الاخوة الافاضل اعضاء المنتدى الكرام بعد مرور احوالي اسبوعين من تطبيق قانون المرور الجديد
هل احد تعرض للمخالفة وماهي؟
ااتمنى من الله الا اجد احد تعرض للمخافة لكن الغرض من طرح الموضوع ان يستفيد الاخرون ولا يتعرضوا لنفس المخالفة
عرض للطباعة
الاخوة الافاضل اعضاء المنتدى الكرام بعد مرور احوالي اسبوعين من تطبيق قانون المرور الجديد
هل احد تعرض للمخالفة وماهي؟
ااتمنى من الله الا اجد احد تعرض للمخافة لكن الغرض من طرح الموضوع ان يستفيد الاخرون ولا يتعرضوا لنفس المخالفة
لا مخالفة ولا يحزنووووون
راجعة من طريق العلمين و ماشية على 160 الظابط فى اخر الطريق موقفنى و اخد رخصي و بعدين قلتله خلاص باة كل سنة و انت طيب و قعدت اهزر معله قام مرجعهم
تانى يوم واقفة فى اشارة و مش لابسة الحزام و جالى ظابط محترم و شكله عقيد او عميد و كان كمية ظباط واقفين فى الاشارة دى مش طبيعية و شكل الجو كان مكهرب كدة و اخد رخصي و بعدين ربطه قدامه و رجعهوملى و قعدت اهزر معاه برضه :biggrin24:
طيب بالنسبة ليا لو هزرت معاه هيديهالي برضو؟؟؟؟؟؟:clap:
انا خالى خد مخالفة حزام
اوعى حظك بس يا نها يوقعك فى ظابط نكدى مراته تكون مصبحاه بخناقه معتبره تيجى تهزرى معاه يروح مديلك مخالفة اتجاه عكس السير و اوعى تزعلى ده هزار انت عارفه انت زى اختى
لو كان ليك عند الظابط رخصه , قوله يا سيدى
انا كمان حافظ شويه نكت كده هبقى اقولهم لاى ضابط يوقفنى
هو انتي مهندسة كيميائية يا انسة نهى؟؟
معلش سؤال مالوش دعوة بالموضوع
كده يا نها كل موضوع تدخليه تبوظيه صاحب الموضوع كده شكلو هيدعى علينا
االحمد لله
كده الي الان محدش اخد مخالفات من اعضاء المنتدى
لكن اذاا احد من اقاربكم او معارفكم اخد مخالفة يقول لنل عليها
لانني سمعت ان فيه تلاكيك علي الفاضي
ربنا يجعل نكتنا خفيفه عليهم .....
فكرة جامده حكايه موضوع النكت ده :thumbsup:
بس انا والله خايف اعملها فى مرة يعملى محضر ولا حاجه
اصل انا لسة مخلص اعدادي هندسة
واخترت قسم غاز وبتروكيماويات
بصراحة عجبني الاسم وفي نفس الوقت بحب الكيميا
بس حاسس اني متردد يعني ومفيش حد عارف يفيدني الشغل نظامه ايه لما اتخرج
هو انا سمعتي انى ببوظ المواضيع يظهر انها بقت سبقانى :biggrin24:
هيهيهيهيهيهيهي!!!!
ممكن تعمل موضوع فى المنتدى الاجتماعى عشان تاخد راى الاعضاء و نعرف نرد عليك هناك احسن عشان مش نبوظ الموضوع هنا
على فكرة انا دراستي كلها كانت عن البتروكيماويات و الغاز الطبيعي و الهندسة البترولية
اعمل الموضوع بس و ان شاء الله نعرف نفيدك انا و بقية الزملاء :)
والله حاسس اننا هنتشتم من صاحب الموضوع
رخصي اتسحبت عشان الزينون وجبتها تاني
اصلي كنت بقلب الملازم قلي وجعلي عيني
رحت اجيبها من المرور
العميد بيقولي وهوا بيبص لية اساسا
واسطة بقا
الاخ مازن86
شكرا لك علي ردك واهتمامك بالموضوع وربنا يكفيك شر المخالفات وشر الطريق
اما الاخوة الافاضل ااصحاب الشات في الموضوع
فاحتراما للمنتدى الكبير واعضاءة الكرام الافاضل الذين اكن لهم كل احترام وتقدير حقا لقداستفدتم منكم كثيرا
فاحترما لكم
لا تعليق لاصحاب الشات
اتصورت مرتين وانا مسافر القاهرة
بس الحمد لله دفعت للى قاعد على اللادار وعديت عادى جدا
ومخالفة تانية فى سموحة عشان الحزام والموبايل
بس اخدت بالى ان الامين بيكتب الرقم
فرجعت ليه بعد شوية وخلص الموضوع برده
ومخالفة تالتة فى سيدى جابر عشان الستاير
بس دى من غير فلوس اخدت الرخص عشان شلت الستاير وقتها
يعنى الاسبوعين دول صرفت بتاع 70 جنيه :no:
والله انت انسان محترم
قلبوا الموضوع هزار وتريقة وبوظوه وحضرتك ردك عليهم فى منتهى الادب
معلش ولا يهمك
انا مرة وقفتنى لجنة وماكانش عندى اى شئ الحمد لله لكن الظابط سالنى عن الطفاية قلتله فى الشنطة ووريتهاله قالى لا ماينفعش لازم تكون فى متناول الايد وكده انت هتاخدى مخالفة قلتله ازاى يعنى
قالى لازم تحطيها قدام جنبك وتشوفيلها مكان قلتله طيب انا ماكنتش اعرف
قالى خلاص مش مشكلة بس حطيها قدام
انا قلت اقول للناس عن موضوع الطفاية ده لانه مخالفة وجودها فى الشنطة مش عارفة بقى ده ظابط بيغلس ولا ده صحيح فى القانون الجديد
عموما قلت اقول عشان الناس تستفيد وانا سالت كتير ناس معظمهم اجمع ان الطفاية فعلا لازم تكون فى متناول الايد فى القانون الجديد
وربنا يبعد عننا المخالفات
انا اتصورت عالصحراوي بس مجاليش مخالفة عالبيت ولا حاجة
بس انا أخدت بالي من فلاش الرادار
واحد صاحبي بقي القانون عمل معاه الواجب صح
كان بيتخانق مع حد في الموبايل و من الإندماج دخل الكمين وهو بيتكلم في الموبايل + مفيش حزام + مش منزل الإزاز و هو مفيم + زينون
الضابط قاله إركن علي جنب إنت قاعد معانا شوية :)
و إتسحب منه الــرخـــصــــتـــــيــــ ـن
انا والحمد شتمت الظابط و اخدمنى الرخصه قولتله ابقى عيل لو مخاليتكش تجيبهالى البيت طبعا ده كلام ساعه نرفزه و ادينى راكن العربيه علشان الرخصه لسه ماجتش المرور
نيجى لسبب سحب الرخصه
كنت فى مارينا و على البحر الصبح المهم قولت اروح و افطر بالمرهطبعا كل الناس عارفه ان مارينا الناس ماشيه بالميوهات المهم انا كنت سايق العربيه و ممعاييش المحفظه علشان كنت فى البحر و انا راجع و قفنى قالى فين الرخص قولتله انا اسف والله نسيتها فى البيت ممكن ثوانى واجى لحضرتك قالى ماشى و رجعتله علشان انا وعدته و اديته الرخص قالى تمام و العربيه متفيمه و عليها استيركات و نمر سوده ساب ده كله و قعد يفتش فى العربيه لقى فيها سارينه بتاعه شرطه و دى مش بتاعتى دى بتاعه اخويا و مش شغاله كمان قعدت افهمه انها مش شغاله يافندم جرب بنفسك قالى لا موجوده يبقى مخالفه و انت ازاى تسمح لنفسك تعمل كده و تحط سارينه و انت لسه عيل سمعت الكلمه على فكره انا عندى 24 سنه يعنى مش عيل قولتله انت بقى متغاظ من العيل ده علشان راكب عربيه وانت لا صح خلى بالك من الكلام هاتشتم هاشتم ولو هلروح فيك فى داهيه و طبعا الكلام انت مش عارف انا ابن مين و الكلام ده وانا والحمد لله بنى ادم عادى جدا بس غاظنى فقولتله منك لله عكننت عليا فى المصيف انا هاعرف ازاى اجيبها و انت اللى هاتجيبهالى البيت كمان و الحمد لله العبد لله دايخ عليها بس انا مبسوط من اللى عملته فيه بس المشكله انى راكن العربيه
تحيا مصر
مبروك عليكوا الاعدام يا رجالة
خدت حزام وخدت وصل ب 72 ساعة من إسبوعين وإلى الآن الرخصة موصلتش وجيت أجدد الوصل قاللولي مفيش تجديد مع القانون الجديد :mad:
والرشاوي وصلت للضعف يعني قبل كده كنت بدي لأمين الشرطة 5 جنيه بالكتير دلوئتي مبيقبلوش أقل من 10 جنيه
لا أقصد الإساءة يا أستاذ أحمد
معروف طبعا الأحوال في المرور و الزحمة و البيروقراطية و الروتين الغبي و النظام الغير موجود و لذلك كتير منا بيمشي حاله بالمعلوم اللي بيحطه بين الرخصتين للأمين عشان يعمل نفسه مش واخد باله
إنما محدش يقدر ينكر إنه نوع من إصلاح الخطأ بخطأ أخر
و هو سبب رئيسي لإستعباط أمناء الشرطة و بعض الضباط علي الأبرياء اللي منهم مرتكبش أي أخطاء فقط للحصول علي المعلوم
و لذلك انا أحترم موقف أستاذ renamar
و لكن برضه للأسف مبقدرش ألوم اللي يمشي حاله بعشرين جنيه في إيد الأمين
و الحل .. إمشي عدل يحتار عدوك فيك
على فكرة موضوع الفلاش بتاع الرادار ده حصل مع كذا واحد أعرفه يا MoToRiZeR
وغالبا ً الرادار بيبقى شغال في الهوا يعني مش بيبعت حاجة ... بيخوف العربيات بس ...
وتلاقيهم بيشغلوه شوية بعد الظهر كده يلقطوا رزقهم :-D
أنا الحمد لله لغاية دلوقتي موقفتش حتى في كمين ولا حد سألني على الرخصة
الحمد لله طمنتني :)
انا برضه استغربت لأنه كان في حتة غريبة .. قبل عز العرب بتاع الصحراوي ببتاع 2 كيلو كدة في الحتة الضلمة دي عشان كدة الفلاش أخدت بالي منه جامد .. بس قلت هيوقفوا الكمين فين .. عند كارفور ولا ايه ! و فضلت ماشي متحفز بقي مستني يطلعلولي لقيت الطريق clear لحد البوابات :gunsmilie:
انا هت مخالفة ع طريق الساحل عشان الرخصة خلصت الراجل رجع الرخصة و اداني مخالفة
بس كدة كدة انا كنت مطلع شهادة مخالفات قبل الموضوع دة بيومين
و لسة اول امبارح في روكسي امين ***** قالي ماشي عكس الاتجاة و بتاع و كعيت 20 :(
انا يوم السبت اللي فات طلعت بالعربية واخيرا عصرت علي نفسي 600 لمونة وقلت اروح مرور السلام اللعين عشان الرخصة بتاعتي مكتوب عليها تصريح مؤقت لمرور السلام (لإنها كانت مرور مدينة نصر علي مالملف ييجي والنمر والكلام اللي مش فاهماه ده) المهم التصريح كان خلصان بقاله اسبوعين وطبعا ماشية بيها كده وخلاص.
المهم وانا ماشية لاقيت ضابط او امين شرطة مش فاكرة وكان بيوقف العربيات عشان يشوف الرخص وجالي وقالي رخصك اديتله رخصة القيادة وبستعبط يعني :oops: ومش عايزة اطلع رخصة العربية اللي تصريحها منتهي :D فقالي فين رخصة العربية؟ :dots:طبعا اديتهاله وقللته انا عارفة ان التصريح منتهي وانا رايحة اجددها دلوقتي والله عشان كنت مستنية اجازة من الشغل اروح فيها المرور قالي بس هي كده مخالفة قلتله والله يافندم انا رايحة اجددها حالا قاللي طيب هي المفروض تتسحب بس ماشي خديها بس لو مشيتي بيها اكتر من كده عشان هاتتسحب منك قلتله لا انا رايحة اجددها النهاردة اهوه وميرسي جدا يافندم :smartass5: وسابني امشي :Angel_anim: ومفتش علي حاجة بس انا كنت لابسة الحزام طبعا ومعنديش زينون الحمد لله بس كنت لازقة شماسة فيميه صغيرة علي الإزاز الامامي وستيكرز صغيرة كده بس معلقش عليهم والحمد لله وسابني امشي :Angel_anim: فرحت اوي واحترمته ومأخدش مني مليم والله وطبعا روحت جري جددت التصريح واخدت تصريح سنة كاملة :7bteen::hurray::clap: ادعولي ماروحش المرور ده قبل السن دي عشان انا بجد كراهاه كاراهاه :dots:.
والحمد لله لحد دلوقتي محدش وقفني ولا اخدت مخالفات بس انا بمشي ملتزمة عموما ودايما لابسة الحزام ومش بعمل حاجات مستفزة تخليهم يوقفوني خالص ربنا يستر ومحدش يقر عليا :D.
معلش بس انا قولت يمكن انا بحلم ولا حاجه عشر دقايق ميييييييييين دانا مره حزام ومجتش اصلا ومره رادار ومجتش برضه ومره حزام تاني وجت بعد شهر وطبعا ليك ان تتخيل عشان تلاقي النتايج دي كنت بقعد وبتفقع قد ايه وتجديد وصل وقرف وفلوس
ليييييه كل ده دانا ادفع 100 جنيه ولا انها تتسحب مني بعد كده
يا راجل ده المرور ده حاجه اعوذ بالله منه
الحمد لله
قانون قديم. قانون جديد
10 سنين رخصتي في جيبي (حجددها الشهر دا)ما اتسحبتش و لا مره:)
المفروض يدوني جايزه السائق المثالي:funny34d:
انا اتكلبشت يوم 1/8 في اسكندريه كنت لسه واصل فندق 26 يوليو اللي علي البحر كان تقريبا 7 عربيات وكله كان راكن عشان لسه نازل يشوف الحجز ووجه واحد قال اللي ركن علي البحر الونش بيكلبش في العربيات طلعت جري ورحت للظابط وماعيا كذا حد من اللي اتكلبشو فقلتله انا لسه واصل وبنزل الشنط قالي الرخص لو سمحت واناس اللي جنبي كله قعد يقله انا العميد فلان وانا العقيد فلان وانا طبعا مدني مش عارف اقله حاجه قعد يشوف كارنيه كل واحد ويقل العسكري فكله الكلبش بعد مخلصهم قلتله يعني هي جات عليا قالي الرخص بتاعتك لو سمحت وريتهمله قالي تمشي دلوقتي حالا وفكلي الكلبش
وواحد صاحب دفع 50 بلبل عشلن بدج الجيش والنيابه العامه والتيلفزيون الظابط قاله النيابه العامه بس 500 جنيه
ياجماعه انا راكب عربيتي بالتحديد من 18/3/2005 والي الان ماحدش قالي فين رخصتك ولا وقفت في كمين ولا رادار وكمان ولا مخالفه ...........
اللي عايز اقولو امشي عدل يحتار عدوك فيك
انا بقالي 8 شهور راكب عربيه والحمد لله مفيش حد وقفني هي مره واحده بس كنت بظبط زوايا والراجل بتاع الزوايا كان هو اللي سايق وامين الشرطه وقفه بس خلصت ومتسحبتش الرخص
وساعات بركن ركنات المفروض يعدموني عليها بس ربنا بيسترها
مره ركنت قدام المحكمه علي البحر صف رابع تقريبا وبعد شويه لقيت كله مشي وعربيتي واقفه لوحدها علي البحروموقفه السكه كلهاتقريبا بس ربنا ستر ومحدش اخد نمرتها (بناء علي اقوال السايس اللي استجوبته وقالي يا باشا محدش يقدر ياخد نمر هنا)
وربنا يستر علي اللي جاي
بس فعلا الواحد يمشي صح وربنا حيسترها معاه