يا اخى اتقى الله فالتقل خيرا او لتصمت.
عرض للطباعة
هههههههههههه كل الجماعه اللي اتريقوا اكيد متجوزين ... ياجدع انت وهو جاوبوا على اد السؤال
فيه النظام دا ولا مفيش ؟؟؟ انا بقول سمعت وحبيت اتأكد وبعدين بتحسسوني اني بطلب حاجه حرام
انا عايز اوصل للعائلات السوريه بس والباقي انا هتصرف فيه وعلى استعداد اجيب ليها مهر وشبكه والعقود هتكون موثقه فين الحرام هنا بقى ؟؟
وعلشان اريحكم خالص لو كان حصل العكس واحنا اللي هربنا سوريا واتقدم لاختي او لبنتي لو انا مسن اي شاب سوري وعنده اخلاق كنت هوافق ايه المشكله في كده طالما هيسترها
ولو عندك طريقه تانيه ياخويا انت وهو قولوا عليها بدل التريقه الفاضيه دي
ما هو اصل ما ينفعش اسافر اكتوبر وعلى طول اول ما اقابل واحد سوري اقوله ما عندكش عروسه وهو ما يعرفنيش لازما الموضوع يبقى بالتدريخ وفيه 1..2..3 وهو دا اللي انا قصدي عليه في اول الموضوع
السوريات دول بشر زينا علفكرة و مما مش ازازة حاجة ساقعة عشان يجيبها ب ١٠٠ ولا ٢٠٠ جنيه و مش بيشحتوا ولا بيباتو في الشارع ! بالعكس دول ناس محترمين و طيبين جدا ياريت الكلام عنهم يبقا احسن من كده
ليه الناس بتتريق هو عايز يتجوز سورية و الراجل هايدفع مهر و شبكة و زيها زى المصرية و ال 100 و لا 200 ج ده مش تمن العروسة دا زى الخاطبة بتاع زمان ربنا يكرمك بالزوجة الصالحة ان شاء الله
يا جماعة.. أعتقد الراجل يقصد أن السمسار هو إللي بياخد 100 أو 200 جنيه مقابل التعارف على الأخت السورية إللي هتتزوج... مثله مثل الخاطبة بالضبط...
أخي الكريم صاحب الموضوع لو أنت قصدك كده.. فده مافيهوش مشاكل....
بس راعي ربنا أن يكون الزواج على سنة الله ورسوله الكريم صلى الله عليه وسلم وليس بغرض المتعة وتركها بعد فترة قصيرة... ولاحظ ما أحل بهم من جراء الطغيان في بلادهم... فيجب أن توفر لها حياة كريمة وأن تمتعها حتى تنسى ما أحل بهم
+11111111111111
هههههههه تصدقوا نبهتوني لحاجه يادوبي واخد بالي منها
انا كنت فاكر ان الناس بتتريق على السمسار نفسه اكمنهم بيتريقوا على حاجه تانيه خالص فاكريني عايز اشتري واحده سوريه ب 100 جنيه ياااادي النيله ربنا يسامحكم
انا قصدي هدفع للسمسار اللي هيجيبلي العروسه مش العروسه نفسها
اما بالنسبه للعروسه انا في دماغي اجراءات تانيه هعملها ترضيها وترضيني ان شاء الله
وياجماعه لو مفيش سماسره انا ممكن ادي لاي عضو ساكن في اكتوبر حلاااااوة كبيره
لو جابلي عروسه سوريه
في انتظار ردودكم
ياجماعه ال 100 جنيه او ال 200 جنيه دي للسمسار اللي هيجيب العروسه مش العروسه نفسها
زي نظام الخاطبه كده زي ما قال بعض الاعضاء انما العروسه هتجوزها جواز شرعي وموثق وان شاء الله هكرمها واجيب ليها اللي هي عايزاه وكل شيء هيبقى برضاها ..
يارب تكونوا فهمتوني وان بعض الظن اثم
ياعم السورية زي المصرية كلهم زي بعض.. ان كيدهن عظيم وبكرا تندم ياجميل هههههههههههه