تجربتي مع الفاميه.... للإفادة

**youssef_u** · 18-04-2013 10:33 PM

بس خلي بالك من طرق السفر باليل بيبقا خطر اوي

**p r i n c e** · 18-04-2013 10:50 PM

المشاركة الأصلية كتبت بواسطة youssef_u

بس خلي بالك من طرق السفر باليل بيبقا خطر اوي

متقلقش ا ش ا خير و ربنا يستر طريقنا كلنا
و شكرا على النصيحة

**ZOoOoMA** · 18-04-2013 10:56 PM

اولا انت غلطت لانك استخدمت درجه تقيله قوي و ديه بتكتم الدنيا خالص لو درجه اخف كانت هتبقى احسن

ثانيا عشان الاستاذ الفاضل اللي بيقول ان الفاميه بيخلي العربيه غرزه اولا كل حاجه ممكن تستخدمها صح و ممكن تستخدمها غلط بصلها من ناحيه تانيه نفترض انك متجوز و عندك طفل صغير و انت ماشي في الشارع تلاقي الشارع كله بيبص على مراتك و خصوصا لو شباب لكن لو مفيم محدش هيقدر يبصلها

كل حاجه تستخدم في غير مجالها ممكن تبقى غلط انا بقترح يخلو الفاميه قانوني و يثبت على الرخصه مقابل مبلغ رمزي يعني 20 او 30 جنيه مثلا

**forget** · 18-04-2013 11:15 PM

أنا عوز أركب فاميه درجة خفيفة
هل ده فيه مشكلة؟؟ قانونا يعنى؟؟
هو مش المهم إنه يكشف العربية وبس !!؟
ولا هو ممنوع والسلام؟؟؟

**p r i n c e** · 18-04-2013 11:15 PM

المشاركة الأصلية كتبت بواسطة ZOoOoMA

اولا انت غلطت لانك استخدمت درجه تقيله قوي و ديه بتكتم الدنيا خالص لو درجه اخف كانت هتبقى احسن

ثانيا عشان الاستاذ الفاضل اللي بيقول ان الفاميه بيخلي العربيه غرزه اولا كل حاجه ممكن تستخدمها صح و ممكن تستخدمها غلط بصلها من ناحيه تانيه نفترض انك متجوز و عندك طفل صغير و انت ماشي في الشارع تلاقي الشارع كله بيبص على مراتك و خصوصا لو شباب لكن لو مفيم محدش هيقدر يبصلها

كل حاجه تستخدم في غير مجالها ممكن تبقى غلط انا بقترح يخلو الفاميه قانوني و يثبت على الرخصه مقابل مبلغ رمزي يعني 20 او 30 جنيه مثلا

agree wz u

**mido_antouhh** · 18-04-2013 11:28 PM

انا من الاسكندريه ومعايا بولو 2000 فضى مفيم العربيه كلها الظهر m
2 الابواب الخلفي الترا دارك
الابواب الامامبه m والشماسه الترا دارك
بقالي 3 سنين مفيم العربيه من بعد التجديد
والدنيا ماشيه بالحب فى الكماين
(التليفونات والمعارف )
بس الاسبوع الى فات البلد كان كلها كماين كل حته كمين واوقات غريبه
المرور شادد حيله اوى فى الاسكندريه الصبح كماين وبليل كماين
والغريب ان الكماين اساسها الفاميه

**shaddadfalcon1** · 18-04-2013 11:29 PM

مع كامل احترامي لحضرتك الا اني عمري ماحبيت اي حد او اي عربيه مفيمه سوبر دارك لاني بحس انها غرزه ماشيه جنبيه او قنبله موقوته ممكن يطلع منها اي بلوه

**Mohab.Nabil** · 19-04-2013 12:00 AM

بلد كل حاجة فيها غلط

الفاميه بيترخص برة عادى .. اكيد مش احنا البلد الوحيد اللى اكتشفنا الاكتشاف العظيم انه غلط ..

و الادهى ان عربيات بتترخص فاميه عادى عشان نازلة بيه يعنى لو حاجة غلط انا اعرف ان مينفعش تترخص بيها .. يعنى حاجة ممنوعة و بتتكتب على الرخصة عادى صباح الضحك

و بعدين اللى يضحك اكتر و يحزن ان معظم الكماين اللى واقفة تلم فلوس من الملاكى ( ستيكرات و فاميه ) تلاقى الظابط راكن عربيته على جمب متفيمة الترا دارك كلها و شايل النمر .. و اللى مش مصدق يعدى على قسم الطالبية فى الهرم و يشوف عربيات الظباط اللى راكنه قدام القسم عاملة ازاى ..

و على رأى الاستاذ f3lix خليهم يمشوا الطريق الاول و يلموا بتوع الميكروباصات و التكاتك و النقل اللى مطلعين عنينا فى كل حتة و موقفين كل الطرق .. دا انا لسه شايف توكتوك بيتمشى فى ميدان الجيزة .. غير التكاتك اللى بقت محتلة نص شارع الهرم مواقف و قدام الشرطة عادى و لا واحد منهم بيتكلم .. ليه بقى ؟ لأنه عارف ان بتوع التكاتك و الميكروباصات هيدوهم بالجزمة لو كلموهم .. انما واحد محترم و مركب فاميه او استيكرات لا يلا نتسلى عليه و نلم السبوبة

**Ahmed salamaa** · 19-04-2013 12:32 AM

المشاركة الأصلية كتبت بواسطة dr-a.7.m.a.d

محدش وقفني لحد دلوقتي بس لو حد وقفني هعرف أرد عليه!!!!!!

بلاش عملت زيك و كنت حاطط نفس الدرجة و اتسحبت الرخصة و سبني ماشي بالفامية و اعدت شهر دااااااااااااااايخ عليها و اروح المرور كل اسبوع يجددلي الوصل و نزلني فحص الفامية اتشال و دفعت 120 جنية مخالفة احين حاجة انك تمشي بية ولو في لجنة رخم عليك شيلة بايدك و بعديها ابقي روح فايم تاني زيي كدة

**shaddadfalcon1** · 19-04-2013 01:14 AM

المشاركة الأصلية كتبت بواسطة zooooma

اولا انت غلطت لانك استخدمت درجه تقيله قوي و ديه بتكتم الدنيا خالص لو درجه اخف كانت هتبقى احسن

ثانيا عشان الاستاذ الفاضل اللي بيقول ان الفاميه بيخلي العربيه غرزه اولا كل حاجه ممكن تستخدمها صح و ممكن تستخدمها غلط بصلها من ناحيه تانيه نفترض انك متجوز و عندك طفل صغير و انت ماشي في الشارع تلاقي الشارع كله بيبص على مراتك و خصوصا لو شباب لكن لو مفيم محدش هيقدر يبصلها

كل حاجه تستخدم في غير مجالها ممكن تبقى غلط انا بقترح يخلو الفاميه قانوني و يثبت على الرخصه مقابل مبلغ رمزي يعني 20 او 30 جنيه مثلا

موضوع انك يبقي معاك مراتك والكلام ده مش عذر يافندم

مانت ممكن تبقي ماشي انت وياها علي رجليكم والناس تبص برده هتعمل ايه ساعتها؟

والتكييف بيظبط الدنيا يعني احنا مش في الخليح ولا عندنا ربع الحر اللي عندهم ومع ذلك الناس هناك مش بتفيم بالطريقه اللي عندنا دي ولو فيمت قانونا بيبقي القزاز الخلفي بس

الأصل اننا نتقي شر الشبهات مش هتعملها ونقول اننا مش بنعمل حاجه غلط وطالما اصلا ممنوعا قانونا يبقي بلاش منه وبلاش نقول اشمعنا انا ولما الظباط يشيلوه هبقي اشيله

طيب هما لو مش كويسين ابقي مش كويس زيهم ليه ؟