تصحيح للخطأ الكيبوردي :))
* معلش لو بتقل على معاليك .....
عرض للطباعة
شوف يا فندم ....
رسوم الترخيص بتقل كل سنة , يعني عربية حضرتك موديل 2006 واحنا الان 2013 يعني بقالها 7 سنين , لو افترضنا ان نقل الملكية لعربية حضرتك موديل 2013 1500 جنيه , يبقى موديل 2012 حتكون 1400 جنيه مثلا , وموديل 2011 تبقى 1300 جنيه مثلا ........ وهكذا .
يبقى لو دي مفيهاش مشكلة بالنسبة لحضرتك استنى للسنة الجايه حيبقى رسوم التسجيل اقل شوية من رسوم التسجيل السنة دي .
الرسوم المطلوبة من حضرتك ما اعرفهاش مع الاسف ولكن عموماً هي اقل من الحالة السابقة لفارق الموديل
وأتمنى من الاعضاء اللي مروا بتجربة حديثة يذكروا لنا قيمتها !!!
بالنسبة لإجراءات نقل الملكية على ما أذكر
1- تسجل العربية لنفسك .
2- تجيب شهادة مخالفات من المرور الحالي للعربية وتبقى مختومة بختم النسر .
3- حتاخد بصمة في الفحص بتاع مرورك الحالي .
4- تتوجه إلى المرور اللي انت حتنقل ليه وتعمل إجراءات نقل الملكية
5- حتقدم عقد البيع اللي انت سجلته لنفسك مع الاوراق اللي قولنا عليها وتعمل فحص في المرور اللي انت حتنقل ليه .
6- حتعمل إجراءات ترخيص عادية .
والله تعالى أعلى وأعلم ......
تحياتي
والله أنا بكرر الشكر ليك, وأحب أضيف إضافة من زميل للتو عامل رخصة وكانت رخصته لسه منتهية
هو نصحني عشان اسافر الاسماعلية مره احدة (لضيق وقتي) اني أروح الفحص الأول على وضعي الحالي هايطلب مطابقة ...
أروح الاسماعلية أجيب شهادتين بيانات مره واحدة وشهادة المخالفات وبعد كده اكمل عندنا على راحتي
أنا طبعا مش عارف الكلام ده صحيح ولا إيه ولكن هو قال إنه عمل كده
تمام كده , كلامه صح ....
ويسلام لو تروح حضرتك للمرور بتاعك تسأل هناك !!!
عشان حضرتك عارف المصالح الحكومية دي دماغ شوية !!!
بعض الادارات بتسهل وبعضها بتعقد !!!
عندنا في طنطا مرور يعقد اللي متعقدش !!!
بس تاخد منهم ورق ألماظ .......
بالتوفيق إن شاء الله
تحياتي
انا عاجز عن الشكر سيدي الفاضل لاهتمامك و سرعة ردك و ربنا يبشرك بالخير
و يطمنك زي ما طمنتني .... بس عندي سؤال لولبي بعيد عن التراخيص شوية :))
ازاي معاليك اثبت فاميه لايت على الرخصة للزجاج الخلفي و الجانبيين ؟؟ هل يستدعي
يكون معايا ظابط معرفة ولا هو حاجة شرعية معترفين بيها ؟؟ و لو معترفين بيها
يتكلف رسوم كاااااام ؟؟؟
و بكرر شكري لحضرتك لتعبك معايا :))