الموضوع: شارك على الأقل بفكرة لحماية عربيتك من السرقة

المشاركة الأصلية كتبت بواسطة eng_gouda2000

موضوع مميز
واحب اضيف بعض الحاجات

أولاً بالنسبة لسرقة العربيات وإجراءات التأمين اللى احنا بنعملها ماهي الا وسائل تعطيل للسارق
يعني انتا من الاخر بتعطل الحرامي على قدر المستطاع
يعني عربيتي فيها جهاز انذار وولف وقفل دريكسيون مع دواسة الفرامل وبتركن بين عربيتين وعليها غطاء وجهاز الانذار بالليل بخلية حساس لو حد لمس العربية الجهاز بيشتغل
واعتقد مفيش حرامي عاقل تجيلو الجراءة انه يدخل على عربية يشيل من عليها الغطاء ويلاقي قفل وجهاز انذار وبردو يحاول يسرقها

لكن زيادة فى التأكيد فية فكرة تانية بس هتكون مرهقة وشكلها مش ظريف لاكن عملية جدا

تركب عمودين حديد خلف العربية ثابتين فى الارض
وعامود اما م العربية فى المنتصف ودة يكون متحرك يعني بيتركب وبيتخلع
هتكون العربية فى امان اكتر ويا سلام لو تقدر تعمل سلسلة طويلة تلفها حول العربية
وكمان ممكن تعمل واحدة من اسف العربية تربطها بقفل فى مقصات العربية

دة طبعاً بالاضافة الى جهاز الانذار وقفل الدريكسيون ومفتاح فصل طلمبة البنزين وغطاء السيارة
أعتقد بكدة ممكن تنام وتحط فى بطنك بطيخة صيفي
وفي النهاية ربنا يسترها علينا كلنا

تقبل تحياتي

فكرة جميلة فعلا بس انا فعلا اتكلمت مع الوالد فى موضوع دق المتاريس فى الارض وكان رده بسيط ان ده شارع الحكومة مش الشارع بتاعنا مع انى يوميا بلف حوالين البيت مرتين تلاته لحد ما الاقى ركنة وساعات بركن صف تانى

وبخصوص انذار وولف اللى حضرتك مركبه ازاى بتقدر تتحكم فى حساسية الانذار؟؟

قابلت حرامي عربيات تاب واشتغل.كهربائي سيارات اي حاجه من الموضوع ده ليها بدل الحل 3 الفكره في لن الحزامي عاوز ينجز كل مالعزبيه تبفي قلق بيبعد عنها

Sent from my Xperia Arc S

المشاركة الأصلية كتبت بواسطة mo7eb1

أحييك على المبادره و المشاركه بأفكارك... وانت قدرت تغطى معظم وسائل الامان (باقى بس تسليح الزجاج و فى موضوع قوى جدا فى قسم نيسان بيتكلم عنه) http://www.nilemotors.net/nile/350046-a.html
و زى ناس كتير قالت كل دى مجرد وسائل تعطل و تاخر الحرامى او تخليه يصرف نظر عنها خالص.

من ناحيه تانيه مش بشوف مواضيع كتيره عن التثبيت فى الشارع زى ماشوفنا العربيه الياريس الى اتثبتت على الكورنيش من حراميه راكبين سيراتو و معاهم ميكروباص واقف على الناصيه بيراقب الجو!! وان كا واحد صحبى اتثبت فى اكتوبر الفجر.... ماكنش منه غير ان بطل العربيه و كسر المفتاح وهو فى الكونتاك وبالتالى مقدروش يخدوا العربيه.

تصدق وتؤمن بايه انا كانت جت فى بالى الفكرة دى لما شوفت كان فى اعلان لشركة شيبسى وحاطين كشك فى الشارع واكياس شيبسى مجانية بشرط انك تقدر تكسر الزجاج والناس قعدوا حوالى اكتر من 12 دقيقة بكل الطرق انهم يكسروا الزجاج لحد ما نجحوا

وفعلا الموضوع فى قسم نيسان اكتر من رائع وفكرة مضافة جديدة جدا بغض النظر عن التكلفة المكتوبة فى الموضوع "حوالى 500 جنيه ل4 ابواب "
"1100 جنيه زجاج امامى وخلقى"
بس فعلا اللى شارى عربية جديدة بمبلغ وقدره فالبنسبه له المبلغ ده بسيط جدا لحماية العربية

المشاركة الأصلية كتبت بواسطة S O P H O S

حلو موضوع ربط الفتيس
لكن موضوع جنزير وقفل ده غير عملي لانه فتح العربية
مش هيعرف يفتح قفل ..

مجبر اخاك لا بطر ومش كل واحد قادر على تكاليف الحماية المختلفة دى
والجيش بيقولك اتصرف

المشاركة الأصلية كتبت بواسطة misry

أحسن طريقة هي :::

1- هات نوعين من قفل الدركسيون , العادي واللي بيربط دواسة الفرامل

2- مفتاحين للفصل , واحد للكونتاكت وواحد لطلمية البنزين

3- شيل فيوز طلمبة البنزين

4- جهاز النذار

5- مهم جداااا .... تسليح الزجاج بحيث انه يكون غير قابل للكسر

6- غطاء العربية بغطا معفن ومقطع

7- الدعاااااء


وربنا يحفظنا جميعا ...

المشاركة الأصلية كتبت بواسطة sehsss

أحييك على مجهودك.. أنا عن نفسي.. عربيتي فيها جهازين إنذار، واحد على كلاكس السيارة في حالة الكسر، وواحد بسرينة عادي.. وبكسر الدركسيون علشان اللوك يتقفل، وحاطط قفل للدركسيون مع الدبرياج، وكلابش عجل زي بتاع المرور، وبغطي العربية، وفي الآخر ربنا هو اللي بيستر

المشاركة الأصلية كتبت بواسطة _hema

تسلم ياباشا على الموضوع وطريقه السرد الرائعه

حفظنا الله تعالى واياك من كل مكروه

الواحد يعمل الى عليه والحافظ هو الله


اعقلها وتوكل عىل الله

حفظنا الله واياكم اجمعين ونورتوا الموضوع بردوكوا الجميلة

المشاركة الأصلية كتبت بواسطة Elawany13

والدك راجل محترم وعارف اللى ليه واللى عليه
انا بتعجب من الناس اللى بتاخد حاجه مش من حقها وبتظلم غيرها
زى اللى بيحطوا حديد جنازير فى الشوارع
واللى بيحطوا طوب وكاوتش وبراميل
واصحاب المحلات اللى بيبقوا عدوهم اى عربية تقف قدام محل مأجره أو حتى بالقرب منه
واللى يضحك ان بعد الظلم ده بنتعجب ونقول لنفسنا هيه كل حاجه مفيهاش بركه ليه !!!
وليه اللى بيحصلنا ده !!!
حسبنا الله ونعم الوكيل

تحياتى ليك ولزوقك واخلاقك
وبالنسبة لأصحاب المحلات فالحمد لله عندنا 2 وجمب بعض وعمرنا ما قولنا لحد ما يركنش قصاد المحل وخصوصا ان الشارع بتاعنا حيوى وخدمى "ميكانيكى -كهربائى -دوكو -كنيسة -مطبعتنا "
لكن فعلا بتحصل حاجات تضايق جدا وان انك تلاقى ناس والله بتركن بالاسبوع قصاد المحل وبدون سابق انذار والعربية بتتردم تراب من الركنة وبعد الاسبوع تيجى تعاتب صاحب العربية يقولك ده شارع الحكومة
فى الحالة دى قولى اتصرف معاه ازاى ؟؟؟