اشتريت عربيه مستعمله لانسر وفوجئت وانا بغسلها بشيل البلاستيك نحيه الكراسى لقيت لحام باين رحت لواحد سمكرى قالى العربيه دى مغيرة قايم نحيه السواق قولولى دة يعيب العربيه ولا يتعمل فيها ايه انا مصدوم وحزين جدا :_Alshmokh11::_Alshmokh11::_Alshmokh11:
عرض للطباعة
اشتريت عربيه مستعمله لانسر وفوجئت وانا بغسلها بشيل البلاستيك نحيه الكراسى لقيت لحام باين رحت لواحد سمكرى قالى العربيه دى مغيرة قايم نحيه السواق قولولى دة يعيب العربيه ولا يتعمل فيها ايه انا مصدوم وحزين جدا :_Alshmokh11::_Alshmokh11::_Alshmokh11:
لا حول ولا قوة الا بالله
طبعا يعيب العربية بس ازاى انت مخدتش بالك من حاجة زى كده طالما اللى عاملها عملها بغشامة وباينة!!!!!
لا حول و لا قوه إلا بالله. لو لسه مشتريها حاول ترجع للبائع أهي تبقي محاوله
ربنا يكون في عونك
طبعا يعيب العربية
اولا لا تتصدم ولا تفكر في الامر طالما حصل
وقدر الله وما شاء فعل بس هو درس تتعلم منه لما تشتري اي شي تتاكد منه بالفحص الجيد يعني الي خلاك تشيل البلاستك في المغسله كنت شيلته وانت بتشتري وتفحص كل شي في العربيه
وكمان الي لحم العربيه واضح انه صنايعي سي لانها باينه في عربيات للاسف مع صنايعة ممكن تكون مغيرة نصف ولا باين اي شي وده بيرجع بقا لضمير الي بيبع .
بس تاكد من شي واحد ان الي بعلك بالعيب ده ربنا مش هيسيبه لانه غشك واكيد هيضحك عليه او هيضر مثل ضررك
واخيرا ارضي بما قسما لك الله به وقول الحمد لله (عسي ان تكرهوا شي وهو خيرا لكم)
اولا : للاسف يعيب العربية .
ثانيا : ربنا يعوض عليك وينتقم من كل غشاش
هو طبعا يعيبها بس قولي هو موديل العربية كام؟ لو قبل 2005 روقها واركبها واستفيد بيها وكبر دماغك المهم ان الشكل يكون كويس وخلاص
لا حول ولا قوة الا بالله الغش بقه للركب
الحمد لله على كل شئ وشكرا لردودكم المحترمه زيكم هى العربيه موديل 2007 1600 اوتوماتيك
بص هاحكيلك على حاجة وسيبك من موضوع رشه دواخل وخوارج
انا لما فكرت اجيب عربية كنت لسه متعلمتش سواقة وكالعادة دورت على 128 وقعدنا ندور انا وزوج اختى على عربية فابريكة ، وتمام والحمدلله ربنا رزقنا بواحدة ،
زوج اختى خد العربية وعمل بيها حادثة على الدائرى دخل فى الخرسانة اللى فى النص ، والعربية لما رحت شفتها كان الجزء الامامى مكرونة معكوكة ،
عشان تعرف الحادثة كانت ازاى العربية 128 اتكلفت 11000 جنيه ، يعنى تمن عربية ، ولكن الحمدلله العربية دلوقتى ماشية كويس بعد اما اتعملت
ولذلك فان موضوع دواخل وخوارج ده عرفت انه ملوش لازمة طالما العربية اتصلحت كويس
ويا رب يكون العيب اللى عندك متصلح كويس
الكبلم اللي حضرتك بتقوله ده في عربية 128 .. يعني لو هي سليمة مثلا ب 13 ألف .. تبقى و هي مخبوطه مثلا ب 11 ألف .. يعني بتتكلم في 2000 جنية .. مش قصه.
انما في العربيات الحديثة بتفرق فلوس كتير من ناحية .. من ناحية تانية من الصعب ان العربية ترجع مضبوطة بعد الحادثة و ده بيخليها غير متزنة غير انها بتاكل كاوتش و كبالن و الات الجر بتبوظ بسرعة.
من غشنا فليس منا
لا حول و لا قوة الا بالله العلى العظيم
لا حول و لا قوة الا بالله العلى العظيم
لا حول ولا قوة الا بالله العلى العظيم
عيش يامان وكبر دماغك طول ماالعربيه معاك كويسه خلاص احكيلك على قصه واحد صحبى عمل حادته عربيه اسكودا 2010 مش محتاج اقولك شكل العربيه كان عامل ازاى معجونه وكل التجار كانو عوزين يخدو العربيه ببلاش المهم روحنا عند واحد بتاع دهان شاف العربيه وصف واحد سمكرى المهم السمكرى ده معرفش يطلع العربيه مظبوطه جاب اخره بتاع الدهان كان بيرفض منه استلام العربيه لان فيها عيوب المهم بتاع الدهان وصف واحد تانى سمكرى اقسم بالله ان العربيه بسم الله ماشاء الله دهان فوق الوصف سمكرى صوابع تتلف فى حرير العربيه رجعت ولا اكن حصل اى حاجه ودلوقت بيخرج بالعربيه ومش بيفكر يبيع خالص
انته حاول تنسى الموضوع ده وعيش وافرح بالعربيه لان لو فكرت كتير هتبيع العربيه وهتخسر فيها
وقدر الله ماشاء فعل واسف على الاطاله
الحمد لله علي كل حال .
يارب يرزقك ويعوضك خير
يعيب العربيه فى البيع..سعرها بينزل شوية
لكن لو متصلحه كويس مش هتحس بمشكله وانت سايقها ولا حاجه