تجربتي مع الفاميه.... للإفادة

**p r i n c e** · 18-04-2013 09:34 PM

السلام عليكم يا رجالة
هحكيلكم تجربتي مع الفاميه و يارب افيدكم بتجربتي
طبعا الصيف بدأ يدخل و الجو الصبح بيبقى حر جدا
بنزل الصبح بدري أروح المستشفى (مكان دراستي) و بركن العربية برا المستشفى و بعد يوم دراسي طويل بروح للعربية ألاقيها نااااااار
التكيييف عندي كويس جدا الحمدلله بس طبعا بياخد وقت لحد ما يظبط العربية
دا انا كنت بتلسع من الدريكسيون اه والله اه والله اه والله :-d
و عملي لسعة كدا ف كف إيدي قعدت اسبوع
ف فكرت أفيم العربية عشان حرارة الجو و كمان هيخلي العربية شكلها أحسن
و ركبت فاميه ل ال أربع ابواب و الزجاج الخلفي و شمسية للزجاج الامامي
.
.
نيجي بقى لأول إنطباع ليا و أنا بسوق العربية بعد التفييم، حسيت ان انا جوا تابوت و مش شايف حاجة خالص ( الكلام دا بليل) الصبح بقى رؤية ممتازة جدا
بالمناسبة درجة الفاميه super dark
دا كان اول انطباع لكن بعد كدا الحمدلله اتعودت
دا انا بعد أول مرة أسوق بالفاميه فكرت اركن و اشيل الفاميه
و بعد اول يوم شلت الشمسية بتاعة الزجاج الامامي عشان حسيت ان العربية جامد و كنت هشيل فاميه الزجاج الخلفي عشان اعرف اشوف من المراية بليل و كنت هجيب ستارة كبس للزجاج الخلفي اركبها الصبح و اشيلها بليل
بس الحمدلله خلاص اتعودت و شيلت الشمسية بس
.
.
نصيحة اللي نظره ضعيف بلاش يركب فاميه عشان هيتعبو جدا و هيعرضو لحوادث كتير
.
.
يارب اكون افدتكم

**sakr_skoda** · 18-04-2013 09:41 PM

الفامية غير قانونى واكيد حيجى اليوم فى اى كمين على الطريق حتشيل الفامية بنفسك وبقوة القانون........

**eng.m7md.ali** · 18-04-2013 09:44 PM

المشاركة الأصلية كتبت بواسطة sakr1964

الفامية غير قانونى واكيد حيجى اليوم فى اى كمين على الطريق حتشيل الفامية بنفسك وبقوة القانون........

هو فين القانون؟

القانون اللي يخلي الشرطة تبلطج على المحترم وتبقى محترمة وضعيفة مع البلطجية امثال سواقين الميكروباصات والتوك توك؟

القانون اللي يمنع الاستيكارات على الملاكي والعربيات الكويسة ويبقى عادي للميكروباصات والنقل؟

**د.أبونضال** · 18-04-2013 09:53 PM

امبارح كان فيه عربية في أهم شارع في المنصورة قبل مديرية الامن مفيمة سوبر دارك اللي بتقول عليه ده وقافلين الإزاز وقاعدين يحششوا أنا شفتهم بيلفوا السيجارة قبل ما يقفلو الإزاز وبصيت للواد في عينه قام باصص لي ببجاحة وقال لي أيوه فيه سيجارة... الفامية غلط لأنه بيحول العربية لغرزة.

**شاهين - بنز** · 18-04-2013 09:58 PM

أنا نفسي أفيم بس المشكلة الرئيسة هي الكمين صعب قوي يعدي أي عربية مفيمة دايما وأنا معدي على أي كمين قلاقيه قافيشله عربيتين تلاتة مفيمين وراكنهم على جمب
بس الحل إللي ناوي أعملة إن شاء الله لإني أفصل ستاير كبس

**S O P H O S** · 18-04-2013 10:21 PM

واخبار المرور ايه

**p r i n c e** · 18-04-2013 10:26 PM

المشاركة الأصلية كتبت بواسطة sakr1964

الفامية غير قانونى واكيد حيجى اليوم فى اى كمين على الطريق حتشيل الفامية بنفسك وبقوة القانون........

يا باشا انا مش بأذي حد و على جثتي أشيل الفاميه
مش بلطجة بس لما الضباط نفسهم يشيلو ال فاميه من عربياتهم ابقى اشيله أنا
لا تنه عن خلق و تأتي بمثله....عار عليك إذا فعلت عظيم

**p r i n c e** · 18-04-2013 10:29 PM

المشاركة الأصلية كتبت بواسطة د.أبونضال

امبارح كان فيه عربية في أهم شارع في المنصورة قبل مديرية الامن مفيمة سوبر دارك اللي بتقول عليه ده وقافلين الإزاز وقاعدين يحششوا أنا شفتهم بيلفوا السيجارة قبل ما يقفلو الإزاز وبصيت للواد في عينه قام باصص لي ببجاحة وقال لي أيوه فيه سيجارة... الفامية غلط لأنه بيحول العربية لغرزة.

كل حاجة ليها استخدام سيئ و استخدام مفيد
يعني النت اللي حضرتك داخل عليه دا
ممكن حضرتك تستخدمو ف حاجات كتير مفيدة جدا و ممكن تدخل على مواقع إباحية

**p r i n c e** · 18-04-2013 10:31 PM

المشاركة الأصلية كتبت بواسطة s o p h o s

واخبار المرور ايه

محدش وقفني لحد دلوقتي بس لو حد وقفني هعرف أرد عليه!!!!!!

-

الموضوع: تجربتي مع الفاميه.... للإفادة

LinkBack

أدوات الموضوع

عرض

-

-

المواضيع المتشابهه

للإفادة فقط مميزات وعيوب ال m11 (على ملاك السيارة المشاركة للأهمية)

للإفادة

كيف تضبط ضغط هواء الإطارات فى التيدا - للإفادة

هذا الموضوع عن خناقة ال mmt وسيبولنا باقى المواضيع للإفادة

قوائم مقاطعة المنتجات الأمريكية و الصهيونية ( منقول للإفادة )

الكلمات الدلالية لهذا الموضوع

المفضلات

المفضلات

ضوابط المشاركة