الموضوع: بعض الاستفسارات عن اكتافيا a5

انا ركبت العربيتين الحمد لله ..

من وجهة نظرى .. الأوكتافيا a4 موديلات 2003 لحد 2009 هى هى A5 فى الميكانيكا والعفشه .. بس A4 اخف وزنا وبالتالى تسارع افضل وبالبلدى كده سالكه .. لكن A5 شياكه اكتر ومش بتاعة جرى وهتلاقى العزل بتاعها افضل وكماليات اكتر بحكم انها موديل احدث لكن مفيش حاجه اسمها دى افضل من دى .. هى وجهات نظر مش أكتر

يعنى فى واحد يقولك انا اركب عربيه خفيفه سالكه احسنلى وهى هى نفس العربيه .. وواحد يقولك ان اركب عربيه اأشيك ومنفوخه احسن وبدور فيها على أوبشن

طبعا موديلات A4 فيها فرق زى أى عربيه .. بس ممكن تعتبر ان A4 من 99 لحد 2003 مختلفه عن من 2003 لحد 2009 .. فى منها منوال فئتين تقريبا واتوماتك فئتين او 3 بردو .. اعلى فئه هتلاقى فيها فتحة سقف وجنط سبور و ASR وسخانات كراسى وسى دى والكماليات دى


المانوال مش احسن من الاتوماتك ولا حاجه .. قولتلك وجهات نظر .. بس ممكن تعتبر ان الفنيس الأتوماتك بتاع A4 التكنولوجى بتاعته قديمه شويه من اكتر من 10 سنين مثلا

السياره ناجحه جدا وسوقها شغال على عكس الأورويى وقطع غيارها متوافره بحكم انها انتجت لمدة 11 سنه فى مصر ومحدش بيشتكى منها فى حاجات كبيره

انا لسا جايب واحده من شهرين عامله 70 ألف كيلو مانوال 2006 .. العربيه ماشاء الله ممتازه بس هابيعها فى القريب العاجل ان شاء الله عشان قدامى عربيه كان نفسى فيها

ارجو اكون افدتك