عرفان وتقدير للمنتدي وكل الاعضاء

**foxfox** · 13-08-2008 02:25 PM

الف مليون ميروك وربنا يديلك خيرها ويكفيك شرها وللعلم هذا المنتدي محترم جدا وانا شخصيا استفدت منه كتير جدا جدا وانا كنت طلبت من الاخوة الافاضل رأيهم فى اختيار سيارة ليه من فترة بسيطة والحقيقة لم يبخلو عليه ولهم كل التقدير والاحترام ومن خلال متابعتي الشبه يوميه للمنتدي انا استقريت والحمد لله على الكيا سيراتو لاني رحت من يومين لمعرض سيارات المصرية بالمعادي واتفرجت بتمعن على السيارات الى موجوده هناك وفى نفس الوقت الى فى حدود امكانياتي وحسمت المقارنة بين اللانسر 1600 والكيا سيرتو ولكن هناك شي غريب جدا بالنسبة لاسعار الميتسوبيش مليون سعر ومليون تفسير يقولك اصل دي سعودي عشان كدة دي مافيهاش مش عارف اي ولكن دي اصلها كويتي عشان كدة دي بكذا الف زيادة حاجة تجنن المهم انا جلست بداخل الكيا وكان لونها اسود بفتحة سقف ولكن اجمالا السيارة فى منتها الروعة والجمال وكمان الشاب الى فى المصرية قال ان دي السيارة الوحيدة الى عليها ضمان خمس سنوات وكمان التوكيل بتعها اكثر التوكيلات احتراما ومصداقيه المهم الشاب قالى لو انت مش مستعجل اوي انتظر عشان عن قريب هينزلوا سيارة كيا جديدة 2009 تسمى فورتي بصراحة انا من الى سمعته عنها انها سيارة جامدة جدا جدا جدا وفيها طبعا abs - ebd - ,;lhk air bag فهل الكلام ده حقيقى ولا مش حقيقى الله اعلم وللعلم انا من النوع الى بيحب يحسبها كويس عشان المبلغ مش قليل . أرجو سرعة الافادة وياريت لو حد يعرف ازاي ممكن اقسط مبلغ بسيط من باقى ثمن السيارة من خلال بنك محترم وفايدته بسيطة ولكم كل الحب والتقدير.

**Noha.M** · 13-08-2008 04:37 PM

على فكرة التوكيل بجد ميعرفش اى حاجة عن الكيا فورتى دى و انا لسه سالاهم

الشكل الحالى مكمل 2009 و ممكن الشكل يتغير على 2010 و دة اللى قريته فعلا فى سايت تانى بيقول ان شكل السيراتو مكمل لسنتين كمان

بس فى التوكيل معندهمش لى فكرة لدرجة انه بيقولى ايه يا جماعة الكيا فورتى دى طيب جبتيها من انهى موقع
يظهر ان كذل حد ساله على الكيا فورتى دى فبيقولى قوليلي طيب على الموقع

**MoToRiZeR** · 13-08-2008 04:47 PM

علي فكرة يا نهي ده اللي حصل معايا في البيكانتو

رحت اسألهم الشكل الجديد هينزل إمتي .. قالولي هوا فيه شكل جديد أصلا !؟ مفيش شكل جديد .. و مفيش نية يتغير .. خد كلامنا ثقة .. حضرتك اللي شفته عالنت دي عربية متعدلة !

شهرين و لقيتها واقفة في التوكيل
محدش ياخد علي كلام الناس اللي في التوكيل

**Ahmed Anwer** · 13-08-2008 04:51 PM

يا نها موظفين التوكيلات ميعرفوش اي حاجة عن العربيات الجديدة

انا كنت بسألهم في غبور عن الآي 10 و الآي 30 و الماتريكس الشكل الجديد ،،

و ما شاء الله ،،

كانت اجابتهم كلهم هيا العربيات دي هيونداي ؟؟

**Noha.M** · 13-08-2008 04:53 PM

بجد والله العظيم ؟؟؟

بس هو حولنى على المبيعات ؟؟

مسخرة بجد

طيب ادينا مستنيييين الكيا فورتى اول ما تنزل هبيع عربيتي

**Noha.M** · 13-08-2008 04:57 PM

المشاركة الأصلية كتبت بواسطة MoToRiZeR

علي فكرة يا نهي ده اللي حصل معايا في البيكانتو

رحت اسألهم الشكل الجديد هينزل إمتي .. قالولي هوا فيه شكل جديد أصلا !؟ مفيش شكل جديد .. و مفيش نية يتغير .. خد كلامنا ثقة .. حضرتك اللي شفته عالنت دي عربية متعدلة !

شهرين و لقيتها واقفة في التوكيل
محدش ياخد علي كلام الناس اللي في التوكيل

على فكرة التوقيع بتاعك حلو اوى ما شاء الله

فعلاا؟؟؟؟ قالك كدة؟؟؟
قالك عربية متعدلة؟؟؟

عندك حق فعلاا محدش ياخد كلامهم ثقة

بس هو اكدلى ان ال 2009 نفس الشكل بردة ؟؟ ولا ايه النظام باة ؟!

**SaLM!Na** · 14-08-2008 12:32 AM

ها ها ها ها
بجد فكرتوني كنت بسأل عن 206 سيدان في معرض مصرية راح الراجل قالي ايه 206 سوداني !!
قعدت اضحك عليه في سري
بعدين راح قالي لأ مفيش بيجو 206 سيدان نزلت
و بعدين راح قالي بصي روحي أسألي فلان

طبعا استغربت جدا للموقف ده و قلت طالما اللي شغالين مش فاهمين حاجة يبقوا يقعدوا في بيوتهم احسن

و على فكرة الكلام ده حصل بعد ما روحت توكيل بيجو و شفت العربية و ركبتها

**hazem_khidr** · 14-08-2008 06:04 AM

السيراتو لسه مكمله مش اقل من سنيتن في مصر.
ممكن تجيب عربيه مستعمله تمشي حالك لو مش مقتنع بالسيراتو
لحد ما تلاقي عربيه مناسبه ليك هاتها علشان بس لو جبت زيرو حتخسر كتير و انت بتغير في فترات قريبه

**MoToRiZeR** · 21-08-2008 04:12 PM

المشاركة الأصلية كتبت بواسطة Noha-M

على فكرة التوقيع بتاعك حلو اوى ما شاء الله

فعلاا؟؟؟؟ قالك كدة؟؟؟
قالك عربية متعدلة؟؟؟

عندك حق فعلاا محدش ياخد كلامهم ثقة

بس هو اكدلى ان ال 2009 نفس الشكل بردة ؟؟ ولا ايه النظام باة ؟!

اه و الله بجد و كان بيتكلم بثقة زي ما يكون صاحب كيا موتورز شخصياَ
عشان كدة ممكن الواحد يسمع أي كلام من اللي بيشتغلوا في التوكيل و فجأة يلاقي العربية واقفة ادامه .. دي الحاجة الوحيدة اللي تأكد الكلام .. الواحد يشوف العربية بعينه