الموضوع ده جميل جدا وياريت كتابات الاعضاء من ملاك الداستر يكتبوا تانى ، عاوز نعرف ايه الجديد وايه تقيماتكم للعربية
الموضوع ده جميل جدا وياريت كتابات الاعضاء من ملاك الداستر يكتبوا تانى ، عاوز نعرف ايه الجديد وايه تقيماتكم للعربية
فين الفيديو
العربية بقالها معايا 4 سنين و اللة تحفة من كل الجوانب
سؤال لو سمحتم هل الرجة فى الدريكسيون اثناء لف العجل والعربية واقفة عادية لانها حصلت معى لاول مرة امس وانا شارى العربية من شهرين وشكرا
مشكورين جدا يعنى انسي الموضوع ولا اروح فرع الغبور محتار وهل توثر على السيارة على المدى الطويل
وشكرا لاصحاب الردوود
يا باشا متحطش الموضوع دة فى دماغك خالص . عربياتنا كلها كدة و زى الفل و بدون مشاكل على الاطلاق. العربية بقالها 3 سنين على الحال دة و عرفت من اول ما اشتريتها ان الموضوع كدة فاطمنت.
i have 2015 model 4x2
4*4 موديل 2015 استلام شهر مارس.......عامل 3000 كم لحد اليوم.....اول صيانه اعملها فين وبعدكام كيلو.....توكيل رينو قالى بعد 10000 كم.......والميكانيكيون العرب قالي بعد 5000 .......ارجو المساعده......
ممكن توضيح العفشة مالتي لينك في أي اصدار ؟ الفور ويل ولا العادي ؟
ولا الاتنين مالتي لينك ؟
بصراحه العربية ممتازة بالنسبة لسعرها في فئة suv و افكر فيها بجدية
الحمد لله اشتريت داستر 2012 مستعمله ... عيبها طبعا انها مانيوال ... العربيه سحبها ممتاز و واسعه بس عايز استفسر على حاجه ... نقلات العربيه تحسها صغيره يعنى ممكن اجيب الرابع عن 60 و التالت عند 40 هل ده عادى ولا لأ ... و عايز اعملها صيانة ال 60 الف ... يا ريت حد يقولى كام فى التوكيل ... و هل حد جرب french motors اللى فى الشروق و هل هما كويسين ولا لأ ؟؟؟؟
السلام عليكم ورحمة الله وركاته
انا معايا داستر 2015 PE او هاى لاين 2x4 اوتوماتيك 2000 CC
الف مبروك و ربنا يبارك لحضرتك فيها . الفرق ما بين النقلات فعلا قليل زي ما حضرتك وضحت و ده طبيعي و ان شاء الله تتعود عليه . خللي بالك بس ان حضرتك المفروض تطلع علي التاني مش الاول زي العربيات التانيه و ده الموصي به في دليل التشغيل الا بقي لو كنت راكن في مطلع جامد مثلا ساعتها تطلع علي الاول. بالنسبه الصيانه انا ما جربتش الميكانيكيون العرب في صيانه كبيره زي ال٦٠ الف انما لو عايز نصيحتي خليك في التوكيل يعني رينو العبور ده كويس و يبقي قريب لحضرتك و ممكن تكلم التوكيل تحجز و بالمره تعرف تكلفه الصيانه . نقطه اخيره اعتقد ان حضرتك هتحتاج تغير سير الكاتينه لو مكنش صاحب العربيه غيره قبل كده و لذلك فالافضل تتأكد منه
ممكن اعرف مدى ثبات الداستر على السرعات وعند اخذ الملفات والوقوف المفاجئ فهل تعرض احد لمواقف مع السيارة فى هذا الخصوص انا معجب بالسيارة واخشى ارتفاعها عن الارض الذى قد يؤثر عاى الثبات وخاصة انها لاتحتوى على عوامل امان كافية وفسره البعض بان ذلك لرخص ثمنها عن مثيلاتها برجاء تقبل تساؤلاتى بصدر رحب و شكرا.
مساء الخير علي الناس الحلوين
اخيرا السياره عملت 40 الف وعملتلها الصيانه الازمه انا جايبها زيرو 2012
بسلم علي كل الناس، وخاصتا ملاك السياره القدام
:hrm_prv:
تحياتي
تم حجز الداستر ٤*٤ ٢٠١٥ وفي انتظار الاستلام انشاء الله
الله يبارك فى حضرتك ... و فعلا اتعودت على النقلات و بقيت دلوقتى بفضل الداستر على عربيتى الكارينز رغم انها اوتوماتيك ... بجد العربيه ما شاء الله و فعلا روحت غيرت طقم كاتينه و مجموعة سير فى فرنش موتورز فرع الشروق ناس ممتازه و بيتقوا الله مش سبوبه و خلاص
العربية ثابتة جدا و مين قال انها لا تحتوي علي عوامل امان كافية لرخص ثمنها
فيها 2 ايرباج و abs , ebd
قولي بقي ايه اللي في السعر ده و منتشر في السوق زي السيراتو و الالنترا وفيهم اي حاجة
انا بتكلم عن السعر 150 الف جنيه
السيراتو 153900 اوتوماتيك فاضية مفيش ايرباج او abs
الالنترا نفس الوضع
كلام مش مظبوط
انا معايا داستر 2015 دفع رباعي استلمتها نص مايو العربية ممتازة و مميزة جدا و انت في الطريق و فيها عوامل الامان زى ما قلت و كل اللي بيشوفها بيشكر فيها و ناس كتير بدأت تعرف العربية و تشتريها هى بالاسم و ده الاهم انك تروح تشتري العربية دى مش رايح اشتري عربية فى حدود 150 الف اي عربية انا كنت محدد مع المعرض انا عاوز داستر دفع رباعي لون اسود و اكدت عليه و الحمد لله رافعة راسي جدا .
موديل 2016 علي الكلام الموجود في بعض منتديات السيارات مفيش تغير عن 2015 بس احتمال ينزل الموديل الدفع الأمامي اوتوماتيك لكن الميعاد امتي مش عارف
بس لو انت مش فارق معاك المانيوال و عاوز الموديل الدفع الرباعي خلاص لا داعي للإنتظار
انا قرأت موضوع عن نزولها ب 7 مقاعد اكيد هتبقي اغلي
انا من كام يوم اخدت اولادي واولاد اخويا فيها حطيت مخدات في الشنطة كانوا قاعدين مبسوطين جدا و قعدوا يلعبوا كوتشينة لأن القعدة كانت مريحة العربية واسعة و مريحة و الشنطة واسعة
موضع الدفع الرباعي مستعملتوش خالص عشان العربية اصلا سحبها ممتاز و مفيش مناسبة عشان اجربه و عشان كمان عالية تقدر تقول انها مناسبة لأي طريق من غير دفع رباعي
انا تقريبا مش بغيرها عن الدفع الامامي خالص حتي مش بشغل الوضع الاوتوماتيك
انا حقيقي سعيد بها جدا و الحمد لله ان ربنا وفقني و اخترتها
حضرتك ذكرت انه لا يوجد بالسوق سيارة بها عوامل الامان مثل الداستر وسعرها ا150 الف مارايك فى الكروز ب150 الف ايضا اتوماتيك معمولة على شاسيه الاسترا ونفس عوامل الامان وتتفوق ب esp انا لا اقلل من الداستر فهى سيارة محترمة ولكن اضيف بوجود سيارة اخرى فى نفس الرينج وبها نفس عوامل الامان ان لم تزد.
لو سمحتوا ياجماعة عندي كذا استفسار بخصوص الداستر لان قررت اشتريها استعمال
اولا الثبات عالسرعات ايه الاخبار انا مشاوري اغلبها سفر
ثانيا انا من كلام الي قريته لقيت الافضل هو ال4*4 حتي لو مش هستخدمه عشان تصفيح العربية من تحت والعفشة المالتي لنك وهل العربية في حالة اني ماستخدمتش الدفع الرباعي بيكون نظام الدفع فيها امامي ولا جر خلفي ودي نقطة مهمة اوي؟؟؟؟؟
ثالثا اخبار اسعار قطع الغيار والصيانة برا التوكيل معقولة ولا مبالغ فيها؟
رابعا استهلاك البنزين ايه الاخبار
خامسا هل فعلا العربية من الداخل فقيرة جدا زي مابيقولو ولا ايه ؟؟؟؟؟؟؟
ارجو سرعة الرد عشان ناوي اشتري قريب وايه الفرق بين موديل ٢٠١١ والي بعده ورينج السعر كام
انا اولا اعشق الكروز جدا جدا و كنت مش متخيل ان اركب عربية غيرها بس انا من طنطا و بشتغل في وادي النطرون يعني طريق زفت و مطبات كتير الداستر تكسب الكروز عندي 4 اولاد عاوز صالون واسع الداستر تكسب الكروز انا بسافر مع المدام و الاولاد لرشيد بنحتاج شنطة واسعة الداستر تكسب الكروز سحب الكروز فيه كلام كتير الداستر و عن تجربة سحبها ممتاز
الداستر فيها gps و نظام ملاحة
من الاخر صالون الكروز افخم بس الداستر عملية جدا و مناسبة للطرق المصرية جدا جدا
شوف حضرتك الثبات كويس جدا و خليك في الدفع الرباعي هي معايا انا سمعن ان العفشة فيها انعم من الموديل العادي و فيها تصفيح من تحت هي معايا صراحة بحس بها في المطبات ناعمة ما شاء الله العربية اللي معايا فيها بكرة لنظام الدفع رباعي دائم او اوتوماتيك حسب الطريق او دفع امامي فقط الصالون واسع و مريح فقير دى انا بالنسبة ليا مش شايف كده انا شايف انه كويس استهلاك البنزين معظم الوقت 8.3 لتر لكل 100 كم
ممكن حد يفيدنا بخصوص الألوان المتاحة من الداستر 2015... انا اعرف الأبيض والأسود والزيتوني والموكا والفضي... بس انا بشوف الوان تانية في الشارع زي البترولي والبني الفاتح والرمادي