الموضوع: حدموافقنى ان ال 600 rr احسن من ال 900 وال 919

انا كمان افضل cbr 600 من موديل 2004 وطالع علشان فيه abs وده يخليك متطمن وانت راكبه شويه
وكمان السحب بتاعه هايل لدرجه انه بيسبق اى عربيه حتى لو بى ام وفى فيديو هبقى اجيبهولكم ليه وسرعته القصوى 266 وهى سرعه مرضيه للغايه مش رايحين نموت نفسنا احنا انا بصراحه نفسى اجيب واحد بس مش عارف اجيبه مستعمل منين وهيبقى عامل كام لو مستعمل (ارجو اذا كان في خطأ في كلامى التصحيح من الاعضاء وشكرا)

دة غير شكلة الانيق وصوتة الجامد وعلى فكرة هوا اغلى من ال 919بحاجة بسيطة يعنى 35 او 37 ودة غير انو انجكشن

انت جبت اللى كان جوايا كله فى الموضوع ده يا ساسا .. والله انا قولت كده بالضبط نفس كلامك
يعنى يا تركب 954 وكمان تعمل تعديل يكون الشكمان تحت الكرسى يا اما تركب 1000 بس مش اقل من 55 ألف عشان تقول انا فعلا راكب هوندا cbr 1000rr ومتكونش حاطط وشك فى الأرض .. يعنى من الاخر تركب 600 rr وتحط صباعك فـ عين التخين ... انا موافقك جدا ونفسى اركب البايك الشدشد ده

يا باشا تحت امرك الفكرة كولها ان ال 900 919 929 مش مقبولين من نحيت الشكل خالصصصصصصص يمكن ال 929 افضل بشوية فى الشكل لاكن كلهم صوتهم كدة غريب احلى حاجة فيهم انهم يتقلبوا تعديل استريت فايتر حتى لو تلاحظ اغلبية الاستريت فايترز 900 حلاوة ال 600 rr بقا الشكمان الى تحت الكرسى والكمبيوتر الى هوا هوا ال 1000 البودى بتعها هوا هوا ال 1000 دنا سمعت كمان ان ممكن ستيستم الشكمان ممكن الى بيركب على ال 1000 يركب عليها من الاخر المكنة ديت هيا هيا ال 1000 حتا فى نعرة الموتور بتعها بس الفرق ان البستم الواحد فيها 150 سى سى وى ال 1000 250 واى حد عايز استفسار عنها انا تحت امرو وعلى فكرة التوب اسبيد 288 اظن انها مرضية جدن جدن جدن جدن

المشاركة الأصلية كتبت بواسطة SaSa.FireBlade

يا باشا تحت امرك الفكرة كولها ان ال 900 919 929 مش مقبولين من نحيت الشكل خالصصصصصصص يمكن ال 929 افضل بشوية فى الشكل لاكن كلهم صوتهم كدة غريب احلى حاجة فيهم انهم يتقلبوا تعديل استريت فايتر حتى لو تلاحظ اغلبية الاستريت فايترز 900 حلاوة ال 600 rr بقا الشكمان الى تحت الكرسى والكمبيوتر الى هوا هوا ال 1000 البودى بتعها هوا هوا ال 1000 دنا سمعت كمان ان ممكن ستيستم الشكمان ممكن الى بيركب على ال 1000 يركب عليها من الاخر المكنة ديت هيا هيا ال 1000 حتا فى نعرة الموتور بتعها بس الفرق ان البستم الواحد فيها 150 سى سى وى ال 1000 250 واى حد عايز استفسار عنها انا تحت امرو وعلى فكرة التوب اسبيد 288 اظن انها مرضية جدن جدن جدن جدن

تبقى جامده أخر حاجه لو اتعلعب فى الموتور بتعها واتكبر واتغير فيه قطع غيار منا بتاعة الـ1000 والله أعلم عشان مكونش بفتى .. بس اللى يعمل حاجه زى كده لازم يكون تحت ايدو ورشة خراطه على حق .. ويكون فنان أوى بحيث يكبر البساتم وعيش وسيبنى أعيش ..
بقولك ايه .. كلمه زياده عن البايك ده انا هنزل أعمل جريمه وأسرق سريقه وأجيبو
متجننيش هههههههههههههه أساسى بهزر .. ربنا يستر طريقنا جميعاً ♥

طبعا مافيش أي وجه مقارنة بين فئة ال600 و فئة السوبربايك 900 و 1000

فئة ال600 بتكون أقل في الوزن و أقل في القوة و لكن قد تكون أجمل في التحكم و أسهل في الملفات و يمكن السيطرة عليها نوعا ما عن الفئات الكبيرة

عموما فئة ال600 دي مرحلة بعد ال400 و ال250 يعني قوة أكثر و تحتاج بعض الخبرة عن الفئة الأولي (أقل من 400)
أما فئة السوبر بايك أكيد تحتاج خبرة أكثر و قدرة علي التعامل مع هذه القوة الرهيبة و أكيد تحتاج الكثير من العقل و الحكمة و الا يبقي أنتحار

بس أنا شايف أن فعلا شكل ال600 الجديد متميز و رائع بالرغم من تحفظي علي الشكمان أللي تحت الكرسي و بالذات في الصيف بيبقي مشكلة في الحرارة

بس خد بالك أن المواتير الأنجيكشن مش سهلة في صيانتها زي الكربيراتير
هي أقتصادية أكتر و مشاكلها أقل بس لو حدثت مشكلة بتكون مش سهلة في علاجها و عادة بتكون الحساسات بتاعتها غالية موت
و برضه خلينا نقول أن شوارعنا مش مستحملة أي سرعات و فرق القوة بين الفئتين لن تستغله الا نادرا جدا و طبعا ال600 موديلات أعلي يعني حالة أفضل و تكنولوجيا أعلي و بنفس فئة السعر تقريبا أعتقد أنها أختيار شراء أفضل لو أنت مش متعود علي السوبربايك