الموضوع: طلب الأستشاره فى السيراتو

اللى معاك احسن بكتير لو حالتها حلوه و ممكن تركب فيها زجاج كهربا
و الله اعلم
و 2012 بتزيد شوية اوبشنز و حركات

المشاركة الأصلية كتبت بواسطة ahmed12345678

شوف يا اخى الفاضل
انا معايا سيراتو اوتوماتيك 1600 كاملة جنط 16
وكورولا موديل 2006 مانيوال 1300 سى سى تكييف وباور وسنتر ومرايات كهربا

الكورولا عالية عن الارض تكييف تلاجة وموفرة فى البنزين وناعمة واسعه بس عيبها فقيرة فى الاوبشن ومانيوال فطبعا متعبة فى الزحمة ولو احنا اربعه فى العربية او شغلت التكييف مع هذا الحمل فسحب العربية فى الضياع

اما السيراتو فمتوسطة الارتفاع عن الارض وتحمل فيها زى ما انت عايز ومش هيأثر على السحب اوى والتكييف تلاجة ومليانه اوبشنز وشكل عصرى وحديث وفخم ....بس العفشة مؤرفه جدا مع انى ركبت كاوتش تورانزا جى ار 90 يابانى بس بردوة العفشة لسة مؤرفة

اذا خيرت فى بيع الاتنين هابيع الكورولا علشان الاوتوماتيك والاوبشن والسحب مع الحمل واستحمل العفشة

ولو كانت الكورولا الى معايا 1600 سى سى واتوماتيك كنت هبيع السيراتو

+1

انا عايز بس ازود ان فى فرق فى الثبات كمان لصالح السيراتو بالذات على السرعات العالية

والفرق بين موديل 2010 و موديلات 2011 و2012 ان موديل 2010 الفتيس 4 سرعات لكن الموديلات التانية 6 نقلات وفيه شيفتات فى الدريكسيون والعفشة بقت اطرى شوية وكمان فيهم مرايات ضم وكاميرا خلفية والمرايا اللى فى النص فيها تعتيم وشاشة للكاميرا .. كمان الكاسيت فيه بلوتوث بتحكم من الطارة

وموديلات 2011 و2012 بتنقص عن الـ 2010 الجنوط الـ 17 والمفتاح البصمة
بس فيه من موديل 2011 نزل بالجنوط والبصمة ودول كانوا في اول دفعات 2011

وموديل 2010 كانت السيراتو الهاى لاين بس اللى فيها امبوليزر لكن فى موديلات 2011 و2012 بقى موجود فى كل الفئات

ومفيش فرق بين التوكيل والخليجى فى التكييف ولا الدهان ولا اى حاجة غير مثلا الاوبشنز اللى فى كل فئة

ومن ناحية هتحسن بتطور فا اكيد يعنى شوف انت هتاخد ايه مقابل اللى عندك دلوقتى