مشكلة فى النوبيرا !!

**minagold** · 13-08-2008 02:39 PM

فى مشكلة حاصلة معايا لو حد يعرف السبب ياريت يقولى انا اخر مرة كنت راجع من السفر و لقيت العربية اخرها بتجيب 140 كم/س وو كمان جايب اخر الدواسة وكأن دة اخر العربية مع العلم انى كنت بجيب بيها 190 و كانت ممكن تعدى السرعة دى كمان .. هى الحكاية دى ممكن يكون ليها علاقة بالرشاشات؟؟ عشان انا لسة مغيرها برشاشات ال BMW .. هى نوبيرا و دى صورة العداد ايام العز

لو حد يعرف السبب ياريت يفدنى و معلش طولت عليكو

**kimo-nubira** · 13-08-2008 03:06 PM

هى كانت بتعمل معاك كده قبل ما تغير الرشاشات ؟؟ والعربيه موديل سنه كام ؟؟

**minagold** · 13-08-2008 03:17 PM

لا قبل الرشاشات كانت تمام و الصورة دى قبل الموضوع دة ايام الرشاشات القديمة هى موديل 2001 cdx

**kimo-nubira** · 13-08-2008 03:27 PM

المشاركة الأصلية كتبت بواسطة minagold

لا قبل الرشاشات كانت تمام و الصورة دى قبل الموضوع دة ايام الرشاشات القديمة هى موديل 2001 cdx

بص هو كده الارجح انها تكون رشاشات بس بارضو بص على البوجيهات ممكن تكون

حرقها قل وان شاء الله تطلع حاجه بسيطه وبارضو شوف

راي محمد ممدوح هو ان شاء الله اللي هايجبلك المفيد

**m_marmoush** · 13-08-2008 04:22 PM

غير البنزين ..... حصلت معايا قبل كده كنت راجع من الغردقه و مونت 90 من شل اللى هناك و عينك ماتشوف الا النور أخرها كان 110 و بالعافيه مع أنى كنت جاى 160-180 مستريح

**minagold** · 13-08-2008 08:08 PM

المشاركة الأصلية كتبت بواسطة kimo-nubira

بص هو كده الارجح انها تكون رشاشات بس بارضو بص على البوجيهات ممكن تكون

حرقها قل وان شاء الله تطلع حاجه بسيطه وبارضو شوف

راي محمد ممدوح هو ان شاء الله اللي هايجبلك المفيد

انا شاكك فى البوجيهات بردة هشوف و الف شكر يا باشا

**minagold** · 13-08-2008 08:12 PM

المشاركة الأصلية كتبت بواسطة m_marmoush

غير البنزين ..... حصلت معايا قبل كده كنت راجع من الغردقه و مونت 90 من شل اللى هناك و عينك ماتشوف الا النور أخرها كان 110 و بالعافيه مع أنى كنت جاى 160-180 مستريح

انا بمون 92 دايما و لو على كلامك دة فعلا ممكن يكون دة الحاصل عشان انا كنت فى المنيا و مونت من هناك و المحطة اصلا شاكلها مايطمنش بس ماكنش فى غيرها فيه 92 و انا الغايظنى انى رايح بجيب 190 و المشى العادى كان 160 مستريح

يارت فعلا يكون بنزين و الف شكر يا باشا على ردك

**د/ خالد** · 14-08-2008 08:54 PM

طيب بما انك غيرت الرشاشات برشاشات بي ام يا ريت تفيدنا عن استهلاك البنزين معاك يا باشا يعني جوا البلد بيعمل كام وعلى السريع بيعمل كام وما اظنش انه المشكله في الرشاشات

**minagold** · 15-08-2008 01:43 PM

هو الاستهلاك بتاع البنزين على السريع انا حاسس انو زاد شوية بس بنسبة بسيطة مش حاجة جامدة عن الاول يعنى انا فى الاول كنت بنزل مشوار المنيا و المسافة حوالى 300 كم كانت بتاخد نص الصفيحة لو انا ماشى كويس و فى الجرى كانت بتاخد اكتر من النص بحاجة بسيطة و بعد الرشاشات ممكن تكون نفس النسبة بس بزيادة بسيطة اوى يعنى ممكن تفرق 4 لتر عن الاول بالنسبة للسريع بس جوة البلد لسة مامشتش بيها كتير عشان اشوف الفرق عن الاول .. بس انا متابع الموضوع و اى جديد هقولك يا باشا