عندى سؤال لو سمحتوا ال ار بى ام بيعدى 4 لما اعدى سرعة 120 وبكون على سرعة السادس هل ده عادى ولا لأ انا كان معايا افيو وكان الار بى ام كان بيوصل 4 بعد 140 وكنت بكون على الخامس.
عندى سؤال لو سمحتوا ال ار بى ام بيعدى 4 لما اعدى سرعة 120 وبكون على سرعة السادس هل ده عادى ولا لأ انا كان معايا افيو وكان الار بى ام كان بيوصل 4 بعد 140 وكنت بكون على الخامس.
أنا معايا داستر 2013 4*4 المشكلة عندى أنى بأسمع صوت دربكة بيطلع من دواسة الفرامل وحركة غريبة تحت رجلى وخاصة لما بكون ماشى على سرعة عالية وأفرمل مرة واحدة
أيه سبب المشكلة دى لأن ما شاء الله العربية جميلة إلا النقطة دى
:dumb:
Many thanks
ممكن تفيدونى من فضلكم بأسعار قطع الغيار للداستر عشان أنا نويت عليها إن شاء الله بس عايز أطمن للنقطة دى
قطع الغيار منتشرتش اوي في السوق بس اسعار التوكيل كويسة اوي و متوافرة
سجلوني معاكو - داستر 2011 دفع رباعي
عمرو
ده طبيعي بس الموضوع كمان بيتوقف علي نوع الطريق و مقاومه الهواء و ضغط الهواء في الاطارات ( الضغط المضبوط للإطارات الاربعه هو 29 بالمناسبه) . لو عايز تزود السرعه و تنزل ال rpm في حركه بسيطه ممكن تعملها و هي لما تلاقي ال rpm وصل او قرب يوصل الي 4 شيل رجلك من علي البنزين ٢٠ او ٣٠ ثانيه و ارجع دوس بنزين تاني بعدها هتلاقي السرعه زادت علي rpm اقل من الاول
السلام عليكم
ممكن حد يقولى ازاى انضف فلتر التكييف فى الرينو داستر
وشكر
نايل موتورز - NileMotors.net[1].gif
و عليكم السلام ،
الموضوع بسيط ان شاء الله.. الفلتر بيبقي في ناحيه الكرسي اللي جنب السائق في منطقه القدم علي الشمال و علشان تفكه بيبقي في حاجه زي الكليبسات فبتشده بالراحه من تحت الاول و بعد كده من فوق هيطلع معاك و بعد كده لما تنضفه تدخل الجزء اللي فوق الاول و بعد كده اللي تحت (يعني عكس الفك) و ده فيديو سريع يبين مكان الفلتر و عمليه الفك و التركيب
Замена фильтра салона в Дастере - YouTube
امبارح يا جماعه عملت صيانه ال ١٠ الاف كيلومتر في مركز صيانه القطاميه نتيجه لمعلومه مضلله من اللي حجز لي في التوكيل ان مركز القطاميه بقي فيه اكسسوارات و قطع غيار و حسسني انه بقي احسن من رينو فرنسا نفسها و ده علي خلاف الحقيقه طبعا :waaaht: . الدنيا كانت مهرجله الي حد ما و مفيش غير مهندس استقبال واحد و عدد العملاء كبير و طبعا اول ما سألته عن اكسسوارات او حتي ضبط زوايا قاللي ما عندناش و بلاش تركب اي حاجه زياده في العربيه و هي كده كويسه و لما قلتله ان صوت الموتور عالي شويه رد علي في ثانيه ان الداستر موتورها كده مع ان ده مش صحيح الموضوع ان زيت الموتور كان محتاج يتغير و كنت عارف انه بعد التغيير الصوت هينعم بس ما علينا. كانت عندي ملحوظتين ان دواسه الدبرياج بتزيق احيانا و ان نور درج التابلوه مش بينور و دول عملوهم فعلا . التكلفه كانت ٧٠٠ جنيه و مش ٤٩٥ زي اللي مكتوب في الموقع . تقييمي لمركز صيانه القطاميه انه محتاج شويه اهتمام من رينو عن كده فهو اقرب الي ان يكون ورشه مش توكيل ، يعني الدنيا بدائية و مفيش حد عنده وقت يشرح ايه اللي بيحصل او حتي يقول ايه اللي اتعمل في العربيه او كانت ايه المشاكل و بيسيبوا الموضوع للعميل مفاجأه في الاخر و هو و حظه و كمان انه بيعتمد علي عمل الصيانات العاديه فقط و شويه الحاجات البسيطه المعروفه أما لو لاقدر الله حد عنده مشكله كبيره ف بيحتاسوا فيها زي ما شفت مع بعض العملاء اللي كانوا هناك. من الحاجات العجيبه اللي عملوها هو انهم وطّوا دواسه البنزين مش عارف ليه . بصفه عامه الموضوع عدي علي خير و التكلفه تعتبر عاديه علي اعتبار ان صيانات كل ٥ الاف بتبقي مجانا طبعا و ان شاء الله المره الجايه مش رايح الفرع ده حتي لو قالولي ان الخواجة رينو بنفسه هو اللي هيعمل لي الصيانه :nosmile:
سؤال سريع : هيا الداستر اول تغيير للزيت ليها على ال 10 الاف ولا ال5000 ك ؟
وشكل كتيب الصيانة اية ؟ انا استلمت معاها 3 واحد للعربية واحد مكتوب علية راديو والتانى نصة رومانى ونصة انجليزى بس مش شايف لية اى صفحات تنفع للصيانة وشكرا لكم
متشكر جداااا يا رجالة
طيب اية رايكم نعمل تجمع لملاك الداستر نتقابل ونتعرف على بعض اكتر ؟
السلام عليكم
انا محمد من الاقصر معي سياره رينو داستر اعلى فئه دفع رباعي موديل ٢٠١٣ ماشيه ٤٦٠٠ كيلو فقط لسه ماعملتش اول سيرفس السياره فابريكه بره وجوه طبعا فيها فرش ارضيه وكراسي حتى الشنطه من اول يوم استلام وبها رخصه ثلاث سنوات اشاريتها زيرو ١٥٠٠٠٠ جنيه انا عارضها ب ١٤٠٠٠٠ وممكن تفاوض بسيط علشان الحاله ولو ينفع البدل باي سياره اوتوماتيك بس تكون بنفس الحاله لان انا محتاج اوتوماتيك والله الموفق
محمد نادر ٠١٠٠٥٠٥٤٠١٧
:fun_broken: ياريت يا فندم تركز في الكلام اللي قاللوه لحضرتك لأن ترجمته بطريقه غير مباشره انك خرجت بره الضمان خلاص يعني هما ببساطه هيسجلوا ان في اكسسوارات اتركبت بمعرفه العميل و طول ما مفيش مشاكل هيبقي عادي طبعا انما لو لاقدر الله حصلت اي مشكله في الكهربا هنا هتبقي المشكله حتي و لو ملهاش علاقه بالاكسسوارات هيقولولك ساعتها احنا إسفين يا فندم العربيه العربيه خرجت بره ضمان الكهربا و العيب من الاكسسوار اللي حضرتك ركبته بتاريخ كذا و تلاقي نفسك ساعتها في موقف لا تحسد عليه :beatbrick:
دة جروب على الفيس للملاك الداستر
https://www.facebook.com/pages/Duste...23016224586335
أنا حجزت الداستر 2014 بس 4x2 وسألت عن الإختلاف عن 4x4 قالوا الفتيس بس.. كل حاجه تانيه هي هي يعني العفشه Multi Link والصاج تحت الموتور وكل حاجه.. حد يعرف لو الكلام ده صح؟ شكرا
انا اشتريت داستر 4*4 مودل 2014 من ثلاث شهور و الكلام ده صح مع ان هناك فرق 10000 جنيه
اقتباس:
أنا حجزت الداستر 2014 بس 4x2 وسألت عن الإختلاف عن 4x4 قالوا الفتيس بس.. كل حاجه تانيه هي هي يعني العفشه multi link والصاج تحت الموتور وكل حاجه.. حد يعرف لو الكلام ده صح؟ شكر
ألف شكر أصل أنا فعلا مش محتاجه 4x4 مع ان كتير بيقولوا انها حسن.. شكرا تاني :)
[quoteألف شكر أصل أنا فعلا مش محتاجه 4x4 مع ان كتير بيقولوا انها حسن.. شكرا تاني :)][/quote]
لو مش ناوى تركن على الرصيف العالى او مش مهم عندك ان يكون الأستبن داخل شنطة العربية او مبترحش اماكن ممكن تغرز فيها العربية توكل على الله و هات 4*2
بس نصيحه الشكل 2014 مختلف من الداخل يعنى الطبلوه متغير وزراير الزجاج فى الابواب وفيها سنسور خلفى للركن وكمان الجنوط والشبكه متغيره ووالله انا متأكد عشان محدش يسأل متأكد ولا لا وهى موجوده فى معارض محمد زكى والتوكيل وبنفس السعر عشان محدش يضحك عليك والله الموفق اللى هيستلم يستلم الشكل الجديد عشان ميندمش
طب سؤال قطع الغيار موجودة ولا لا والعربية ممتازة بس بامانة علشان عاييز اشترى عربية اهم حاجة تكون عالية وقطع غيار متوفرة وهيا والكيا سول اخر اختياراتى
فعلا 2014 أحلى بكتير أنا شفت el-4x2 عند الطارق بتاع كارفور.... حاولت ابص تحت العربيه يمكن افهم موضوع السسبينشين ده مشفتش حاجه :))
أنا فاهمه ان قطع الغيار موجوده.. انما بصراحه موضوع الكوري ده مليش فيه..
أنا فارق معايا ملتي لينك ... يعني لو هو في الدفع الرباعي بس يبقى هجيب 4x4 لو في الاتنين يبقى 4x2.. بفكر اخد ميكانيكي يبص عليها...
سألت توكيل الرينو فى المقطم و كما سألت موزعى رينو المعتمدين و الصفحة الرسمية للرينو و قبل شرائى للداستر من 3 شهور هل سينزل الشكل الجديد للداستر فكان الرد ان الشكل الجديد لن ينزل مصر قبل اواخر 2014 او اوائل 2015 و ها قد نزل الشكل الجديد بعد ان تخلصوا من الشكل القديم هل هذا يصح من توكيل محترم مثل توكيل الرينو ؟؟
طب بالنسبة انها مانيوال فقط هل الدبرياچ تقيل ولا خفيف والاهم هل هو على زيت سرفو يعنى ولا شغال على واير سلك
داستر 2014 الشكل الجديد 1300 كيلو
متابع ومنتظر الرد (طب بالنسبة انها مانيوال فقط هل الدبرياچ تقيل ولا خفيف والاهم هل هو على زيت سرفو يعنى ولا شغال على واير سلك)
الدبرياج خفيف جدا والنقل مريح وخفيف