الموضوع: I Wonder Why Would Some People Still Get To Buy Hyundais

المشاركة الأصلية كتبت بواسطة khaabas

مع احترامى ليك الشعب المصرى موش اهبل وعارف بيحط كل قرش فين علشان جايب القرش بطلوع عينه وفيه قاعدة دايما فى علم الاقتصاد بتقول المنتج الكويس بيطرد المنتج الردئ فالناس اللى بتجيب هيونداى موش هبله ولا عبيطه

اختلف معاك عشان الشعب المصري بيعمل حاجات ليها العجب مش بفهموا في احيان كتيره
بس ده مش بينطبق على الهيونداي

المشاركة الأصلية كتبت بواسطة sameh_fouad

هو احنا كلنا عارفين ان اسعار السيارات فى مصر مبالغ فيها جدا عن الحد الطبيعى

لكن الاختلاف هنا بيكمن فى نقطتين

1- مدى وسائل الامان اللى بتوفرها السيارة

2- مدى توافر قطع الغيار , سعرها , مدى اعتمادية السيارة وثباتها وراحتها وشكلها

وطبعا افضل السيارات امانا فى السوق المصرى هية السيارات الالمانية تليها السيارات اليابانية ثم السيارات الصينية ثم الكورية ( خلى بالكوا انا بتكلم عن امان الاوبشن ( abs- ebd- immoplaizer - airbags - bas ) ثم انظمة الثبات
ومعلش انى جيبت السياارت الصينية قبل السيارات الكورية بس فى النقطة دية بتفرق كتيير اوى

دلوقتى الكورى يمتاز بالاتى :

1- سيارات شكلها جذاب جدااا

2- سيارات عائلية جداااااا

3- سيارات تملك وسائل ترفية كويسة جدا ( تكييف تاتش - بلوتوث - aux - مصابيح تعمل تلقائيا - ساوند سيستم - كمبيوتر رحلات متطور - الخ.... ) فطبعا شىء كويس جدااا فى عربية

4- سيارة تقدر تعتمد عليها فى قضاء مشاويرك اليومية , ولكن بعد فترة يقل هذا الاعتماد وتبدأ السيارة فى حاجة الى مصاريف بعد فترات ليست ببعيدة

عيوب السيارات الكورية :

1- فقدت اهم ميزة ( السعر التنافسى ) اصبح سعر السيارة لا يقل عن 120 الف جنية للفئة الاولى , وتقارب ال200 الف جنية لسيارة سيدان تندرج تحت قائمة ال compact sedan

2- اسعار قطع غيار خيالية وتوكيل اسعارة غالية جداااااااااا ( يعنى فقد كمان تانى ميزة وهية انخفاض تكلفة الصيانة )

3- سيارات ثباتها قليل مقارنة بمنافسيها ودة بيكون ناتج عن استخدام انظمة تعليق تقليدية بدون تطور او بمعنى اصح بيتم تقليل التكلفة , فطبعا العربية بتطلع بالشكل دة

4- شكل السيارة اصبح كبير جداا من الخارج , وبزوايا تصعب على السيارة فى حالة الحوادث الخفيفة لا قدر الله ان تستعدل هذا الجزء , ويجب تغيرة وطبعا تكلفتة عالية جدااااا , وفى نفس الوقت السيارة مساحتها من الداخل لم يتغير بالعكس ممكن يكون اصبحت من الداخل , مثال بسيط

السيراتو القديمة لما ركبتها وركبت الجديدة حسيت ان السيراتو القديمة اوسع منها , كذلك اللالنترا بتاعة xd سقفها من الخلف اعلى شوية من السقف بتاع ال md

5- حاجة بتدايقنى جدااااا فى السيارات الكورى , ان واحد يكون جايب عربية ولتكن الالنترا بسعر 150 الف جنية ولا قدر الله تتسرق بكل سهولة , ودة طبعا ناتج بسبب قرار شراءة الخاطىء ان اشترى عربية قبل مايدور على الامان اللى يريح بالة على الاقل والعربية فى الشارع , وطبعا التوكيل شايف الناس عمالة تشترى ومجدش بيتكلم لية ( الشكل - الاوبشن ) غناهم عن وسائل الامان

6- السيارات الكورية طالما لسة سايبة سياراتها فى 2013 تنزل من غير abs-ebd -airbag -immoblaizer ك standard فى كل سياارتها ساعتها اقول الشركة فعلا بدات تسير على خط النجاج الفعلى
لكن معلش كانت الاول الحجة بتاعتنا ان السيارات سعرها رخيص وكل حاجة على قد سعرها , لكن دلوقتى معلش الكورى بقى اقل حاجة فية 150 الف جنية والمبلغ مش قليل

وعشان ماطولش عليكم , سيارات هيونداى كويسة ولكن ليها حدود ماتقدرش تعديها ولسة بدرى عليها على الاقل فى السياارت المتوسطة بتاعتنا , واللى بتمثل الحصة الكبرى فى المبيعات للشركات

حضرتك بتقول ان هيونداي فقدت ميزه انخفاض السعر وده مش صحيح
وهنقارن بالهوندا بحكم ان حضرتك من مالكي الهوندا

الالنترا الاوتوماتيك اول فئة 145000
السيفيك الاوتوماتيك اول فئه 187000
يعني 42000 جنيه فرق

الالنترا الاوتوماتيك اعلى فئه 163000
السيفيك الاوتوماتيك اعلى فئه 206000
يعني 43000 جنيه فرق

اعتقد ان الفرق ده كبير اوي بين عربيتين من نفس الفئه
ف ((حتى)) لو كانت الهوندا افضل في بعض النواحي فكله بتمنه زي ما بيقولوا ومش كل الناس عندها المقدره تزود الفرق ده عشان تجيب الهوندا
عشان كده مازالت السيارات الكورية هي الاكتر مبيعاً في مصر

المشاركة الأصلية كتبت بواسطة micho129

الحقيقه ان انتشار سيارات هيونداي في مصر هو افضل دليل علي جودتها مات الكلام بعد كده!

جودتها بالنسبه للسعر (( طبعاً في الافضل بس ادفع بقى ))

المشاركة الأصلية كتبت بواسطة micho129

الحقيقه ان انتشار سيارات هيونداي في مصر هو افضل دليل علي جودتها مات الكلام بعد كده!

جودتها بالنسبه للسعر (( طبعاً في الافضل بس ادفع بقى ))

المشاركة الأصلية كتبت بواسطة msobhy

فى مثل قدييييييييييييييييييييم لو فيه حد هنا من الفلاحين هايعرفه (قبل الغلط علشان انا اصلى فلاح - مش فئات :) )
حسن السوق ولا حسن البضاعه
وكلنا للأسف ماشين بالطريقه ديه
اكبر دليل ان واحد يروح يشترى عربيه تقريبا ب 145.000 جنيه بدون وسائل امان - مع العلم انه ممكن ب 160.000 يشترى عربيه محترمه جداااااااااااا لكن سوقها فى البيع واقع - يبقى بلاها منها
أكبر دليل على غرابة السوق المصرى
اللانوس والفيرنا
وارجوكم من غير زعل
انا جربت الفيرنا وحسيت بالظبط انها 128 (مع احترامى لملاك ال 128) بس بتجرى وفيها تكييف
وكان معايا لانوس وقعدت معايا 5 سنين بالاضافه ل 3 عربيات لانوس كانوا معايا وبركبهم
ازاى العربيتين دول هما اكبر انتشار فى السوق المصرى!!!!!!!!!!!!!!!!!!!!!!!!!!!
الفيرنا مأساااااااااه بتجرى على الطريق
أما اللانوس - عربيه تصميمها حديث جدا - من سنة 1991 ولغاية دلوقتى بتباع تقريبا من غير اى تعديلات
ومع كل ده الكل بيدور على حاجه واحده - ان الصيانه رخيصه + قطع غيار متوفره = سوق بيع احسن ---- يبقى نشتريها على طول
انا باعتذر لو كلامى ضايق اى حد - لكن فعلا الكلام مش موجه لأى شخص - لكنه رأى فقط

متفق إلى حد كبير

المشاركة الأصلية كتبت بواسطة samir elshahawy

الأخوة الكرام ..

ياريت بلاش نخرج عن سياق الموضوع اللي أنا شايف أنه هادف و بيناقش فكرة مهمة جميعنا أتكلم فيها قبل كده و هي فكر السوق المصري الغريب شوية

و ياريت بدل ماننقل الحوار الي الهجوم علي سيارات بعينها و المدح في أخري نحاول نخلي الموضوع يكون دراسة للسوق المصري و سب أنتشار سيارات بعينها و فشل الاخري بالرغم من التباين في الاسعار و المواصفات

كمان ياريت نجعل الموضوع وسيلة لدراسة أمكانية توحيد المواصفات و أجبار التوكيلات علي الألتزام بالحد الادني من تلك المواصفات

ياريت أسلوب المناقشة يكون كده , و لا أيه رأيكوا ؟

و تحياتي لصاحب الموضوع و بأعتذر له عن أي فهم خاطئ أو أسائة قد تكون صدرت من أحد المشاركين بالموضوع سواء من قسم هيونداي أو خارجه و تقديري لشركة نيسان و سياراتها صاحبة التاريخ العريق في صناعة السيارات

احيى حضرتك يا أ/ سمير
هو ده الكلام الصح . شكراً لحضرتك

المشاركة الأصلية كتبت بواسطة Kareem.ElAraby

كله قال اللي عنده خلاص
أتكلم انا بقي بعد اذنكم

كوري يعني
zero stability
zero braking power

موتور تجري بيه أه
تكييف حلو ماشي لكن في عز الصيف مش بيسد أو يكاد بيسد لاجل الامانه بس لا زال تاني أحسن تكييف بعد الياباني
عربيه شكلها حلو ممكن و ديه أذواق

جرب كده حضرتك تبقي ماشي 180 و تشعر دواسه الفرامل زياده ( مش بأقولك FULL STOP) و كلمني بقي عن اتزان العربيه (يمين شمال و مش ماسكه في الارض)
و علي فكره أعرف ناس بهيونداي جابوا ال 220 بس مش الموضوع انك تجيب ال200-220 المهم عندي انا أكتر هتعرف توقف ولا لا و في قد ايه و مدي قدره العربيه علي المناوره
كلمني كده عن انعدام وجود ال abs و ال ebd
أحلي حماده بالجنزبيل مع أي موقف فجائي أو حد بيرمي عليك و انت في موقف الفرمل مش هتسعفك !
كلمني عن الكاوتش اللي nisr أو ال lassa
ولا الكومهو اللي عندي في عربيتي و بيتلكك عشان يعمل full locking !
و مخليني ماشي في وسط راسي و مع أي حد بيرمي أو أي ضغطه فرامل فجائيه ضغطي بيعلي...
هتقولي هات طقم كاوتش نضيف و جنط هأرد أقولك أقل واجب 7000 جنط + كاوتش نضيف + ان مش من المفترض أجيب عربيه زيرو و أغير طقم كاوتش بالشئ الفولاني
و لما زميل بفيرنا ركب تويو مكان النسر تعليق احد الزملا اللي كانوا بيجربوا عربيته "ديه بقي فيها فرامل"

كلمني عن الاصوات و الزقزقه جوه العربيه و يا سلام بقي لو راكنها في شمس الصيف و دورت و شغلت التكييف اسمع صوت التكييف و بلاستيك التابلوه مطرح الحر و الهوا الساقع !


الصيانات في التوكيل غاليه جدا
بلاش موضوع بره التوكيل عشان ملسوع في دينامو في الاكسنت ب 3000 و لو كانت في الضمان كنت غيرته
انت شاري العربيه بضمان دافع تمنه
لو جايبها خليجي ده موضوع تاني
صيانه ال5 + ال 10 = تقريبا ببالزياده و النقصان 800
و صيانه ال 40000 = 1500 بلبل مصري
ازاز السواق ب 650 جديد
التيل جديد ب 450 قبل الدولار ما يغلي
المساعد ب 750
قارن بصيانه السيات ليون كمثال هتلاقي الفرق 300 جنيه كل 10000
و ديه ألماني و ديه كوري و بتنزل بكاوتش بريدجستون علي فكره و نقشه تورانزا كمان

الكوري فقد ميزته خلاص و كانت السعر المتهاود و قطع الغيار الرخيصه و سهوله الصيانه
بقي غالي و قطع غياره في السما الصيانه مش سهل أوي زي الاول بس مش في تعقيد الالماني و كل شيخ و ليه طريقه
و اسأل ملاك الشكل ال md التيل بكام !

علي قد لحافك مد رجليك و علي قد فلوسك بتشتري بس بلاش شخصنه في المواضيع و الرد المستفز مفيش أسهل عندي منه و رمي الكلام بس الاهم عندي الاحترام المتبادل
لما بالاقي موضوع قلب عك ما يستاهلشي انني أتكلم فيه أو أسيب حد يكلمني كلمه ملهاش لازمه بكل بساطه عشان مش بأسكت لحد أيا كان
بس انا عارف أعضاء هيونداي و هم عارفين مده موضوعيه و حياديه كلامي
مش عشان الحاجه حاجتي تبقي أحسن حاجه
مش انا خالص بقي اللي أعمل كده ديه ايجيبشن ستايل بيبول أو الاغلبيه منه :]:]
و انا الحمد لله راكب كوري من 2003 من أيام الاكسنت ال 1.5 الشكل القديم خالص
و معانا النترا ديه عربيه الحاج بس بردو معايا
و ربنا يديمها نعمه و يحفظها من الزوال و يكفينا شر المواصلات و يباركلنا كلنا في عربياتنا
كل واحد راضي بعربيته و مليا عينه

البروتون الساجا و الجين 2 ستابيليتي حتي النخاع بقي و يعيبهم الكواليت بتاعه interior
الهوندا ديه بي ام الياباني و معاها السوبارو و المازدا (سامح من المرات القليله اللي عجبني فيها كلامك) بس قطع غيارهم غاليه و في المقابل اعتماديه أعلي بحبه حلوين
السيراتو ديه الاخت التؤام للالنترا بس ستابل عنها بس عفشه أنشف
بس بتتسرق مع ان فيها immobilizer أموت و أعرف ازاي
فورميو : صاحبي معاه البونتو, ربنا يباركله فيها و يكفيه شرها بس كنت متوقع quality أعلي من كده للتابلوه و بلاستيك الابواب not to mention ان الابواب اللي وراه أكر, shit يعني يا مان و ديه اعلي فئه في 2011

غبور عنده marketing و sales team يستاهل التحيه

و دمتم بود جميعا

كلام مظبوط جداً

المشاركة الأصلية كتبت بواسطة msobhy

يا باشا ربنا يسلمك من كل شر
وانا باعتذر لحضرتك على اى كلمه ضايقتك
والله العظيم انا مقصدش اى اهانه لأى حد
والله العظيم انا بحب عربيتى زى ولادى وأكتر- يعنى مش بهاجم هيونداى وخلاص
وحضرتك انا قلت فى البدايه انه رأى شخصى - يا اخى اعتبرنى اخوك الصغير وغلطت - يا عم الفيرنا اجمل عربيه فى الدنيا وانا اسف انى غلطت فيها
وياريت فعلا الاداره تمسح كل مشاركاتى فى الموضوع ده
وبالمناسبه السعيده (بجد مش هزار) معندكش فيرنا للبيع

يا باشا اولا مفيش اعتذار بين الاخوة
ثانيا : صحيح ممكن المناقشة تحتد بس للجميع خالص الاحترام وانا فى مناقشتى سواء مع حضرتك او غيرك بتكلم كأنى بكلم مع اخويا أو صحبى
ثالثا : تعالى نناقش الموضوع بهدوء ( الاخ الفاضل صاحب الموضوع ) طرح سؤال بيقول فيه انا بتعجب ان الناس لسه بتشترى هيونداى ماشى ده رايك الشخصى مع اننى كمالك للعربية هازعل طبعا من الكلام ده ، فكل اللى انا عملته طرحت نفس سؤاله بصيغة معاكسة على عربيته ( ومكنش والله بقصد التقليل من العربية ) ربنا يبارك فى عربيات الجميع لقيته زعل ؟؟ يبقى الطبيعى زى ما انتا بتزعل على عربيتك راعى برده زعل الغير موش كدة وله ايه
رابعا : الكلام الفاضى بتاع وكيل غبور اللى اتقال من البعض والله لا وكيل ولا نيله كل ما فى الامر واظن ده عند كتير من الناس عربيتك احيانا بتحس انها فعلا بقت جزء من العائلة وخصوصا لواحد زى استعماله للعربيات كتير جدا

المهم علشان متطولش عليك ومصدعشك باعتذر ليك وبرده والله مكنتش اقصد ايه اساءة فى اى من المشاركات
وبالمناسبة انا معنديش فيرنا عندى ار بى تشترى هههههههع