بس
و الكهربائى هد و فك و تركيب و كشف خد 20 جنيه
و موتور استيراد ب 120
و الحمد لله
تعتقد ان لو حد كلمنى و قاللى حصل معايا كذا و كذا
هاقوله روح التوكيل
و لا هابتدى افتى حسب الموقف اللى حصل معايا
اقل حاجة
هاقوله وصل المروحه باى شكل
لغاية ما توصل لحد بيفهم
يعنى فى الوضع السابق التوكيل اللى كان بيفتى
و الكهربائى الغلبان هو الصح
مش نقل الخبرات فتى يا استاذ عاشور
ولا اسداء النصائح فتى يا استاذ عاشور
انا لما حد يكلمنى باقله جرب ده و ده و ده
يبقى ده فتى
ولا نقل خبرات
ايه رأيك فى كلامى