خللي بال حضرتك من مكان ركنتك (صور مؤسفة )

**OlaOsman** · 13-08-2008 11:28 AM

لا حول و لا قوة إلا بالله.. ربنا يأجر أصحابها في مصيبتهم و يخلفهم خيرا منها.

انا مش متخيلة عربيتي مكان العربيات دي.. بس هانقول ايه؟ قدر الله و ما شاء فعل.

**ENG\AHMED** · 13-08-2008 01:20 PM

دة سور مدرسة فى شارع عبد الحميد بدوى فى مصر الجديدة امام مجمع اسكواش نادى الشمس
وطبعا المنظر لا تعليق !!!

زى البلدوزر بتاع الاسفلت اللى وقع فوق عربية لانوس وهما بيرفعوة بالونش ناحية جامعة عين شمس .. هى دى مصر !!
طول ماكل واحد بيقول ياللا نفسى ومفيش حساب هنفضل كدة من سئ لأسوأ

**CryptonX** · 13-08-2008 01:54 PM

المشاركة الأصلية كتبت بواسطة NoNaMe

دة سور مدرسة فى شارع عبد الحميد بدوى فى مصر الجديدة امام مجمع اسكواش نادى الشمس
وطبعا المنظر لا تعليق !!!

فعلا ده مظبوط !
و كان يوم جمعة بتاع الخروجة الخاصة بموضوع الطبقة الكادحة و كنت رايح للرجالة و اتأخرت بسبب الحادثة دي .

**MohabSaeed** · 13-08-2008 02:37 PM

سؤال ومحتاج اجابه عليه ..... مين حيعوض الناس ديه ؟؟؟

**amr_elrashidy** · 13-08-2008 02:55 PM

المشاركة الأصلية كتبت بواسطة MohabSaeed

سؤال ومحتاج اجابه عليه ..... مين حيعوض الناس ديه ؟؟؟

العوض على الله طبعا..حسبى الله و نعم الوكيل..ربنا يصبر الناس دى على المصيبة دى و الحمد لله انها جت فى الحديد

**AHMEDCAR** · 13-08-2008 03:00 PM

بالنسبه للتعويض
1/ لو سور المدرسه دى سور مدرسه خاصه ممكن تخلص ودى لو اداره المدرسه محترمه لو مش محترمه يبقى قضيه
2/ وده اللى باين ان المدرسه دى حكومى يبقى القضيه غالبا على هيئه الابنيه التعليميه و دى طبعا حاجه حكوميه يبقى عليه العوض علشان القضيه هاتفضل منظوره سنيين و ممكن الورثه هما اللى ياخدوا التعويض ده لو فى تعويض
3/ اهم حاجه انا الناس دى ماتسكتش و تكونوا مع بعض متضامنين

حته حقوق كده على الماشى اه ليت الشباب يعود يوما كانت ايام ايام الكليه دى حاجه تانيه خالص

**ENG\AHMED** · 13-08-2008 03:09 PM

المشاركة الأصلية كتبت بواسطة MohabSaeed

سؤال ومحتاج اجابه عليه ..... مين حيعوض الناس ديه ؟؟؟

تحب اقولك الكلمات المصرية الشهيرة فى المواضيع دى.. اكيد كلنا عارفينها وبنسمعها...
واللى منها تقبل العوض على نفسك !!! , جت سليمة والكلام اللى مش جايب همة

لما حد يخبطلك العربية وتقولة صلح اللى بوظتة الناس بتبصلك كأنك واحد من الكفار مثلا "ايية دة تقبل على نفسك وبيتك العوض!!!" مش فاهم يعنى انت اية ذنبك تشيل غلطة واحد مسطول ونايم على ودانة وبعدين انت بتقولة صلح اللى بوظتة ورجعة زى ماكان مش بتاخد منة فلوس على سبيل التعويض وبعدين ماحنا لو هنقيس على كدة يبقى لما حد يسرقك وتدخلة السجن يبقى دة عوض ليك عن السرقة

يعنى ايا كان سبب وقوع السور لو المتسبب عارف انة هيتسئل كان هيعمل كدة؟؟!!!!

**Eng.Mina** · 13-08-2008 03:20 PM

المشاركة الأصلية كتبت بواسطة MohabSaeed

سؤال ومحتاج اجابه عليه ..... مين حيعوض الناس ديه ؟؟؟

اللي مش مأمن علي عربيته عوضه علي الله واللي مأمن عليه وعلي شركة التأمين وربنا يعينه ويعرف يخلص تصليحها علي خير لان لو المدرسة دي فعلا تبع الحكومة يبقي ماحدش حيعرف يطلع بتعريفة من التعويض