4 & 4 موديل 2013.
دى احسن واشد عربية اشترتيها لغاية دلوقتى
4 & 4 موديل 2013.
دى احسن واشد عربية اشترتيها لغاية دلوقتى
و كمان صحيح : هو التوكيل مينفعش يوطي الدبرياش شوية ؟؟
طيب في حل تاني حط دواسات سميكه او ممكن واحده رفيعه و فوقها واحده سميكه و بكده هترفع رجلك نفسها تبقي قريبه من البدّال و هتلاقي في دواسات سميكه بتتباع لل suv لان الفرق كبير بين أرضيه السياره و البدالات غير الصني و كمان وضع القياده مختلف. انا عامل كده و يمكن علشان كده مش حاسس بمشكله . انا بصراحه ضد فكره توطيه الدبرياج دي لانها ممكن تخللي النقل صعب و ممكن الفتيس يعض
هجرب الطرق ديه إن شاء الله ..
تسلم ايييييييدك يا باشا !
سؤال تاني جيه على بالي هو أنا ممكن اروح اعمل صيانة 5000 و هي عاملة 3000 ولا لأ ؟
عشان عندي شوية مشاكل كده طفيفة و مش قادر اصبر زي :
1 . دواسة الفرامل مثلا مش عجباني حاسس إنها واطية .. اوطى من الصني و التيدا .. بس هي بتقف مفيش مشكلة بس مفيش fast action منها خالص لازم أنزل رجلي شوية ..
2 . ساعات كده لما ألف الدركسيون بسرعة و العربية في ال حرارة normal و على ال سلانسيه ال rpm ينزل و يطلع بس في حدود 350 ل 600 و العربية ترجرج مش عارف إيه ده ؟؟ بس ده في حالة لما ألف بسرعة بس لكن لو بألف عادي مفيش أي مشكلة خالص < الكلام ده و أنا مش دايس بنزين نهائي > ..
3 . الكرسي زيق شوية بسيطة كده ..
4 . ساعات بسمع صوت فسفسة من المساعد الشمال لما اخش في حفرة جامدة مثلا لكن غير كده عادي و الصوت ده ساعات ييجي و ساعات لأ !!!
بس يا سيدي :)
في انتظار مشاكل أخرى :)
ما اعتقدش ان فيها مشكله لو عملتها بدري لانها صيانه بسيطه قوي يعني مجرد تربيط عفشه و الكشف علي السوائل و الفرامل فممكن تتكلم تتأكد و تحجز لها و حاول تختار يوم في وسط الاسبوع علشان الزحمه ما تخليهمش يتصربعوا وعلشان تقول لهم بالمره علي النقاط دي وان شاء الله يظبطوها بس روح توكيل كبير زي المقطم لأني لاحظت ان فرع القطاميه بتاع صيانات عاديه . اللي انا متأكد انه مفيهوش مشكله لانه عندي. برضه هي النقطه التانيه بتاعه مع لف الدركسيون تلاقي الار بي ام علي و نزل و العربيه واقفه و شوفتها في داستر تانيه قبل كده نفس النظام و في عربيات تانيه المشترك ما بينهم كلهم ان الباور كهربا مش زيت أما موضوع البدالات ده فزي ما قلتلك جرب انك تحط الدواسات زي ما قلتلك علشان تضبط وضع رجلك مع الدواسات
4×4 مو 2011 لون اسود
احلى حاجة العفشة تحفة ناعمة جدا انا كان معايا سيراتو 2010 جنط 17