الموضوع: تجربة صيانة الألف لجيلى أميجراند ec 2013 بفرع غبور شرم الشيخ

المشاركة الأصلية كتبت بواسطة jackson_75

ياشباب سلأم الله عليكم ورحمته وبركاته
أحببت أن أقدم لكم تقريرى عن صيانة الألف . أتصلت بالتليفون قبل موعد الصيانة فى فرع هيونداى غبور شرم الشيخ حيث أنه أقرب مكان بالنسبة لى لعمل الصيانة وسألت إذغ كا من الممكن عمل صيانة الأميجراند , تم تحويلى على المهندس طلعت مدير الفرع وأفاد بأنه يمكن عمل الصيانة لديهم فى فرع شرم الشيخ . غادرت مدينة نويبع حيث أسكن فى تمام الساعة السادسة والنصف صباحاً ووصلت شرم الشيخ على الساعة الثامنة والنصف معتقداً بانهم يبدأؤن العمل من الساعة التاسعة ألأ أننى فوجئت بأنهم يبدأؤن من الساعة العاشرة وأضطررت لقضاء ذلك الوقت بالشارع منتظراً
فى الأول لم يكن يريدوا أستلأم السيارة لأنه لأيوجد لها قاعدة بينات على الكمبيوتر , وحينما أوضحت لهم أنى أتصلت مسبقاً وأننى جئت من مكان بعيد أستلمها وبداءوا العمل بها الساعة 11 ونصف وأنتهوا من العمل بها فى تمام الساعة الرابعة والنصف برغم أنه لم يكن هناك سوى 5 أو 6 سيارات على ما أظن

أستقبلنا نائب المدير المهندس جوزيف وفهم المطلوب حيث أننى كنت أشتكى من وجود رعشة جهة المحرك عند تشغيل المكيف بالأضافة لبطء فى التجميع وضعف فى السحب , بالأضافة إلى لمبتين الفوج لأيت اللى مش شغالين
تم أخذ السيارة للتجربة على الطريق , ولقد ذهلت كثيراً وأنا أرى عامل الصيانة يعطى الغيار على أر بى أم 5 و6 لدرجة انه كاد يصل إلى الدائرة الحمرة وبعدين يقولى السحب حلو أهو , أقولتله ياعم دا أنت دبحت العربية , فيرد ويقول طب ما أنت لأزم تشبع الغيار
المهم فضل مش عارف أيه سبب الرعشة وهو فاتح الكبوت أيده عمالة تشد فى سلك الأ بى أس ويشد خراطيم التكيف وأنا بصراحة ما قدرتش أستحمل فقلتله بالراحة ياعم لحسن تقطع حاجة ولأ حاجة تفصل , فرد عليا بنشوفية , باشا لو حاجة باظت أنا متكفل بيها وأنا مش أول مرة أشتغل فى عربيات وحاجات من الكلأم ده , المهم قلت مالوش لأزمة الشد ولأحظت أن الرعشة جاية من عند ماسورة التكيف حيث أنه كان قاعد خلف الدركسيون وعمال يزود وأنا عنية فى الكبوت المفتوح , قلتله عليها. وبعد ما قاس شحن الفريون أكتشف أن العربية كانت واخدة شحنة زيادة عشان كده كانت بترعش , والأن الرعشة دي أختفت .. طب ممكن نشغل الفوج لأيت , قال أنا ماقدرش ألعب فى الكهربا قبل ما أسألهم فى أبو رواش ويردوا عليا بأيميل
طب ممكن نغسل الموتور بفوم , رد المهندس جوزيف وقال عنية التنين وديه هاتبقى حتة من عندى جدعنة لك . المهم أستلمت العربية وببص على الموتور بطينته زى ما هو , رحت للمهندس جوزيف قال , أأزاى دا هما غاسلينه أدامى ( شوف الكدب !!!!), قلته ياباشا دا الحوض كله بترابه , قال لأ أصل أحنا بنغسل الموتور بس , قلتله ياباشا دا الفيبرة البلأستيك اللى على الموتور مجيرة زى ما هية , قال لأ أصل بنغسل الموتور من تحت .. مش عارف أنا أزاى ده نائب مدير وبكدب كدا ,, لأ والأدهى من كده , قلتله أزاى ياباشا العربية تدخل الصيانة من غير ما تحط على الكرسي كيس , فرد وقال أصل الأكياس خلصت من عندنا وهانبعت نجيب .. بصراحة أنا أتنرفزت ورحت لزميله المهندس التانى وقلتله .. أنا مجنون وأنت عاقل وفتحت له الكبوت ووريته الوساخة والتراب اللى على جسم الموتور وقلتله بزمتك ده اتغسل بالفوم , فرد وقال لأ وأحنا أسفين وبعت جاب علبة فيها يعنى أقل من ربعها , حاجة كده تقضية واجب ورش منها رشتين وخلصت .
بصراحة أنا ندمان انى رحتلهم لأنهم مش عارفين أى حاجة فى أى حاجة عن العربية , ده غير الكدب وكمان البرود والبطء الشديد
ديه كانت تجربتى بكل أمانة

طب يا جماعة فين كتيب الضمان , مش عندنا , روح أبورواش !!!!

وعلى فكرة أنا بعد ما طلعت من عندهم أكتشفت أن الفيشة اللى تحت التابلوه والولأعة مش شغالين ولحد الأن مش عارف أشغلهم !!!!!!

برجاء الاتصال بي للمتابعه معك وحل مشاكلك قدر المستطاع
مينا إسكندر 01220225108

بصراحة لو أنا مسئول فى شركة غبور ويحصل دة فعلا فى أحد فروع الشركة سأحول المسئولين فيها فورا للتحقيق ولوثبت فعلا تقصيرهم يكون الرفت نصيبهم لأهمالهم وكذبهم على الوكلاء لأن خدمة مابعد البيع هى أهم دعاية وأعلام لأى منتج كان الله فى عونك عما تحملت .

المشاركة الأصلية كتبت بواسطة bassem.naguib

أهلاً بيك يا أستاذ مينا .. يا ريت منفتقدش وجودك معانا في المنتدى لحل مشاكل الأعضاء والإجابة على استفساراتهم وتذليل العقبات أمامهم .

خاااالص تحياتي .

انت تأمرنا يأستاذ باسم