الموضوع: تجربه السفر لتركيا

السلام عليكم ورحمة الله وبركاته،،،

لو حضرتك بتعرف تدور كويس وتعمل بحث مستفيض على النت عن فتادق وكده, يبقى إطلع لوحدك هاتختار فنادق أنضف وأرخص من اللي شركات السياحه هايعرضوها عليك.

المشكله بس إنك هاتتعب شويه عشان تلاقي شركه ترضى تحجزلك طيران شارتر لوحده من غير أما تكون شاري من عندهم برنامج كامل.

الطيران الشارتر ميزنه إنه أرخص بكتير من مصر للطيرات والطيران التركي، بس عيبه مواعيده السخيفه وطبعاً مستوى الخدمه مش زي شركات الطيرات المنتظم.


شكراً

يعنى محجزش طيران تبع مصر للطيران؟
الاقى فين حضرتك طيران شارتر فى شركه كويسه؟ تعرف؟
والفروض احجز التذاكر والفندق وبعد كده اروح السفاره ولا اروح سفاره الاول؟

السلام عليكم ورحمة الله وبركاته،،،

شركات السياحه هي اللي بتحجز الطيران الشارتر ما ينفعش حد عادي يحجز؛ عشان ببساطه الطياره الشارتر دي بتكون طياره متأجره لكذا شركة سياحه مع بعض وهم اللي بيبيعوا التذاكر بتاعتها.

حضرتك ممكن تحاول تحجز الطيران والتأشيره عن طريق شركة سياحه ولو ما فيش شركه رضيت، حاول تعرف حد شغال جوه في الشركه يظبطك.

أنا شخصيا في واحد شغال في شركه هو اللي جابلي الفيزا وقال لي إنه كان ممكن يظبطني في الطيران كمان لو كان في وقت بس أنا كان لازم أسافر بسرعه جدا.

عامة حضرتك ممكن تكلمه هو يشرحلك كل حاجه وعلى ماييجي وقت السفر تكون حضرتك عملت دراسه مستفيضه عن البلد والفنادق.

إسمه أمير ورقمه: 01225376561

شكرا

المشاركة الأصلية كتبت بواسطة marsguy

السلام عليكم ورحمة الله وبركاته،،،

شركات السياحه هي اللي بتحجز الطيران الشارتر ما ينفعش حد عادي يحجز؛ عشان ببساطه الطياره الشارتر دي بتكون طياره متأجره لكذا شركة سياحه مع بعض وهم اللي بيبيعوا التذاكر بتاعتها.

حضرتك ممكن تحاول تحجز الطيران والتأشيره عن طريق شركة سياحه ولو ما فيش شركه رضيت، حاول تعرف حد شغال جوه في الشركه يظبطك.

أنا شخصيا في واحد شغال في شركه هو اللي جابلي الفيزا وقال لي إنه كان ممكن يظبطني في الطيران كمان لو كان في وقت بس أنا كان لازم أسافر بسرعه جدا.

عامة حضرتك ممكن تكلمه هو يشرحلك كل حاجه وعلى ماييجي وقت السفر تكون حضرتك عملت دراسه مستفيضه عن البلد والفنادق.

إسمه أمير ورقمه: 01225376561

شكرا

ألف شكر ياباشا هتصل بيه واقولك ايه الاخبار
كتر الف خيرك على الاهتمام بجد