تجربة قيادة جيلى اميجراند Emegrand EC 2013 من طابا إلى سانت كاثرين مسافة 400 كيلو

السلأم عليكم ورحمة الله وبركاته
التاريخ هو الخميس 18/04/2013
حيث كنت على موعد مع عدد أتنين فرد روسي الجنسية لأصحابهم من فندقهم سوفيتيل بطابا إلى دير سانت كاترين
أستيقظت بتمام الساعة الخامسة صباحاً ووصلت فى الميعاد , بدأءنا التحرك الساعة 6.30 صباحاً , الأتجاه دير سانت كاترين , المسافة ما يقرب من ربعمائة كيلو رايح جاى
السحب أبتدى يتحسن عن الأول , خصوصاً أننى أبتديت أنقل الغيار من عند أر بى أم 3 وحتة كده وممكن من بعد 3ونصف أو على 4 أر بى أم حسب ظروف الطريق والمطالع , حيث أن طريق كاترين مشهور بالمطالع والمنحنيات .
الثبات أكثر من رائع والفرامل كذلك , أستهلأك البنزين كان حوالى 11.4 لتر للكيلو بمتوسط سرعة سير من 120 إلى 140 كيلو بالساعة
تقفيل الكابينة جيد جداً
مستوى الروئية لأبعاد السيارة واضح جداً
عداد الحرارة محترم وما بيزدتش خالص مهماً كانت حالة الطريق وظروف التشغيل
التكيف بعد صيانة الألف مكانش عاجبنى فى الأول وزى مايكونوا خربوه فى الصيانة وماكنش بيدى هوا بارد ولكن بعد كده أشتغل , أزاى ما عرفش ؟!!!
الولأعة بعد الصيانة مش شغالة ولأ الفيشة الداخلية كمان !!!
العربية فى المطالع عاوزة صبر شوية لأنها تقيلة وصعب أنك تشد عليها . بطيئة كتير فى المطالع وزى ما قلت ما ينفعش القرص على الموتور , عشان كده كنت فاصل التكيف فى المطالع لحد ربنا ما ياخد بيدها ويمتعها بالسلأمة , مشيت على سرعة 60 بالمطالع
العربية على الطرق المفرودة جيدة جداً فى التجميع والسحب , ولكن على المطالع عاوزة اللى يزقها ويقف وراها لحسن يغمى عليها على الأرض :0959C9~155:
دى كانت تجربتى , يارب أكون أفدتكم :balloons71:

طيب ودة يرجع لاية
تقل جسم السيارة ولا ضعف الماتور ولا الاتين مع بعض وحلولة اية؟

ده عشان العربيه ثقيله ولازم تعمل حساب ده في المطالع

يعني حضرتك شايف ان المحرك ضعيف علي العربية ؟؟ وياتري التكييف عامل اية قوي ولا ضعيف واية السلبيات الي في العربية

يا جماعة أحنا المطالع عندنا هنا مش زى عندكم عشان أعمل حسابى له قبلها بفترة ,أحنا المطالع عندنا هنا زى صاعدة نويبع وديه مشهورة فى جنوب سينا ء, طولها لوحده 17 كيلو .. أنتوا متخيلين , صاعدة 17 كيلو وحادة فى الصعود , يعنى لأزم محرك جيد .. وأنا بقول هى بتطلع لكن مش هتعرف تاخد من العربية أكتر من اللى هية هاتسمحلك بيه .. يعنى أولاً ما ينفعش تشغل التكيف وهى طالعة والأ يبقى هترقد جنبها .. وثانياُ مش هتنفع السرعة تزيد عن 60 وبردوا فى حتت هتلأقى نفسك لأزم تقرص على الغيار ويوصل معاك ل 4 أر بى أم عشان تفوق وتشد معاك .. أنا أعتقد أن الغيارات لأزم تتنقل بعد 3.5 أر بى أم ,, بس أنا بصراحة مش عاوز أقرص عليها قوى عشان لسه عاملة 1800 كيلو بس .. بالنسبة للتكيف جيد جداً وأحسن من التكيف اليدوى

يا باشا انا كان معى ميكروباص تويوتا و كان معروض علينا تشغيلة فى شرم بسعر كويس ولما سألنا كذا واحد ماحدش نصحنا بسبب المطالع هناك لانها بتخلص على احسن عربية فما بالك بالصينى ربنا يباركلك فيها و بالهداوة عليها و ربنا يحافظ عليك و عليها

السلام عليكم
يعني يا أستاذي - انا بفكر اشتري السيارة دي - بس متخوف من مشكلة ضعف الموتور خصوصا وانى ساكن فالهضبة العاليا بالمقطم - يعنى على الأقل عندى مطلع كل يوم
افيدونا فادكم الله
وجزاكم الله خيراً

عادتا لا أنصح بشراء عربية من أول سنة لها فئ السوق

عشان كل ألعيوب بيتم معالجتها فئ إنتاج تانى و تالت سنة.

ما تستعجلش على الشراء.

تمنها كام ؟؟

الف شكر على التقرير ولى سؤال طيب السيارات الأخرى اللى كنت بتروح بها نفس المشوار قبل كدة كانت أخبارها أية معاك أفضل ولا كان موتورها أقوى واية الفرق وكمان حضرتك فى تقرير ال750 ك م كتبت أن غطاء تنك البنزين ضعيف وفعلا أنكسر وانا مافهمت أى غطاء الصاج الخارجى أم غطاء التنك نفسة البلاستيك المدور دة ياريت ترد على والف شكر

أة ونسيت أسأل حضرتك كمان عن المرايا الداخلية حضرتك اللى لزقتها لما وقعت ولا التوكيل عملها لك فى صيانة ال 1000 كم وأنا أنشاء الله هستلم سيارتى فى أخر يونية وياريت لو ممكن تعرفنى لو عندى سؤال ياترى ممكن رقم موبيل حضرتك؟ أو أرسل لك أزاى والف شكر مرة أخرى وبارك الله فيك لأن تقاريرك بتفيدنا جدااااااااااااااااااا بس بجد وللأنصاف العربية دى شكلا تحفة وواسعة وعالية عن الأرض وأمكانياتها خطيرة والأجهزة اللى فيها من شركة بوش الألمانية وكذلك الريموت مثل ريموت الباسات لأنى معى باسات وهو نفس الريموت وأختبارات السلامة فعلا صحيحة 100% لأنى شفتها فى تقرير نادى السيارات الدولى بأوروبا يعنى ربنا يسهل ويمكن يكون فى حل لموضوع صعود المرتفعات دى .

اقتباس:

---

المشاركة الأصلية كتبت بواسطة gamal saad

أة ونسيت أسأل حضرتك كمان عن المرايا الداخلية حضرتك اللى لزقتها لما وقعت ولا التوكيل عملها لك فى صيانة ال 1000 كم وأنا إن شاء الله هستلم سيارتى فى أخر يونية وياريت لو ممكن تعرفنى لو عندى سؤال ياترى ممكن رقم موبيل حضرتك؟ أو أرسل لك أزاى والف شكر مرة أخرى وبارك الله فيك لأن تقاريرك بتفيدنا جدااااااااااااااااااا بس بجد وللأنصاف العربية دى شكلا تحفة وواسعة وعالية عن الأرض وأمكانياتها خطيرة والأجهزة اللى فيها من شركة بوش الألمانية وكذلك الريموت مثل ريموت الباسات لأنى معى باسات وهو نفس الريموت وأختبارات السلامة فعلا صحيحة 100% لأنى شفتها فى تقرير نادى السيارات الدولى بأوروبا يعنى ربنا يسهل ويمكن يكون فى حل لموضوع صعود المرتفعات دى .

---

أهلاً وسهلاً بحضرتك وبكل الاعضاء الأفاضل المشاهدين والمشاركين معنا بالموضوع وأن شاء الله تستلم على خير , بالنسبة للمرايا الداخلية تم لزقها بسيلكون أسود بالتوكيل ,,, العربية ماشاء الله لأ كلأم عليها فى التصميم الخارجى والثبات على الطريق وكل شىء جميل من ناحية نظم الأمان , حاجة كدة زى العربيات الغالية فى كل شىء .. ولكن ما يؤخذ عليها هو ضعفها الشديد فى المطالع فهذه هى النقطة السودا لها وكذلك الكراسى ناشفة شويتين فى قعدتها ,, أنا رقم تليفونى 01005488040 وأنا تحت امر حضرتك وأى حد من الخوة العضاء عنده أى أستفسار بخصوص السيارة ,, وأن شاء الله مع كل جديد سوافيكم بمزيد من التقارير , تقبل تحياتى

الموتور مش ضعيف 1500 و 107 حصان بس العربيه لسه في التليين لكن بعد 2000 بتبقي زي الفل.

متنتظرش أحسن أداء لموتور العربية إلا بعد 5000 كيلو .. وأنصح حضرتك أنك تبدأ تفتح في الموتور بالنقل على أر بي أم عالي شوية .. وبعد كدة ربنا يسهل إن شاء الله .

كنت عاوز أطلب منك طلب .. وهو تحط 5 لتر بنزين 95 وتكمل باقي التفويلة ببنزين 92 .. ويا ريت تنقل لينا تجربتك وأداء الموتور حيكون عامل أزاي .. خاااالص تحياتي .

اقتباس:

---

المشاركة الأصلية كتبت بواسطة jackson_75

السلأم عليكم ورحمة الله وبركاته
التاريخ هو الخميس 18/04/2013
حيث كنت على موعد مع عدد أتنين فرد روسي الجنسية :balloons71:

---

اثنين فرد روسي
قضيه احراز سلاح علي طول
مبروك الايمجراند
عايز اعلق علي نقطه المطالع بتاعت طابا وسانت كاترين
اولا جيشي كان في سانت كاترين
من وادي فيران حتي كاترين
اجدع عربيه فيكي يامصر لازم تخسع في المطالع دي
الموضوع مالوش علاقه بقوه الموتور
مفيش حد هايقدر يحكم علي المطالع دي الا اللي جربها
ونفس الكلام علي مطالع طابا وانت ماشي منها
انا روحت طابا قبل كده بس بعربيتي ال 25
عايز اقولك ان العريه كان اخرها الغيار التاني
وبعد كده العربيه ترجع بضهرها
المطالع دي ما ينفعش معاها غير عربيه دفع خلفي

اقتباس:

---

المشاركة الأصلية كتبت بواسطة hugan

عايز اقولك ان العرييه كان اخرها الغيار التاني
وبعد كده العربيه ترجع بضهرها
المطالع دي ما ينفعش معاها غير عربيه دفع خلفي

---

ههههههههههههههههه ترجع بظهرها لية هية المطالع دي جبل ولا اية

اقتباس:

---

المشاركة الأصلية كتبت بواسطة bassem.naguib

متنتظرش أحسن أداء لموتور العربية إلا بعد 5000 كيلو .. وأنصح حضرتك أنك تبدأ تفتح في الموتور بالنقل على أر بي أم عالي شوية .. وبعد كدة ربنا يسهل إن شاء الله .

---

انا اسمع ان عشان تجيب اعلي اداء للمحرك لازم تفتحة بالنقل علي ار بي ام عالي بس الكلام دة بعد ما تمشي العربية كام كيلو و حضرتك تنصح بالنقل علي ار بي ام كام

يفضل بعد أول 1000كم تبدأ عملية تفتيح الموتور بالنقل على أر بي أم 4 و 5 (بافتراض أن الريد زون على 6) .. وكذلك عدم المشي على سرعة واحدة فترة طويلة والتنوع في نقل الغيار على أر بي أم مختلف .. وبعد 5000 كم يتم النقل على الأر بي أم العادي 2.5 أو 3 للحفاظ على استهلاك البنزين .

هي الأوتوماتيك ما نزلتش لسه يا شباب ولا ايه ؟؟
لأن فيه صديق ليا عاوز يشتري العربية دي وانا بقترح عليه انه يجيبها اوتوماتيك عشان الموتور هيبقى اقوى 1800 سي سي .. وطبعا مش محتاج اسألكم عن رأيكم في العربية .. الكلام واضح من التقارير ومن تعليقاتكم

أشكر كل اللى شاكر بالرد والتعليق .. اليوم لحسن الحظ كنت فى سانت كاثرين تانى , وكان معايا 3 أفراد بالسيارة وأنا نبقى أربعة ,, هذه المرة قمت بالقرص على الموتور وكنت بنقل على غيار 4 أر بى أم , بس صوت الموتور بيبقى عالى ومسموع ده لو فى حالة أنت قافل الكاسيت ومركز مع الموتور وبصارحة بيزعق جامد مع التكيف على أر بى أم 4 ,, عشان كده شغلت الكاسيت وكنت بتكلم مع الناس اللى معايا وبطلت انى أركز مع الموتور ,, وعلى فكرة بيبقى أحلى أداء وأجمل عزم للموتور على أر بى أم 4 وحتة كده , بتلأقيه طلقة والعربية تحس انها فايقة جداً وشديدة معاك .. خبرتى الأن أتحسنت كتير مع العربية عن الأول , أصبحت فاهم هى عايزة أيه , العربية دى حرام تديها غيار أو نقلأت من 2.5 أر بى أم .. هو أحنا هانلعب ولأ هنفتيلها بسكويت فى الشاى .. بصراحة أنا فى رائى الشخصى أقل غيار ممكن تنقل عليه 3.5 , ليه بقى , لأنك بعد ما بتدى الغيار من 3.5 بتلأقيه بيرجع معاك ل 2.5 أر بى أم ,, وساعتها بتحس أن روح العربية وعزمها راح منك وتفضل تدوس لحد ما تجمع تانى ,, عشان كده لو نقلت على أر بى أم 4 هتلأقى الار بى أم رجع معاك ل 3 ,, هنا بقى هاتفرق وهاتحس أنها لسة محافظة على عزمها وقوتها وساعتها هاتستمتع بيها ,أنا مش فارقة معايا دلوقتى موضوع عمر الموتور وأستهلأك البنزين , أنا عاوز أستمتع بالعربية وأعيش حياتى معاها , بكرة بقى أيه اللى هيتم ده مش بتاعى ,, انا عاوز أعيش وأستمتع بالعربية ,,العربية بسم الله ماشاء الله شكلها تحفة وتفتح النفس ولأزم تكون قدها وماتخلهاش تنغص عليك حياتك بموضوع العزم , صدقونى أحلى عزم للعربية دى والنقلأت لأزم تبقى من بعد 3.5 أر بى أم ,, ويفضل ,, يفضل ,, يفضل من 4 أر بى أم فى الطرق الصاعدة والمتفاوتة فى الأرتفاعات وعلى الطرق الطوالى ,, ساعتها هاتستمتع بالعربية ,, وهاتدعولى والله , أرجو أن أكون قد أستطعت توضيح الفكرة وتوصيل المعنى من كلأمى

اقتباس:

---

المشاركة الأصلية كتبت بواسطة bassem.naguib

متنتظرش أحسن أداء لموتور العربية إلا بعد 5000 كيلو .. وأنصح حضرتك أنك تبدأ تفتح في الموتور بالنقل على أر بي أم عالي شوية .. وبعد كدة ربنا يسهل إن شاء الله .

كنت عاوز أطلب منك طلب .. وهو تحط 5 لتر بنزين 95 وتكمل باقي التفويلة ببنزين 92 .. ويا ريت تنقل لينا تجربتك وأداء الموتور حيكون عامل أزاي .. خاااالص تحياتي .

---

أشكرك أستاذ باسم على الرد , بالنسبة لموضوع تفتيح الموتور أنا بالفعل بداءت أعمل كده وأنا وضحت الكلأم ده فى المشاركة اللى قبل ديه ,, أما بقى بالنسبة لموضوع بنزين 95 ,, والله أنا مش معترض وكنت اتمنى , بس للأسف هنا فى نويبع وطابا نحمد ربنا أننا بنشوف بنزين 92 وأكتر من كده يبقى أفترى و ما نحلمش وما ننتظرش , لأنها مناطق نائية ومحدش بيستخدم بنزين 95 , عشان كده ماتجدهوش خالص فى محطات البنزين:crying2: