عرض للطباعة
السادة الأفاضل
السلام عليكم
وصلني خبر من مصدر موثوق فيه أن مصنع BYD بالقاهرة يضع الآن مواتير هوندا سيتي بالسيارة الجميلة BYD- f3 بدلا من مواتير ميتسوبيشي اللانسر الحالية .....
أرجو أن تكون بنفس الجودة والكفاءة أو أعلي وأعتقد ان هوندا ليست سيارة عادية بل قمة في التميز
وكده يبقي الهوندا سيتي مشتركة مع الBYD - f3 في الظهر بالفوانيس والماتور كمان
رأيكم إيه؟؟
ممكن نشارك في التصويت بهذا الموضوع علي أيهما أفضل محرك ميتسوبيشي لانسر أم هوندا سيتي
هوندا طبعا اقوي دي اسطورة الياباني
ولكن الماتور بالكامل سيتي ولا متقفل فالصين
اكيد هوندا
هل يعنى بالعقل شركة الامل حطحط موتور هوندا يابانى يعنى هههه صينى وانا شوفتة فى معرض الشركة بمصر الجديدة وسعتة 1500 سى سى
مواتير الهوندا سيتي (المصنعة في الصين زيها زي موتور اللانسر الراكب في البي واي دي) حتكون من وجهة نظري أفضل .. سعة لترية أقل " استهلاك وقود أقل " + نفس العزم والقوة الحصانية " مقلش كفاءة عن مواتير اللانسر " + صوت أهدأ .
انا غير متاكد لكن اظن انه مواتير الهوندا اكثر تعقيدا واغلى من حيث قطع الغيار والعربية فى الاول والاخر صينى والميتسوبيشى حلو اوى عليها بلاش نوسعها اوى كدة ونخش فى الهوندا
هوندا ... متسوبيشى ... مش هاتفرق كتيييير ... تكنولوجيا يابانى ... يعنى زى الفل .. احنا ها نفترى ولا ايه ؟؟؟؟
ما احنا كنا بنمدح فى موتور المتسوبيشى وكنا بنتباها بيه ...
كتر خير الدنيا قوى ... الصين خلتنا نركب عربية تويوتا على متسوبيشى وبسعر كويس ...
لو الكلام ده صح هيكون مش عملى .. لان الموتور الاصلى ميتسوبيشى بس مصنع فى الصين و اللى انا اعرفه ان ده كان خط انتاج قديم فى اليابان . فهل معنى كده ان هوندا هتنقل او هتعمل خط انتاج للموتور الجديد فى الصين لانه اكيد مش هيكون صنع اليابان عشان التكلفة .
كمان أظن الفتيس و الضفيرة هيكون مختلف .... يعنى عربية تانية تنزل بأسم مختلف يبقى كده واقعى و عملى .
و يا خبر النهاردة بفلوس .. بكرة يبقى ببلاش :)
اقتباس:
المشاركة الأصلية كتبت بواسطة sv065
شركة هوندا أصلا كانت رافعه قضيه على بى واى دى بتقول ان الاخيره سرقت منها تصميم و شكل هوندا سيتى من الفوانيس الخلفيه و حططه فل بى واى دى !!!! و الكلام ده على موقع الموسوعه ويكيبديا
و لما دخلت عملت بحث على النت ملاقيتش سيره نهائى عن مواتير هوندا فى عربيات بى واى دى !!
فا ممكن لو سمحتوا دليل على الكلام ده ,, يحترم عقولنا
الصراحه , انا من بعد ما شركة الأمل اتدعت ان ال اف 3 واخده خمس نجوم فى إختبارات السلامه الأوروبيه و مطلعتش واخده كده و لا حاجه ,, بقيت أشك فى الأخبار القادمه من شركة الأمل
ده لو هما كانوا فعلا صادقين فى موضوع الخمس نجوم ده كان حد فيهم دخل رد عليا و جابلى الدليل أو حتى واجهنى ,, و لكن انا قلت انتم كدابين و محدش رد يدافع !!
و لا عايزينى أعمل موضوع جديد و أسميه "و أنا كمان يا عمو عايز هوندا" :ma:
موتور الهوندا سيتى به خاصية التحكم فى توقيت الصمامات اليكترونيا cvvt .اقتباس:
المشاركة الأصلية كتبت بواسطة bassem.naguib
انا مؤيد للمحرك ال 1600 متسوبيشي
الكلام على لسان احمد البعلى مندوب المبيعات فى توكيل byd القطاميه
الموتور ال 1500 cc هوندا تكنولوجى 112 حصان (اشك فيها ) و سير كاتينه حديد (عمر اطول و صيانه اقل تكلفه)
المصيبة انهم بيحطوا مواتير جديدة وهما مش فاهمين فى المواتير القديمة ولابيعرفوا يصلحوا بتاع المتسوبيشى وعجبى
1+1+1+1+1+1+1+1
تحياتى للجميع
ونشكركم جميعا ونحن فى انتظار السيارات المستورده موديل 2014 قريبا بتكنولوجيا يابانيه وصناعه صينيه متطوره
لعده موديلات وطرازات مختلفه وايضا التصنيع المصرى لموديلات مختلفه مع بدايه العام الجديد ومفاجأه للجميع
تحياتى استاذ / Emad Habib
بجد فعلا هينزل موديلات مستوردة ع اول السنه
مفيش معلومه اكيدة هتنزل امتى بالضبط ...!
و هل هتحتوى ع موديل جديد لل F3 يعنى NEW F3 ..!
ارجوآ من حضرتــك التوضيح للاهميـــــــــــــه
لانى بجد منتظر الموديلات الجديدة بفارغ الصبر لانى باذن الله ناوى مليون الميه اشترى واحدة ان شاء الله
متاااابع
اكيد الهوندا لان سير الكاتينة جنزير والماكينة صوتها هادى
استاذ / Emad Habib .. منتظر رد منك ف القريب العاجل للاهميه ع نزول الموديلات 2014 باختلاف انوعها
لو ممكن اشترك معاكم
انا شايف ان الميزة في ماتور اللانسر ان لو عدى وقت ع الموتور ومحتاج عمرة او يتغير هاتجيب موتور لانسر سهل جدا .
وكمان قطع الغيار بتاع اللانسر بتركب عادي وده من كلام ملاك بي واي دي.
انما لو بقى هوندا سيتي اصلا اللى معاهم هوندا سيتي بيشتكوا من عدم توافر قطع الغيار الا ف التوكيل تخيل لو الموتور كله وبعدين بيقولك موتور سيتي مش سيفيك وهناك فرق كبييييييييير وشوف اشتراكات ملاك الهوندا
بس في حاجة مهمة لازم نعرفها لو نزل شكل جديد 2014 الشكل القديم سعره لازم يبقى رخيص فكل اللي اشترى جديد 2013 هايخسر جامد.
وشكرا ليكم
على البركه
الراجل في المعرض قالي ماتور هوندا 1500 سي سي
والاوتوماتك الجديده ب 86 الف.
ياجماعه انا ممكن اقول رأيي والله اعلم هيكون صح ولا غلط انا لما جيت اشتري 2014 كان موجود منها 1500 cc ماتور تكنولوجيا هوندا كاتينه جنزير ودي التقفيل الصيني وطبعا احنا عارفين قطع غيار الهوندا عامله ازاي واسعارها مولعه ازاي اومال بقي لو تكنولوجيا هوندا يعني ممكن يكون متغير فيها حاجات بجد هتبقي مشكله في تواجد قطع الغيار وكمان اسعارها وكان موجود 1600 cc تقفيل مصري شركة الامل ماتور متسوبيشي فعلا مش تكنولوجيا اوروبيه لا هو ماتور المتسوبيشي لأن انا كشفت عليه الموتور ( كود 4g18 ) اللي هو بتاع اللانسر بومة ونفس قطع الغيار واسعار كويسه كمان ومتداولة وارخص من الهوندا حتي لو ماتور الهوندا الاصلي هيركب وياريت اكون قدرت افيدكوا يا جماعه واسف ع الاطالة
يعنى اللى جاب 1500 شربها
كده ممكن نقول ان اللى بيجيب هوندا يبقى لبس .. كلام مش منطقى كل الجديد ماتوره 1500 واكيد هيكون ليه قطع غيار والا الشركة هتفقد ارضيتها اللى عملتها من 2007اقتباس:
المشاركة الأصلية كتبت بواسطة المنسي
ياجماعه مساء الخير الاول الماتور تم تصنيعة في الصين يبقى اكيد الشركة بتوفر له قطع غيار الماتور مش ياباني علشان نقارن بين سعر قطع غيار ماتور الهوندا الياباني وبين ماتور البي واي دي هو تكنولوجيا الهوندا فقط وياريت حد يسأل في التوكيل على اسعار قطع الغيار للماتور ويفيدنا .
ومن خلال متابعة اراء الاعضاء عن الماتور الجديد اجمعوا انه صوت انعم بكتير عن القديم وسحبة اقوى.
يا ساده يا كرام
الموتور ال 1600 سى سى ده موتور ميتسوبيشى من انتاج مصنع ميتسوبيشى فى الصين و موديله هو اللى كان بيركب فى اللانسر البومه
اما الموتور 1500 سى سى - ده موتور تكنولوجى هوندا سيتى يعنى نفس تكنولوجى محرك الهوندا سيتى - لكنه مش انتاج مصنع هوندا فى الصين - ده انتاج مصنع صينى و عليه موديل صينى
متااابع
السلام عليكم ورحمة الله وبركاته انا لسه شاري من كام يوم ال BYD L3 بسم الله ما شاء الله انا عايز اشكر كل الناس اللي عن طريق كلامها وتفاصيلها كونت عندي قناعه شخصيه بالتحفه l3 فيها شوية استفسارات انا حابب اعرف حلها من حضراتكو خصوصا ان لسه متعلم السواقه جديد
diesel .... كلامك 100 % صح
...
أنا لسه جايب العربية f3 2015 .. ماتور تكنولوجيا هوندا سيتي فعلا .. سحبه حلو جدا و سرعته حلوة و تسارعه معقول .. بس فعلا صوته عالي جدا .. الكتاينة فعلا جنزير .. مش عارف يكن هو ده فعلا سبب الصوت العالي الخشن .. حد يفيدني !!
طبعا هوندا هيبقي افضل
بس لو الكلام فعلا صح
ولو هيبقي بنفس جوده الياباني
الموتور الصيني اللي بتكنولوجي هوندا جميل جدا وبيشكرو فيه اكتر من الميتسوبيشي اللي كان راكب قبل سنة 2014 .. وبنسبة كبيرة جدا الصوت العالي جاي من زيت موبيل .. حضرتك لو غيرت ل وولفر او كاسترول او شل ان شاء الله الصوت حيقل بس خد بالك ممكن يعملك مشاكل مع التوكيل لو انت متابع صياناتك هناك
سبحانك يا رب الوضع في مصر لازم يكون غييير تحس ان في توكيلات قامت فقط عشان تضرب خبطه حلوه من ورا الشعب وتموت بعد كده
لسه شايف فيديو ع اليوتيوب مظاهره امام التوكيل.
ياترى خدعة الموتور الهوندا دي خلت كام واحد اشترى العربية!
على موقع الشركة وصفحتها متلاقيش كلمة هوندا مذكورة.
الشركة تقولك الموتور الميتسوبيشي تم ايقافة بدءا من سنة 2011 وتم استبدالة بموتور byd
https://en.wikipedia.org/wiki/BYD_F3#Specification
وفي مصر يقولك ميتسوبيشي في موديل 2014! اللهم الا اذا بقى احنا في مصر كنا بناخد موديلات 2011 من الوكيل على انها 2014 وهكذا
وده حقيقي وده هو اللي بيحصل فعلا وكمثال كانت الشيري وقفت انتاج الـa5 في 2010 اللي هي سبرانزا a516 في وتلاقي ناس معاها العربية تقولك دي موديل 2012 ههه
يعني الشركة المنتجه وقفت انتاج الموديل والوكيل لسه بيطرحه بعدها هههه ابداع لا وموتور ميتسوبيشي بوما طبعا اللي ليس له اي ذكر على موقع الشركة لكن شغاااال.
لكن للامانه ده ليس فقط في الصيني وانما في الاوروبي والكوري كمان الموضوع موجود في بعض الموديلات.
طيب دلوقت نعمل ايه في الوكلاء دول ماهو لازم حل او مش لازم :)