الموضوع: شلــــــــــــــــة رينـــــــــــــو داستــــــــــــــر :) :) :)

المشاركة الأصلية كتبت بواسطة beeronasr

يا باشا متحطش الموضوع دة فى دماغك خالص . عربياتنا كلها كدة و زى الفل و بدون مشاكل على الاطلاق. العربية بقالها 3 سنين على الحال دة و عرفت من اول ما اشتريتها ان الموضوع كدة فاطمنت.

مشكور وحعمل بنصيحتك ولكن هل الداستر بها مؤشر حرارة لان عندى مؤشر بنزين فقط وافتكر ان ى وانا بستلمها من المعرض ان موظف التسليم قالى ان بجوار مؤشر البنزين مؤشر حرارة ولكنة لا يظهر عندى وشكرا لمالكى الداستر

ممكن توضيح العفشة مالتي لينك في أي اصدار ؟ الفور ويل ولا العادي ؟

ولا الاتنين مالتي لينك ؟

بصراحه العربية ممتازة بالنسبة لسعرها في فئة suv و افكر فيها بجدية

المشاركة الأصلية كتبت بواسطة beeronasr

تمام - الامامى و الخلفى

لو ممكن ترفع صور الديفندرز اللي انت مركبها وتجربتك معاها او لو ركبت اي كماليات تانية؟

الحمد لله اشتريت داستر 2012 مستعمله ... عيبها طبعا انها مانيوال ... العربيه سحبها ممتاز و واسعه بس عايز استفسر على حاجه ... نقلات العربيه تحسها صغيره يعنى ممكن اجيب الرابع عن 60 و التالت عند 40 هل ده عادى ولا لأ ... و عايز اعملها صيانة ال 60 الف ... يا ريت حد يقولى كام فى التوكيل ... و هل حد جرب french motors اللى فى الشروق و هل هما كويسين ولا لأ ؟؟؟؟

المشاركة الأصلية كتبت بواسطة NourElmansy

ممكن توضيح العفشة مالتي لينك في أي اصدار ؟ الفور ويل ولا العادي ؟

ولا الاتنين مالتي لينك ؟

بصراحه العربية ممتازة بالنسبة لسعرها في فئة suv و افكر فيها بجدية

المالتي لينك في ال 4x4 فقط و ده من اهم الفروق بين الموديلين

المشاركة الأصلية كتبت بواسطة honfaldinho

الحمد لله اشتريت داستر 2012 مستعمله ... عيبها طبعا انها مانيوال ... العربيه سحبها ممتاز و واسعه بس عايز استفسر على حاجه ... نقلات العربيه تحسها صغيره يعنى ممكن اجيب الرابع عن 60 و التالت عند 40 هل ده عادى ولا لأ ... و عايز اعملها صيانة ال 60 الف ... يا ريت حد يقولى كام فى التوكيل ... و هل حد جرب french motors اللى فى الشروق و هل هما كويسين ولا لأ ؟؟؟؟

الف مبروك و ربنا يبارك لحضرتك فيها . الفرق ما بين النقلات فعلا قليل زي ما حضرتك وضحت و ده طبيعي و ان شاء الله تتعود عليه . خللي بالك بس ان حضرتك المفروض تطلع علي التاني مش الاول زي العربيات التانيه و ده الموصي به في دليل التشغيل الا بقي لو كنت راكن في مطلع جامد مثلا ساعتها تطلع علي الاول. بالنسبه الصيانه انا ما جربتش الميكانيكيون العرب في صيانه كبيره زي ال٦٠ الف انما لو عايز نصيحتي خليك في التوكيل يعني رينو العبور ده كويس و يبقي قريب لحضرتك و ممكن تكلم التوكيل تحجز و بالمره تعرف تكلفه الصيانه . نقطه اخيره اعتقد ان حضرتك هتحتاج تغير سير الكاتينه لو مكنش صاحب العربيه غيره قبل كده و لذلك فالافضل تتأكد منه

ممكن اعرف مدى ثبات الداستر على السرعات وعند اخذ الملفات والوقوف المفاجئ فهل تعرض احد لمواقف مع السيارة فى هذا الخصوص انا معجب بالسيارة واخشى ارتفاعها عن الارض الذى قد يؤثر عاى الثبات وخاصة انها لاتحتوى على عوامل امان كافية وفسره البعض بان ذلك لرخص ثمنها عن مثيلاتها برجاء تقبل تساؤلاتى بصدر رحب و شكرا.