الموضوع: تجربتي مع الكارينز وشقاوتها

طبعاً الكارينز عربية عائلية من الدرجة الاولى خصوصاً على فئتها السعرية صفقة رابحة لكل من يعشق السفر الطويل مع العائلة

المشاركة الأصلية كتبت بواسطة Land_Cruiser

هي الكارينز من انجح السيارات العائليه في رينج السعر بتاعها و صفقه رابحه و ان كان عيبها تقل وزن العربيه علي الموتور و كانت محتاجه تبقي ٢٠٠٠ سي سي لكن طبعا ما كنتش هتتباع و لذلك بينزلوها ١٦٠٠ سي سي فقط و ١٢٤ حصان إنما أخدوا بالهم في الشكل الجديد اللي هينزل ١٤٠ حصان فاعتقد ده هيحسن موضوع السحب و صوت الموتور العالي. بالنسبه لحكايه الشد مع ال X3 دي لو مكنش الراجل اللي كان بيشد مع حضرتك ده بيهزر يبقي ما بيعرفش يسوق. طبعا مفيش مقارنه بين الاتنين لا من ناحيه الامكانيات و لا كمان من ناحيه السعر

شد مع X3 مين جاب سيره الشد في الموضوع ؟ عايز تقارن متقوليش البي ام مع كارينز دي عربية عائلية ودي عربية Cross Over يبقى ازاي مقارنة وشد ؟

الراجل كل اللي شافه بس عجبته العربية على ان ازاي معاه X3 عربية سعرها يفك اسطول كارينز يعني عربية بنص مليون جنية مبلغ مش قليل وهو شايف ان الكارينز عربية ممتازه على سعرها

هو ده اللي الراجل صاحب الـX3 شافه والكلام واضح في اول مشاركة

كان في واحد معايا على الطريق راكب بي أم أكس 3 وكنا بنشد مع بعض ، الراجل جينا عند البوابات هنا في القاهرة بيقولي العربية دي عاملة كام فلوس ، وعجبه الأداء بتاعها ، بيقولي انا عيني عليها في الطريق وعجبني انها ماسكة في الأرض ، وشدها كويس ، بس لفت نظره انها صوتها بيعلى جامد في الكيك دون ، ولما عرف انها 124 حصان على 1600 ماكنش مصدق ، بس قالي انها فعلاً الهورس بتاعها عالي عشان تشد مع بي ام اكس 3 فده كويس .


حضرتك اللي قلت إنكم شديته مع بعض , دي واحد

إتنين بقى

انا جاي طول الطريق على سرعة حد ادني 140 وحد اقصي 180
انا فولت من على كورنيش اسكندرية من قبل مكتبة أسكندرية ، فولت التنك زور ، وصلت هنا للرماية ، المؤشر يدوب نزل حتة صغيرة ، عن اول شرطة

يعني على كده حضرتك عامل حوالي 200 كم بـأقل من 10 لتر ؟؟!!!!!!!!
يعني 5 لتر لكل 100 كم بسرعة بين 140-180

لا تعليق

المشاركة الأصلية كتبت بواسطة houseiny

يا باشا أكيد طبعاً الراجل ماكنش جايب اخر سرعة في عربتيه ، وانا يا عيني يا حرام ممرطة على الطريق ومش عارف يسد قصادي ، الراجل اكيد مش عاوز يزود في سرعته عشان كمان كان معاه ناس كتير في العربية وأكيد مش عاوز يزود في سرعته حرصا على سلامتهم مش ضعف من عربيته ، مش معنى كلامي ان الكارينز افظع عربية في الكوكب وانها تفوقت على البي أم ، انا مضمون كلامي انها عربية كويسة وأكيد مافيش وجه مقارنة بينها وبين الأكس ثري بأي حال من الأحوال ، لا جودة ولا سعر ولا قوة ولا عوامل أمان دي فئة ودي فئة ، بس الراجل عجبه بس انها ماشية معاه طول الطريق وموقعتش معاه عالطريق ، وممكن يكون هيجيبها عربية تانية في بيته ، مش معنى كلامي انه لما شاف الكارينز مبقاش طايق يبص في وش الأكس ثري وهيموت ويجيب الكارنز ، خالص يا باشا ، انا الغرض من الموضوع هو تجربة لقوة كارنز ، اللي أكيد أكيد في عربيات أحسن منها بكتير ، وتقبل تحياتي

هو يا فندم لو حضرتك ركزت في تعليقي السابق هتلاحظ ان اللي حضرتك كاتبه ده هو نفس المعني اللي انا كنت كاتبه في تعليقي و لكن انا لم أضيف اي نوع من السخريه او ربما المبالغه زي اللي حضرتك كاتبها المره دي و التعليق موجود عند حضرتك حتي كمان حكايه فرق السعر قصاد الامكانيات دي انا كمان ذكرتها و اتكلمت عن مزايا العربيه و عيبها بطريقه محايده. جايز تكون هناك بعض الردود اللي تحمل طابع السخريه من المبالغه في الموضوع لكن ردي مكنش منها لأن ده مش أسلوبي ابدا و تقبل احترامي

المشاركة الأصلية كتبت بواسطة houseiny

النهاردة انا كنت جاي من اسكندرية بعد الجمعة
وكنت اول مرة اجري بالكارينز
انا جاي طول الطريق على سرعة حد ادني 140 وحد اقصي 180
انا جيت في ساعة و40 دقيقة من اسكندرية للرماية واللي عطلني بس التحويلات اللي في الطريق
بس العربية ثبات ما شاء الله وكأني ماشي على سرعة 90
ولا حاسس بالطريق ولا السرعة وبفضل الله استهلاك بنزين كنت خايف منه ، انا فولت من على كورنيش اسكندرية من قبل مكتبة أسكندرية ، فولت التنك زور ، وصلت هنا للرماية ، المؤشر يدوب نزل حتة صغيرة ، عن اول شرطة ، العيب الوحيد اللي قابلني في التجربة دي ، وانا على سرعة 180 في شوية هوا شداد جم من الجنب هزوني سنة صغيرة ، بس ده حصل مرة واحدة بس ، وبقية الطريق زي الفل الحمد لله ، انا بقول بس الكلام ده للناس اللي بتقول على الكوري انه وحش ومش ثابت وفرامله تعبانة ، انا كنت اما باجي عند اي مطب كانت بتهدي معايا في ثواني وتنزل من 180 ل 60 في وقت قصير جداً.
كان في واحد معايا على الطريق راكب بي أم أكس 3 وكنا بنشد مع بعض ، الراجل جينا عند البوابات هنا في القاهرة بيقولي العربية دي عاملة كام فلوس ، وعجبه الأداء بتاعها ، بيقولي انا عيني عليها في الطريق وعجبني انها ماسكة في الأرض ، وشدها كويس ، بس لفت نظره انها صوتها بيعلى جامد في الكيك دون ، ولما عرف انها 124 حصان على 1600 ماكنش مصدق ، بس قالي انها فعلاً الهورس بتاعها عالي عشان تشد مع بي ام اكس 3 فده كويس .

المشاركة الأصلية كتبت بواسطة 2CODE

طبعاً الكارينز عربية عائلية من الدرجة الاولى خصوصاً على فئتها السعرية صفقة رابحة لكل من يعشق السفر الطويل مع العائلة


شد مع X3 مين جاب سيره الشد في الموضوع ؟ عايز تقارن متقوليش البي ام مع كارينز دي عربية عائلية ودي عربية Cross Over يبقى ازاي مقارنة وشد ؟

الراجل كل اللي شافه بس عجبته العربية على ان ازاي معاه X3 عربية سعرها يفك اسطول كارينز يعني عربية بنص مليون جنية مبلغ مش قليل وهو شايف ان الكارينز عربية ممتازه على سعرها

هو ده اللي الراجل صاحب الـX3 شافه والكلام واضح في اول مشاركة

[COLOR="Blue"]سبحان الله !!!! اللي جاب سيره الشد في الموضوع هو صاحب الموضوع نفسه "[كان في واحد معايا على الطريق راكب بي أم أكس 3 وكنا بنشد مع بعض" و المشاركه عند حضرتك مع الرد و في اول الموضوع حاول تقرأها و بالمره تقرأ الرد بتاعي كان ايه. في الحقيقه رد حضرتك بالاضافه الي رد صاحب الموضوع خلاني أعيد قراءه تعليقي عده مرات يمكن يكون الكلام مش واضح او حطيت مشاركه في موضوع خاطيء بس اللي انا شايفه ان اللي كتبته مش سخريه و لا افترا و لكن تقييمي المتواضع للسياره من خلال استخدامها احيانا مش اكتر و لا اقل /COLOR]