الموضوع: I Wonder Why Would Some People Still Get To Buy Hyundais

المشاركة الأصلية كتبت بواسطة Samir Elshahawy

عزيزي سامح ..

كلامك صح و أحنا فعلا متفقين كده و أنا ما أقدرش أقول لك أن السيفيك وحشة أبدا و لما قولت الالنترا الفولي لودد انا كنت باحاول أقرب من السيفيك اللي هيا أول فئة بسعر أقل و أوبشن أعلي لكن وسائل الامان و الفي تيك و كل ده مايمنيش في حاجة طالما انا بأستخدم العربية داخل المدينة و مش بتاع جري و حركات

طيب هأقول لك علي حاجة من الاخر و تدل أن كلامي عن طريقة تفكير المستهلك المصري صحيحة و هاتستغرب زي ما أنا أستغربت و شديت في شعري كمان

في الباركيج اللي أنا ساكن قدامه و بأركن فيه كذا ألنترا md من مختلف الفئات و فيه سوناتا و سانتافي و أي أكس 35 و جيتز (تقدر تقول كده قسم هيونداي هناك - ههههههه) لكن ده لايمنع أبدا من وجود سيارات أخري زي هوندا سيفيك و فورد و فلوينس و فولفو و دودج بصراحة عندنا معرض سيارات

المهم في يوم نازل و لي جار في العمارة اللي جنبي عنده سيفيك موديل 2009 تقريبا لاقيته جاي و في اليوم اللي زادت فيه الالنترا وسائر العربيات و بيقول لي مش هاتبارك لي علي عربيتي الجديدة ؟
قولت له مبروك .. بس جبت ايه بعد السيفيك ؟
انا قولت هايقول لي بي أم و لا الباسات الجديدة مثلا (الراجل بصراحة عنده ربنا يزيده و معاه عربيتين تانيين منهم واحدة ألماني شهيرة جدا)

المهم لاقيته بيشاور لي علي عربية واقفة قدام بيته لسه من غير نمر
هنا لطمت ....

البيه جاب ألنترا md 2013 و اييييييييييييييه أول فئة (ياريت جاب حتي الفئة الثالثة)
طبعا سألته ليه عمل في نفسه و فيا كده
قالي بالحرف :
- "السيفيك حلوة أه ماشاء الله عليها لكن .... انا مش محتاج كل السيفتي ده في حاجة انا مش بأسافر و لا بأجري و انا راجل كبير زي ما انت عارف و مش بتاع جري و غرز و حركات و قولت أوفر فرق الفلوس ده و أركب عربية حديثة و مريحة , وووووو ) و قعد يعدد لي و انا فاتح بقي من هول الصدمة و المفاجأة

دول المستهلكين في بلدك يا سامح بيجروا ورا العروض و بس
أنا طبعا لا أقلل أبدا من شأن الالنترا بكلامي ده بالعكس أنا العربية دي بأحترمها جدا جدا و العربية الجاية أن شاء الله ستكون هيونداي برضه و يمكن ألنترا بس فئة أعلي لكن كل واحد له أسبابه و له مبرارته عند أختيار عربيته

بالظبط كده زي ما واحد بيختار شريكة حياته و الناس اللي حواليه كلهم و خاصة والدته بتبقي معترضه عليها و شايفاها كلها عيوب لكن هو بيكون عارفها كويس و شايف انها مناسبة له و لشخصيته
يا يطلع أختياره في محله و تريحه فعلا
يا يطلع كلام الناس صح و تفضل منكدة عليه حياته هههههههههههههه

انت شايف ان اللى عملة دة صح , انا مستغرب جداا ان واحد يقول انا مش عايز ال saftey دية كلها فى حاجة , وبعدين هو خد فرق كام يعنى اخرة عشرين الف جنية مش حاجة يعنى لواحد زى ماحضرتك بتقول مبسوط

- وخلى بالك انا ماجيبتش سيرة الماتور فى حاجة , انا بتكلم عن انظمة الامان اللى فى العربية ليس اكثر
وطبعا الثبات