عملية تثبيت كورنيش الاسكندرية الساعة 3 الظهر علني

رجالة بدون مقدمات انا نفسيتي مدمرة :(

لاول مرة في العمر اتثبت و انا ماشي بالعربية على الكورنيش عندنا في اسكندرية الساعة 3 الظهر عز الزحمة !!!

الي حصل بالظبط ماشي عادي منزلتش من العربية من مسافة كبيرة يعني وصلت قبل شارع 45 كدة في اتجاه المكتبة و بحري بعد مطع جاد و الكام كافية و قبل التقاطع و انا ماشي في النص و في مكروباص واقف في اليمين و عربية بتعدي من شمالي ! الموقف في 5 ثواني حصل

الثانية الاولى مكنة حلاوة من غير نمر عليها اتنين صيع جمن من على يميني و بين المربوصا و كسروا عليا وواحد خبط على الكبوت حامد و خبطه بحاجه في ايده حديدة كدة مش فاكر

الثانية الثانية ركنوا المتوسكيل قدام نص العربية و نزل واحد من غير ما يبص مين جوه العربية ولا اي حاجة و راح على الباب بتاعي السواق وواحد تاني نزل على الي جنب السواق !

الثانية الثالثة الازاز عندي مقفول و الستنر لقيته بيشد الاكره جامد معجبوش الكلام جاب ايد على ايد كدة و انا حسيت انوا عاوز يكسر الازاز

الثانية الرابعة كبست بانزين جامد على الاخر لدرجة انوا الحيوان الي كان راح على البابا الي جنب السواق لما لاقه مقول زي التاني كان اتحرك عند اموتيسكل في نص العربية خبط الموتيسكل و انا بكسر شمال و الحيوان ده دوست و المستيكل طار وقع لليمين ناحية المركبواص و الكلب ده معرفش اداس على رجله المتسك كوره معرفش

الثانية الخامسة كنت عديتهم بس لقيت الواد الي على الشمال راح خابط الخبطة بدل ما جت في الازاز جت في المراية و خلعت



و بعديها ملقتيش حد مشي وراريا ولا اي حد من الناس السلبيين و مش فاهم ولا حد فكر يبص على العربية :(

ملحوظة كنت حاطط ستايرر فمكنش باين كام واحد جوه العربية او ايه ولا شكلهم ايه هوا جت معاه انوا يخاطر كدة

الحمد لله انها جت علي اد كدة. اقفلو ياشباب الازاز والابواب كويس واللي يفكر يهجم عليك جيبه تحت العجل وملوش ديه.

كنت المفروض ترجع بالعربيه وتهرسهم بيها تانى

توب علينا يارب من الاشكال الضاله دى

خلاص البلد دى جابت اخرها

الحمد لله ربنا سترها معاك وعدت على خير
فين الامن يامرسي ( مع اني مع شرعية الرئيس ) حرام عليك البلد اتبهدلت الشرطه بتاخد فلوسها ومرتباتها من الضرائب التي تخصم منا ولا في حمايه ولا أمن لابد من محاسبة المقصر وحسبي الله ونعم الوكيل
البلطجى من دول يتمسك ويتعرض على الن ..... يابه ويخرج بضمان محل اقامته او بالبطاقه واخربوا البلد خلى الناس تكره الثوره واللي عملوها فسااااااااااااااااااااااا ااااااااااااااااااااااااا ااااااد في فسااااااااااااااااااااااا ااااااااااااااد وانا مش بقول الكل ولاكن مع الاسف الغالبيه ( حد يصحيني من الكابوس ده )

حمدالله على سلامتك يا باشا و اللي تشوفه يقف قدامك بكل هدوووووووء منغير توتر دوس بنزين عالاخر وحاول تخبطه عشان تريح الناس من شره

الحمدلله جت سليمة بعد كدا اقفل السنتر
و بعد كدا لما تتعرض لموقف زي كدا تاني و تحس ان حد ناوي يكسر عليك و يثبتك
جيب آخر دواسة البنزين و دوس أي حد يقف ف وشك
انا لو مكانك اقسم بالله كنت طيرت الموتوسيكل باللي راكبينو و رحمت الناس من شرهم
.
.
ربنا يصلح حال البلد يارب

الف حمد الله علي سلامتك
انت اتصرفت تصرف ممتاز الحمد لله دا انت كدا ربنا نجاك منهم
متزعلش هي رهبة الموقف صعبة بس الحمد لله ربنا الهمك الصواب

الحمدلله جت سليمة

الحمد لله انك بخير وانت تصرفك نصه صح ونصه غلط بس مع الرهبة والموقف اتصرفت بالشكل اللى انت حكيت بيه تصرفك الصح انك دوست بنزين وطيرت الاخ اللى كان عند الشباك والتصرف الغلط انك وقفت لهم من الاول ... الحمد لله انك بخير مرة تانية وخد نصيحة قالهالى واحد قريبي ظابط شرطة فى المواقف اللى زى دى دوس بنزين وان وصلت انك تموته ساعتها هتتعمل اكنك ماشي وهو بيعدى غلط

معلش اظاهر مكتوب علينا الوضع كده
الحمد الله انك بخير

حسبي الله في كل واحد مقصر في عمله
ربنا يسترها مع الجميع

الحمد لله ان ربنا نجاك وطلعت منهم علي خير ومش انت لوحدك اللي نفسيته تعبت ده تقريبا نص اللي عندهم عربيه مروا بأسوء من ذلك عايز اقولك اني من ساعة مجبت العربيه وانا راكنها من اللي بيحصل اومن اللي بسمعه من حد من اصدقائي اتعرض لموقف زي ده وللآسف لو حاولت انك تشيل سلاح علشان تدافع عن نفسك او مسكت واحد من دول وعدمته العافيه يطلع الناس اللي بتدافع عن البلطجه والمجرمين وعايزين تبقي البلد في انفلات امني مستمر يقولولك انتم كده بتعتدوا علي دولة القانون وبتطبقوا القصاص بأيديكم من غير قانون ومحاكمه قضائيه شامخه وهتنشروا شريعة الغاب ولو سلمتهم تقوم النيابه تديهم افراج والمحكمه تطلعهم برائه ولو اتمسكت انت بالسلاح وطلع انك شايله من اجل الدفاع عن نفسك وبيتك ومالك وسيارتك وان ليس لديك اي سجل اجرامي ومشهود لك بحسن السير والسلوك يتحكم عليكم حكم معتبر هكذا أصبحت بلدنا حسبنا الله ونعم الوكيل في هؤلاء جميعا

اهم حاجه انك تمشى و الابوب كلها مقفوله و الازاز افتح منه حته صغيره بحيث انها متعديش ايد و حط حمب ايد الفرامل مفك او اى اله حاده متعتبرش سلاح فى نظر الحكومه و لو عندك مضرب هوكى مثلا حطه جمب باب السواق فى الارض و متقفش لحد و لو وقفت و حسيت انك حتتثبت افرمه مترحمهوش عشان هو مش حيرحمك
و ربنا يسترها علينا

الحمد لله انك قافل الازاز و السنتر

الموقف بيكون صعب و بيخض بصراحة بس كنت ازنقهم بين المشروع او لما كانو قدامك كنت طيرتهم

حمدا لله على سلامتك
والحمد لله انها جت على قد كده
ربنا يسترها معانا جميعا ويريحنا من الأشكال والبلطجيه دول

حمدالله على سلامتك
والواحد والله بقى مش عارف نعمل اية من شوية الوبش دول ان ممكن فى ثانية يموت واحد او يموت هوة والدنيا مش مستهلة دة كلو ربنا يتوب علينا

حمدا لله علي سلامه حضرتك . الحمد لله ربنا ستر

أعمل بلاغ فى القسم حتى لو مش هيفيد يمكن يوروك شوي أشكال سوابق تعرف فيهم العيال دى و أهو تريح الناس من شرهم
و كمان علشان لو الواد اللى إنت دوسته ده قالك ما اعمل محضر و أصيع و لا حاجة تبقى انت سبقت و يتقفش

فى كل الحوال إعمل محضر و سيب الباقى على ربنا
و حمد الله على سلامتك و ربنا يسترها علينا كلنا فى الغابة اللى عايشين فيها

ألف سلامة عليك..

الواحد بجد نفسيته تعبت من كتر الحاجات السلبية اللي الواحد بيشوفها أو بيسمع عنها اليومين دول..

الف حمد لله على السلامة , ومعلش ياجماعة محدش يقول لحد اتصرف ازاى , ساعتها بيكون العقل لاغى تماما , والواحد من هول الموقف مابيبقاش عارف يتصرف ازاى , غير بستر ربنا والهامة لينا عشان نعدى الموقف دة

ربنا يسترها علينا يارب , الواحد اصبح فى غابة

لزم نقول للناس تتصرف ازاى عشان تبقى عامله حسابها انما لو سبت الموضوع للتفكر وقت الحادث فى الغالب مش حتعرف تتصرف

الحمد لله انها جت على قد كدا
وكويس انك كنت قافل السنتر والازاز

الف حمد لله على السلامه

مهم جدا فعلا خاصية ان العربيه تقفل سنتر بعد ماتعدى سرعة 10 كيلو

الغريب ان التأمين حاليا على الزراعى فى نطاق محافظة البحيره كويس جدا يوميا على الله كماين غير متوقع مكانها وقافلين على العربيات بالبوكسات زى الكماشه وكل العساكر والضباط معاهم آلى ومفيش هزار الى بيشكو فيها بينزلوه تفتيش ذاتى


الموضوع ده يوميا وبيحصل من الساعه 12 الى بعد الفجر كمان

انا حسيت بالامان لما لقيت الاجراء ده دورى

بس ليه مش بيحصل فى اسكندريه لييييييييه

هل ابناء مبارك فى مديرية اسكندريه زعلانين وعاملين اضراب!!!!! مش عارف

اقتباس:

---

المشاركة الأصلية كتبت بواسطة aliabdo

اهم حاجه انك تمشى و الابوب كلها مقفوله و الازاز افتح منه حته صغيره بحيث انها متعديش ايد و حط حمب ايد الفرامل مفك او اى اله حاده متعتبرش سلاح فى نظر الحكومه و لو عندك مضرب هوكى مثلا حطه جمب باب السواق فى الارض و متقفش لحد و لو وقفت و حسيت انك حتتثبت افرمه مترحمهوش عشان هو مش حيرحمك
و ربنا يسترها علينا

---

كلام سليم :F_eyeb1[1]:

اقتباس:

---

المشاركة الأصلية كتبت بواسطة muslim_nsb

الحمد لله ربنا سترها معاك وعدت على خير
فين الامن يامرسي ( مع اني مع شرعية الرئيس ) حرام عليك البلد اتبهدلت الشرطه بتاخد فلوسها ومرتباتها من الضرائب التي تخصم منا ولا في حمايه ولا أمن لابد من محاسبة المقصر وحسبي الله ونعم الوكيل
البلطجى من دول يتمسك ويتعرض على الن ..... يابه ويخرج بضمان محل اقامته او بالبطاقه واخربوا البلد خلى الناس تكره الثوره واللي عملوها فسااااااااااااااااااااااا ااااااااااااااااااااااااا ااااااد في فسااااااااااااااااااااااا ااااااااااااااد وانا مش بقول الكل ولاكن مع الاسف الغالبيه ( حد يصحيني من الكابوس ده )

---

يبقى المشكله فى اغلبها فى وكلاء النيابه ابناء مبارك بتوع المقبول الى عايزينها فوضى لغرض مريض فى نفوسهم

ربنا يسترها بس اللي بيثبت بموتوسيكل ده اهبل غالبا لانه سهل انك تخبطه وتجري على عكس لو عربيه وكمان ده نازلك بحديده يعني اهبل رسمي الحمد لله

الحمد لله ان حضرتك كنت لوحدك مش معاك المدام او الاولاد

ياجماعة الحل ايه في اللي بيحصل دا لازم يكون في وقفة عند المديرية عشان يزودو الامن شيو كدا مش هينفع .. حمد لله ع السلامة والحمد لله انها جت علي قد كدا

تصرف سليم جدا

حصلتلي من 5 شهور في شارع الطيران في مدينة نصر في القاهرة .. بس رموا فرع شجرة قدامي ... شلت الفرع و شلت 2 منهم و واحد على الكبوت والتاني بجنب العربية ولا بصيت ورايا (كان معايا المدام و اختها)

ورحت القسم الصبح بلغت على الي حصل ... الراجل قالي ياعم كنت موتهم و خلصتنا ولا ليهم دية و لايرفعوا يعملولك حاجة ..


المشكلة اني قعدت مقلق 5 شهور بعدها انهم ياخدوا نمرتي و يعرفوا عنواني و ييجوا يعملوا حاجة ...

اقتباس:

---

المشاركة الأصلية كتبت بواسطة cryptonx

حصلتلي من 5 شهور في شارع الطيران في مدينة نصر في القاهرة .. بس رموا فرع شجرة قدامي ... شلت الفرع و شلت 2 منهم و واحد على الكبوت والتاني بجنب العربية ولا بصيت ورايا (كان معايا المدام و اختها)

ورحت القسم الصبح بلغت على الي حصل ... الراجل قالي ياعم كنت موتهم و خلصتنا ولا ليهم دية و لايرفعوا يعملولك حاجة ..


المشكلة اني قعدت مقلق 5 شهور بعدها انهم ياخدوا نمرتي و يعرفوا عنواني و ييجوا يعملوا حاجة ...

---

يا حللللللاوة الساعة كام الكلام ده و طبعا حمدلله ع سلامتك و سلامة اخونا صاحب الموضوع و ربنا يستر طريقنا :(

يا رجالة ربنا يخليكم بجد :( معلش انا كنت في حاصة صدمة ولا مباله :(

الي حصل بعديها اتكلمت مع كام واحد كدة و كبرت دماغي معملتش محضر و موضوع انهم يعملولي محضر ما يعملوا هوا اي واحد ياخد نمرة عربية ماشية في الشارع يعملها محضر ! و بعدين الناس كانت شايفة و محدش عمل حاجة انا الي مفروض اعمل حاجة لحد بعد كدة :(

المهم هوا الحمدلله انها جت على قد كدة عشان محدش كان عارف ايه الي ممكن يحصل ده ستر من عند ربنا بس امانة عليكم خدوا بالكم كويس اليومين دول على قد ما في كماين بس الحرامية شغالين ما بنهم !

ولسة قبلي بيومين واحدة الساعة 12 الظهر عند النساجون الشرقيون مستشفى الشرطة قبل كارفور عندها 40 سنة كت عربية من غير نمر شكلها مسروق طلع واحد من الشباك ضربها و عورها و سحب الشنطة هيا مسبتهاش سحلها بتاع 500 متر لغاية مخرج الباركينج و الست في العناية المركزة :( و على كدة ابنها ظابط :(

احب ابشركم عليه العوض و منه العوض خلاص يارب تولنا برحمتك و ارحمنا ...