-
العفشه مجننانى
السلام عليكم ..
عندى العفشه مجننانى ..مهما تربط وتزبط ..هما يومين وترجع تانى ...المقصات جديده مكملتش 3000 كيلو مشى ...والمساعدين كويسين ....
الاعراض بقى ..صوت دب فى المطبات اكنك بترزع حاجه على الارض.. الدركسيون بيتحرك ويتهز على سرعات بطيئه وانت ماشى على التانى تلاقى الدركسيون بيلف يمين وشمال فى ايدك ...غربلة على الاسفلت المضعضع ......
ايه يكون العيب ؟؟ بيض مقصات ولاايه ...وحد يعرف عفشجى كويس يكون فاهم فى الجين 2 ويعرف يزبطلى الموضوع ده ؟؟
وطبعا محدش يوقلى توكيل ولا عصام صفا ... :)
وشكرا ليكو مقدما ً
-
طيب يبقي عصام صفا انسب مكان ^_^
بصراحة متعاملتش الا معاه ومرحتش للتوكيل ولا مرة ومش عايز اروحلوا الا في الشديد القوي
-
اخبار علبة الدركسيون ايه ؟؟
-
الغربلة دي والحركة يمين وشمال دي بارات خفيفة وممكن تتكبس او تجيب جديد زي ماتحب
وكان عندي نفس المشكلة بتاعت الدبدبة دي وبعد غسيل العربية من تحت الوضع بقى احسن والعفشة اتحسنت كتير عن الاول
راجع اللينك ده يا باشا وان شاء الله تلاقي حل كويس
http://www.nilemotors.net/Nile/342982-a.html
Content Relevant URLs by
vBSEO 3.6.0 PL2