عرض للطباعة
شباب السلام عليكم
نويت أغير مساعدين الياريس الأمامية لأني بدأت أتاكد إنها السبب في رجة العربية...العربية بترج جامد مع أي سرعة وبدلت الكاوتش قدام مكان ورا ومفيش تحسن والمساعد اليمين بيجيب زيت
السبب إن العربية طلعت بالعجلتين قدام فوق الرصيف ومتهيالي طلعت باليمين الأول والمساعد اليمين بيجيب زيت خفيف
إيه ممكن يتأثر غير المساعدين ؟
هل بلي العجلي ممكن يتاثر لاني سامع صوت ونة خفيفة أوي
أبص علي ايه عشان أغيره بالمرة لو فيه مشكلة؟
وهل محتاج ضبط زوايا بعد تغيير المساعدين؟
ابقي اكشف علي الشمعدان بالمره عشان العربيه تتظبط علي الزوايا
ايه الشمعدان ده؟
غيرت مساعدين وبلي عشان كان فيه صوت
الرجة راحت الحمد لله والعربية بقت اعلي مع المطبات مبقتش تتكفي وانا نازل من المطب
سؤال تاني...صوت الونة مع تغيير البلي لسه مراحش..السبب ايه؟
الشمعدان ده اللي هو بيركب فيه العجله اللي هو الطنبوره اللي قدام كلها
بس لو كله تمام يبقي خلاص
الونه الصراحه ماعرفش في انتظار باقي الردود
اكشف على كتير الزيت واتاكد انه سليم واكشف على الردياتير
والشمعدان زبلى العجل ولو العربيه كبالن اكشف على الكوبلن ولو مقصات اكشف على جلب المقصات وجلب الميزان وبيضة الطرف