زعقت مع شركة اتصالات. بس بأدب وضميري بيئنبني !!! ( على موضوع المسجات اليومية دي )
كل يوم والتاني اكون قاعد في امان الله ابص الاقي مسج جيلي اروح على الموبايل اشوف مين يمكن حد بيسلم عليا. ولا حد بيقلي كل سنة وانتا طيب بمناسبة اي حاجة في الدنيا
واتفاجئ جيلي مسج بيقولي مبرووووووك. ابعت مسج لستين ستين وتفوز برحلة عمرة. مبرووك. ابعت. مسج لتلت تلاتات وتحصل على تذكرة للسودان لحضور تصفيات كاس عالم ام دورمان ... شوية ويجي مسج تاني . الاقيهم بيقولوا عاوز تكسب رصيد مجاني ابعت مسج ل ٥٦٧٨ ده حتى في نص الليل. يجيلي مسج واروح للموبايل جري خيررررر ده مين الي باعتلي مسج واتفاجئ رسالة تنبيه من اتصالات ان اليوم اخر موعد لعرض ضعف الرصيد هههههههههه. يعني ( كووووحه )
ضعف رصيد ولا مش ضعف رصيد الله يخرب بيت دي شغلانه
المهم قلت لا لا لا. مبدهاش بقه خليني اتصل بيهم ابستفهم شوية
واتصلت على ٣٣٣
رد عليا واحد. خير. حكيتلو شكوتي. واني مش عاوز مسجات تدايقني
اتصلات : ثواني حضرتك نراجع بعض البينات
انا : اتفضل
اتصلات : ايوه هو واضح يافندم قدامي ان مفيش اي مشكلة في خط ساعتك
انا : ياعم خط ايه ومشكلة ايه. بقووولك مسجات بتجيني يومياً بشكل مستفذذذ ولا جديد فيها ومكررة. وانا بقول لحضرتك مش عاوز مسجات تجيني تاااااااااني .
اتصلات : ايوه يافندم بس دي بتيجي لكل الناس .
انا : يعني ايه بتيجي لكل الناس كانك بتقولي زيك زي غيررررررك ... انا بقول لحضرتك مش عاوز ازعاج .
بتاع اتصلات : للاسف يافندم مقدرش اساعد حضرتك لان من الواضح قدامي ان خط ساعتك مفهوش اي مشكلة ... ومعنديش امكانية الغيلك هذه الخدمة .
انا : طيب مين عندك عندوا امكانية لالغاء هذه الخدمة حولني عليه .
اتصلات : للاسف يافندم الخدمة دي على كل الناس
انا : طيب يا استاذ فلان مش في قدام حضرتك كمبيوووووووتر
اتصلات : ايوه يافندم
انا : ممكن تسجلي بعد ئذنك شكوى. اني مش عاوز خدمت الرسائل الي بتبعتوها دي لاني قرفت منهااا ثم انا عندي كزا خط تيلفون. ومش كل يوم الصبح هقعد امسحلي خمسين ستين مسج !! علشان افضي ذاكرت الموبايل .
اتصلات : للاسف يافندم مفيش حاجة من دي متاحة قدامي
انا : للاسف يافندم ايه بس يا فندم هو انا كل ما اطلب منكم حاجة تقولولي للاسف للاسف ... مفيش مره اكلمكم وتقولولي تحت امرك يا فندم انتو شركة خدمية بتخدم العميل ولا بتغلس على العميل. يعني حاجة العميل مش محتاجها... ليه تبعتوها غصب عن العميل ...
اتصلات : يا فندم دي مسجات لخدمت حضرتك وبتفيد حضرتك مش غلاسه
انا : ياعمي شكررررراً افادكم الله وكتر الف خيرررركم مش عااااوزها وفروا فلوسكم ... شوف لو في رحلة ببلاش للقمر وانا كسيبتها متبعتوش ليا خالص شكراً و شكر الله سعيكم ومش عاوز مسجات ... وبعدين يا استاذي الفاضل حتى لو بعيد عن نظام الشركات حتى في الحياة العادية. لو انا وانتا اصحاب وكل يوم. بتطمن عليا برسالة وجيت قلتلك شكراً وارجوك متكلمنيش تاني او متبعتليش مسج نهائي هتقولي حاضر ولا هتقولي والله انا ببعت ليك ولغيرك وده نظامي ههههه .
بتاع اتصلات : اكيد طبعاً يا فندم لو ده طلبك اكيد مش هبعتلك رسالة تاني بس ده نظام وسيستم عندنا في اتصالات .
انا : يعني. حضرتك بتقولي ان ده نظامكم كانك بتقولي واللهي هوا ده نظامنا. عاجبك على كده عاجبك مش عاجبك ققفل الخط وشوف شركة تاني غيرنا
اتصلات : لا لا لا يا فندم انا مقولتش كده
انا : اه انتا مقولتش كده بس مش لاقي معنا تاني لكلام حضرتك غير كده
بيني وبينكم صعب عليا الواااد جداً بتاع اتصلات ... بالذات اني مسكتوا سلختوا وقلتوا انا كلامي مش موجه لحضرتك انا كلامي موجه للشركة الي شغال فيها حضرتك !!! ... بس كمان انا مفقوع قوي من شركة اتصلات كل مره باتصل بيهم علشان مشكلة او علشان خدمة عاوز اضيفها او خدمة عاوز الغيها اقعد معاهم سنين وسنين وايام وليالي لان تالت تربع خدمة العملاء مبيقدروش او عاجزين على خدمة العملاء !
فقصرت المكالمة مع الوااااد ( بعد ساعة الا ربع بستفه بادب ههههه ) وقلتلوا طيب يا استاذ فلان انا خلاص مقتنع ان مفيش في ايديك حاجة بس ممكن بعد ئذنك. بعد ئذنك يعني لو اجتمعت مع مدرائك الي انا مش قادر اوصل لهم كانهم في برج عالي ... وقالولك ايه الاخبار في مشاكل واجهتكم النهرده او في اي طلبات قولهم في عميل. كلمني وكان متضايق جداً ومستنكر ومستهجن من المسجات الدعائية الي بتجيلوا ومش عاوزها ... !! فممكن تبلغهم الكلمتين دول شفوي لو مش قادر تبعت لهم ايميل زي مابتقول !!
اتصلات : حاضر يافندم ... اي خدمة تاني
انا : لا يفندم شكراً لو قت حضرتك وسعداء بخدمت حضرت باتصلات ههههههههه
وبيني وبينكم ضميري بيئنبني ... مش علشان خدمة اتصلات الي انا شايف من وجهت نظري انهم اسوء شركة في خدمت العملاء رغم اقتناعي بسوء الشركات الاخرى كمان ... ومن اتصلات لموبنيل لفودافون يا قلبي ما تحزززززن ... فرغم ما انا عارف انهم سيئين لكن من جوايا خوف. لا يخصموا. على الموظف ... مش علشان حاجة لكن هو نوع من توفير المرتبات بمعنى اغلب الشركات بيلاقوا نفسهم احياناً عندهم عجز في الميزانية مثلاً مثلاً يقوموا يوزعوا العجز ده خصومات على الموظفين او. تاخير في المرتبات. مشكلة وهمية اصل البنك مش عارف ايه ... اي حاجة. احنا هنغلب ... بس كمان انا بتدايق جداً من المسجات وماصدقت. مسجات بليز كول مي دي خفت اليومين دول علشان الاقي مسجات اتصلات كمان هيا ناقصة. مش كفاية الناس الي بتتصل. بالعشر مكالمات ميسد كول وترجع تتصل بيهم. وتقولهم ايوه خير الرقم ده رن عليا يقولك مين حضرتك وانا: انتا الي مين يقولي انتا الي متصل واقولوا ماهو انتا رنيت عليا من قيمت ساعتين كده فاتصلت عليك اهو وفي النهاية لا يطلع يعرفني ولا اعرفوا ونقفل السكة هههههه بعد نص ساعه انتا مين وهو انتا الي مين انا المونا مين انا جامد ومتين :)
السؤال هنا. هل انا بس الي بتجيلي اتصلات بطريقة مستفزة كده يوماتي وهل من حق الشركة. تستغل تيلفوني ويبقى لوحة اعلانات وخداه لحسابها ويحولوني من عميل بديهم فلوووس يحولوني لالة استقبال اعلانات ... يعني انا بهرب. من اعلانات التلفزيون وبغير القناة تيجوا انتوا تبعتولي في عقر داااري. اعلانات
@@@@@@@@@
وتحياتي :)
دائما تصر على تلميحات تخرج عن الاداب العامة تنبيه اخير بانتقاء الالفاظ
تم تغير العنوان لخروجه عن الاداب العامة
مشرف 6 ب
12.15am
19/4/2013
CTRL + Q to Enable/Disable GoPhoto.it
CTRL + Q to Enable/Disable GoPhoto.it
