أفكار صناعية ......... صناعة الماسترباتش

**MaZaGAngeE** · 21-04-2013 04:23 PM

المشاركة الأصلية كتبت بواسطة solyahmed

حضرتك ما وضحتش 1_ تمن الماكينات المستخدمة 2 عدد الماكينات المستخدمة 3_ اايجار المكان الي حيتعمل مصنع اعتقد التمليك افضل
لو فرضنا صاحب المكان قالك امشي حتروح بالمكن والمواد الخام والمصنعة دي فين قصدي دة مش محل في شوية بضاعة علشان تشوف محل تاتي وخلاص
دة مصنع واوزان بالطن ... فالايجار مش حيبقي مناسب لمشروع زي دة
4 مساحة المكان دة حيبقي قد اية حضرتك ما وضحتش
5 حضرتك بتتكلم في اوزان بالطن طيب ازاي بتقول ممكن تستخدم عربيتك دة مش اقل من نص نقل وتمليك
ولو ايجار يبقي حتخصم تمن النقل من ربح الطن كمان وتمن النقل معتقدش قليل دة انا مرة جبت عربية نص نقل تنقلي شوية عفش خد 150 جنية
امال بقي لو طن ولا اتنين واماكن المصانع دي مش قريبة يبقي حياخد كام
6 حضرتك بتقول المنافسة عالية يبقي االتسويق صعب وكل مصنع عنده المورد بتاعة اللي بيتعامل معاه حياخد مني ليه
وعلشان ياخد مني لازم اقدم لة سعر اقل من اللي بياخد به يعني حنضارب بعض في الاسعار
وواقع الحال في مصر ان البقاء للاقوي والي فلوسه اكتر بيضرب في اللي لسة داخل السوق علشان ما يكبرش ويخليه يقفل
بمعني لو انا نزلت 100 جنية في الاول علشان اكسب العميل دة المصنع التاني حينزل 200 جنية علشان العميل يفضل معاه و مايخسرهوش
دة تصوري وحضرتك ادرى بما انك في السوق يمكن انا غلطان والموضوع مش كده ...

باشااا
انا كنت مستني الاسئلة اللي في الصميم دي

1_ تمن الماكينات المستخدمة :
دي نقطة هناقشها بالتفصيل لانها زي الميكانو كده و معتمدة على انا ممكن اصرف قد ايه و كام و عموما فيه مصري و صيني و اوروبي و جديد و مستعمل و منها كبير و صغير و منها تبريد هوا و تبريد ميه ..

2 عدد الماكينات المستخدمة
هناخد الحد الادنى اللي هوه خط واحد بس بانتاجية من 2 الى 3 طن يومي

3_ اايجار المكان الي حيتعمل مصنع اعتقد التمليك افضل
طبعا التمليك احسن و لو عندك مكان فيه كهربا 3 فاز يبقى تمام ... لكن في البداية لو انت معندكش مكان الايجار حل اقل تكلفة على المدى القريب ..
و انت لما تاجر اقل حاجة هتعمل عقد ب 3 سنين و صاحب المكان هيمشيك ليه لو انت ملتزم معاه في المواعيد ؟ و بعدين الصناعة دي بالنسبة للناس العادية لوغاريتمات . و انا ماجر في العبور بالرقم ده فعلا

4 مساحة المكان
كل ما كان واسع يبقى احسن , لكن مبدئيا 200 متر هتبقى كويسة و معقولة

5 حضرتك بتتكلم في اوزان بالطن طيب ازاي بتقول ممكن تستخدم عربيتك
هتستخدمها في التسويق و توزيع العينات مش لتوصيل المنتج ...
الانتاج طبعا هتوديه بعربية ربع نقل او نص على حسب الطلبية و تكلفة النقل بتتم اضافتها على سعر البيع و لو هنقل من العبور الى اسكندرية 6 طن هدفع 400 جنيه او 66 جنيه للطن ... يعني حتى لو خصمتها من سعر البيع مش رقم ... و كمان انت بتوزع على المصانع القريبة منك في الغالب و لو بتتعامل مع تاجر جملة هوه هيبعتلك عربيته .

6 حضرتك بتقول المنافسة عالية يبقي االتسويق صعب وكل مصنع عنده المورد بتاعة
من اساسيات الصناعة ان المصنع لازم يكون عنده مجموعه موردين لنفس المنتج اللي محتاجه عشان يقدر يضغط عليهم في التوريد و الاسعار و عشان يحمي نفسه من اي احتمالات توقف بسبب نقص في التوريدات .
و طبعا السوق فيه منافسة زي اي سوق تاني .. لكن مش لدرجة ان المصانع توقع بعض ...
احنا بنتكلم عن الفول و الطعمية في صناعة البلاستيك و دول مفيش حد يقدر يستغنى عنهم و ليهم حدود في الاسعار اقل منها يبقى مضروب و اعلى منها يبقى محدش هياخد منك ..
و كمان احنا معندناش انتاج محلي يغطي الطلب و بنستورد كميات كبيرة منهم .

**MaZaGAngeE** · 21-04-2013 04:27 PM

المشاركة الأصلية كتبت بواسطة ahmedtalat

يا ترى ما هو تكلفه خط الأنتاج
و على فكره المشروع محتاج عاملين اكثر من كده
حراسه و امن و نقل
و سياره نقل لنقل الطلبيات للعملاء
و لابد من استقطاع الضرائب 20%
انا بشتغل مهندس فى مصنع و عارف

المصانع الصغيرة مش بتحتاج امن .... بيكون فيه غفر في المنطقة و بتدفع تقريبا 200 جنيه شهريا للحراسة و ده بيكون على حسب المنطقة و العرف فيها ماشي ازاي .
العربية النقل انت ممكن تتفق مع سواق يشتغل بالنقلة لحد ما الامور تتحسن و تقدر تشتري عربية للمصنع

خط الانتاج انا بجهزه اهه
بصوره و فيديوهاته و تفاصيله كلها

**MaZaGAngeE** · 21-04-2013 05:01 PM

فيديوهات لاحجام مختلفة من خطوط الانتاج :

[youtube]http://www.youtube.com/watch?v=0j3-GY-B6vk[/youtube]

دول كلهم تبريد مياه
و هجيبلكم المكن اللي تبريد هوا

**MaZaGAngeE** · 21-04-2013 05:03 PM

[youtube]http://www.youtube.com/watch?v=FfVET5PPwjM[/youtube]

**MaZaGAngeE** · 21-04-2013 05:05 PM

[youtube]http://www.youtube.com/watch?v=OX1LT_orhoo[/youtube]

**MTAK** · 21-04-2013 05:58 PM

ما شاء الله عليك

ربنا يبارك لك و يزيدك
-----------------------------

ما قصدته من الاكتتاب

حضرتك دلوقنى شغال بطاقه معينه و اكيد مع زياده الطاقه هتقل شويه مصاريف و المكسب يكون اكبر بحدود معقوله

طيب حضرتك ممكن لو انت عامل شجل تجارى و شركة يعنى

ممكن توزعها على اسهم برأس مالها الحالى و تقيم كل سهم و تعرض مجموعه للبيع و ليكن 45 % (لتحتفظ لنفسك بحق الاداره )
و يتم تسجيل كل هذا

العائد اللى هايجيلك هيساعدك انك تكبر المكان و الارباح هاتعطى بنسب الاسهم

يبقى حضرتك استفدت من زيادة راس المال و مشروعك كبر و الكل استفاد

ارجو المعذره ان كان كلامى هلس لانى ليست لى خلفيه تجاريه مطلقا و لكنه تفكير نتج من عقلى الاتجارى :)

ممكن يكون فيه شئ من الصح مع بعض التوضيب من حبايبنا التجاريين