اسعار الذهب في المحلات الصاغة

السلام عليكم

نزلت امبارح مع الاسرة ميدان الجامع لرغبتهم في اقتناء بعض المشغولات الذهبية بعد انخفاض الاسعار العالمية الي ما قبل سنتين و اكثر من 200 دولار للاوقية
و مع متابعة اسعار الذهب علي مواقع البورصة و الاسعار الحالية لا تزيد عن 225 - 230 جنية لجرام 18
و رغم ذلك المحلات تبيع الجرام بدون مصنعية او دمغة يعني سعر جرام 18 دهب صافي ب 260 - 255 جنية و ضيف عليهم بعد كدة المصنعية
ووصلت لدرجة ان صاحب المحل بيقولي احنا ملناش دعوة ببرصة الدهب العالمية

حد صادف الموضوع دة في الصاغة او بقية جواهرجية مصر

و حسبنا اللة و نعم الوكيل فيك يا فخري
محدثكم من امام احد اوكار الصياغ شريف ابو منغير عافية

فعلا المحلات مالهاش دعوه بسعر البورصه وده بسبب فرق سعر الدولار فى السوق السودا اللى هو 60ج فى ال 100 دولار انما البورصه بتحسب على سعر البنك امبارح سعر ال 21 295 ج فى السوق

طيب ولما نروح نبيع بيحاسبك بنفس الطريقة ولا كلهم مطففين

اقتباس:

---

المشاركة الأصلية كتبت بواسطة د.أبونضال

طيب ولما نروح نبيع بيحاسبك بنفس الطريقة ولا كلهم مطففين

---

نفس السؤال عندي

مفيش حاجه في مصر طبيعيه او بتمشي علي حسب الأسواق العالميه

في الوقت الي الدنيا كلها كانت بتضيع والاسعار في الأرض
مصر كانت الأسعار فيها نار والناس بتشتري برده هههههه

كل المقاييس عندنا في مصر ملهاش دعوة بأي أنظمة او لوائح أو قوانين، مفيش ضابط ولا رابط ومفيش رقابة ومفيش حكومة ومفيش دم.... ربنا يتولانا برحمته

البيع والشراء بنفس السعر ولكن الشراء يضاف عليه المصنوعيه

انا رحت انهارده عشان اشتري الراجل قالي عيار 21 بشتري ب 300 وببيع ب 305 قولتله يعني ايه سعر الجرام 268 قالي انا ماليش دعوه بالفضائيات قولتله هات الأهرام قالي ماليش دعوه الدولار ب 7.55 قولتله مش صحيح الدولار متوفر في البنك عادي قالي هو كده طبعا سيبته ومشيت

اقتباس:

---

المشاركة الأصلية كتبت بواسطة mohammadrashee

انا رحت انهارده عشان اشتري الراجل قالي عيار 21 بشتري ب 300 وببيع ب 305 قولتله يعني ايه سعر الجرام 268 قالي انا ماليش دعوه بالفضائيات قولتله هات الأهرام قالي ماليش دعوه الدولار ب 7.55 قولتله مش صحيح الدولار متوفر في البنك عادي قالي هو كده طبعا سيبته ومشيت

---

الذهب سعره زاد النهاردة و بقى 307 عيار 21 بس لسه فيه مواقع لسه محدثتش السعر

اقتباس:

---

المشاركة الأصلية كتبت بواسطة habd

الذهب سعره زاد النهاردة و بقى 307 عيار 21 بس لسه فيه مواقع لسه محدثتش السعر

---

مش ممكن يزيد 40 جنيه في يوم واحد

عيار 21 = 295 من موقع تجارة

اقتباس:

---

المشاركة الأصلية كتبت بواسطة mohammadrashee

مش ممكن يزيد 40 جنيه في يوم واحد

---

الدهب اصلا منزلش علشان يزيد
هو نزل كام جنية فقط لا غير وبيتحرك فى رينج من 300 الى 310 جنية
اما المواقع الى بتكتب اسعار الدهب انه 260 او 270 جنية فدى ملهاش علاقة بما يحدث على ارض الواقع

زاد ع تلات ايام من 268 لحد 300 307 و يا عالم

وطبعا لو البورصة قالت انه غلي كان زمان نفس التاجر غلى السعر وقالك ياباشا انت مش بتقرا جرايد ولا ايه

اقتباس:

---

المشاركة الأصلية كتبت بواسطة د.أبونضال

طيب ولما نروح نبيع بيحاسبك بنفس الطريقة ولا كلهم مطففين

---

هما فعلا كلهم مطففين ومش هيبعلك ويشتري منك بنفس السعر (مش بنتكلم على الدمغه والمصنعيه دلوقتي) ولكن فيه أكتر من طريقه للتلاعب منها ان يكون عنده ميزانين واحد لما يبيع وواحد لما يشتري ويكون لاعب في الموازين وبكده يبقى لو لقيت تاجر عنده ميزانين خليه يوزنلك على الاتنين سواء بتبيع أو بتشتري.

تاني خدعه هيه أسهم العيار يعني جرام ال 18 تقريبا فيه 750 سهم ذهب ممكن تاخده 745 وهوه هوه سعر ال 750 ومدموغ رسمي عادي ودي حته ميفهمهاش الا التاجر مفيش مشتري بيعرف يقفشها.

كان فيه كذا تريكايه واحد صاحبي شرحهالي في موضوع الدهب ده بس دول اللي فاكرهم ولو افتكرت حاجه تانيه هقولها.

هقولكم على سر عرفت من صاحبى فى الصاغه بالصدفه

طبعا كلنا عارفين إن فى محلات فى الصاغه بتشترى الدهب الكسر

فى برضه ناس بتبيعه وبسعر جرام السوق مضاف عليه الدمغه فقط وبدون مصنعيه

الوفر بيكون فى الشبكه والحاجات الكبيره

آه نسيت ...

هوه أسمه دهب كسر آه بس مش مكسر يعنى

لأ .. ده مستعمل وناس بايعاه كأنه جديد

ييجى التاجر ينقى الموديلات الحديثه منه ويبيعها تانى للناس عادى

والزبون بيروحله وهوه عارف إنه بيوفر

و مازال مسلسل استغلال الناس مستمرا
الفكرة انة هيبيع بسعر و لما ييجي يشتري من الورش بسعر تاني خالص

اقتباس:

---

المشاركة الأصلية كتبت بواسطة eleanor

البيع والشراء بنفس السعر ولكن الشراء يضاف عليه المصنوعيه

---

لا فيه فرق من 5 الى 10 جنيه فى الجرام الواحد بين البيع والشرا ده غير المصناعيه والدمغه طبعا

اقتباس:

---

المشاركة الأصلية كتبت بواسطة Ahmed_Adham

هما فعلا كلهم مطففين ومش هيبعلك ويشتري منك بنفس السعر (مش بنتكلم على الدمغه والمصنعيه دلوقتي) ولكن فيه أكتر من طريقه للتلاعب منها ان يكون عنده ميزانين واحد لما يبيع وواحد لما يشتري ويكون لاعب في الموازين وبكده يبقى لو لقيت تاجر عنده ميزانين خليه يوزنلك على الاتنين سواء بتبيع أو بتشتري.

تاني خدعه هيه أسهم العيار يعني جرام ال 18 تقريبا فيه 750 سهم ذهب ممكن تاخده 745 وهوه هوه سعر ال 750 ومدموغ رسمي عادي ودي حته ميفهمهاش الا التاجر مفيش مشتري بيعرف يقفشها.

كان فيه كذا تريكايه واحد صاحبي شرحهالي في موضوع الدهب ده بس دول اللي فاكرهم ولو افتكرت حاجه تانيه هقولها.

---

يعنى ايه اسهم العيار عايز افهمها دى ؟؟

:U_thin1[1]::U_thin1[1]::U_thin1[1]:

اقتباس:

---

المشاركة الأصلية كتبت بواسطة M.Elgergawy

وطبعا لو البورصة قالت انه غلي كان زمان نفس التاجر غلى السعر وقالك ياباشا انت مش بتقرا جرايد ولا ايه

---

هههههههههههههههههه

فعلا

:ma: