مين اللي قال الكلام ده يا فندم؟؟ الخامس و السادس غيارات عاديه . المختلف هو الرجوع للخلف و ده عن طريق رفع حلقه وده لتمييزها عن باقي النقلات علي اساس انها نقله عكسيه و لو كنت بتجري بالعربيه وحاولت تجيب الفتيس علي وضع ال reverse عن طريق الضغط علي الحلقه و تودي الفتيس لقدام ممكن لا قدر الله تكسر علبه التروس و تبوظ الفتيس فخللي بالك من الموضوع ده. أوضاع الفتيس علشان يجيب النقلات مرسومه علي رأس عصايه الفتيس وزي ما قلتلك كلها نقلات عاديه و ده standard في كل العربيات ان ال reverse يا أما يبقي بسوسته او بحلقه بترفعها لفوق مع النقله يعني ما تستخدمهاش إلا في حاله الرجوع للخلف و لما ترجع للخلف لازم العربيه تبقي في وضع ثبات يعني تفرمل و بعد كده ترجع لورا لو كانت العربيه كانت ماشيه لقدام قبل كده. لو كان الخامس او السادس (اللي بيجيبهم عن طريق تحريك عصا الفتيس فقط) مش بييجوا بسهوله ده ممكن لان حضرتك مش دايس علي الدبرياج كويس و بالتالي مش بيحصل فصل كامل للحركه و ده ممكن يخللي النقله ترجع زي ما حضرتك بتقول و ممكن في بعض الأحيان الفتيس يبقي تقيل لو مكنتش مسخن كويس يعني علي الاقل شرطتين الحراره اللي بينوروا في الاول لسه ما نوروش.
باختصار كده سخّن العربيه و راجع علي وضع عصا الفتيس مع النقلات و اللي مرسوم علي رأس عصا الفتيس و اثناء النقل دوس علي الدبرياج للاخر
المفضلات