حد ليه تجربة مع فيزا الانترنت

**egyboy** · 21-04-2013 04:11 PM

طيب يا بشمهندس مصطفى

لما بتطلع وانا واقف بتبقى من غير اسم ولا عنوان مكتوب عليها

ده هيفرق فى حاجة ؟؟

ولو عايز اسمى عليها هتاخد وقت قد ايه

وكمان ممكن ادخل على الانترنت علشان اتاكد الحساب فيه كام وكده

شكرا ليك

**amr100** · 21-04-2013 04:31 PM

وفيه فيزا بنك كريدي اجريكول ودي بتطلع 60 جنيه و الحد الاقصى انت ممكن تحطه 5000 جنيه وبتطلع الكرت وبعد كده بتحط الفلوس في الماكينة ومالكش احتكاك بالبنك بعد كده خالص ورصيدك فعال في نفس وقت ايداع الفلوس وانا مجربها مع الامازون وبعد كده تشترك في ارامكس او اي بريد سريع علشان ساعات يكون الموقع لا يشحن الى مصر مباشرة

**egyboy** · 21-04-2013 05:06 PM

المشاركة الأصلية كتبت بواسطة amr100

وفيه فيزا بنك كريدي اجريكول ودي بتطلع 60 جنيه و الحد الاقصى انت ممكن تحطه 5000 جنيه وبتطلع الكرت وبعد كده بتحط الفلوس في الماكينة ومالكش احتكاك بالبنك بعد كده خالص ورصيدك فعال في نفس وقت ايداع الفلوس وانا مجربها مع الامازون وبعد كده تشترك في ارامكس او اي بريد سريع علشان ساعات يكون الموقع لا يشحن الى مصر مباشرة

المشكلة ان ماكينات الصرف مش كتييير ؟

انا معتقدش انى اقابلت ماكينة قبل كدة للبنك :)

**M.Osama** · 21-04-2013 05:32 PM

انا بنصح بشده بكريدي اجريكول وعن تجربه انا عملتها بتطلعها وانتا واقف ب 60 جنيه ولا تفتح حسابات ولا اي حاجه وبعد كدا تاخدها وتحط الفلوس ف المكنه بتاعت البنك وقت ما تكون عاوز تشتري حاجه

ولا تتعب قلبك ولا حسابات بنوك ولا كلام من دا

**egyboy** · 21-04-2013 05:54 PM

طيب الماكينات فين ؟

يا رجالة

**DreAmO** · 21-04-2013 09:39 PM

اتصل ب 19888 خدمة عملاء بنك مصر
واعرف اقرب فرع ليك متوفر به خدمه استخراج فيزا انترنت بنك مصر

1- تروح للفرع وتتوجه لموظف الفيزا .. وتطلب استخراج فيزا انترنت بنك مصر

2- بيديك استماره تملاها " الاسم بالعربي والانجليزي كامل , رقم البطاقه , العنوان ,المهنه ,الاميل .. الخ "

3- بياخد منك 22 جنيه فقط .. ولا يشترط ان يكون لديك حساب في البنك او اي اوراق غير بطاقتك الشخصيه

4- بترجع للفرع بعد حوالي 10 ايام وتستلم الفيزا ببطاقتك الشخصيه

5- بعد ماتستلم الفيزا .. تقدر ترجع لموظف الفيزا .. وتطلب منه ان ينشىء لك حساب على موقع البنك .. علشان تدخل بيوزر وكلمة سر وتعرف الكارت فيه كام واخر عمليه اتعملت .. الخ

وتقدر تعرف من خدمة العملاء كمان 19888 .. 24 ساعه

الفيزا صالحه لمدة عامين .. وبعد ما بتنتهي الصلاحيه بتعمل كارت جديد .. وممكن قبل ما تنتهي الصلاحيه تعمل كارت جديد من اي فرع اخر

بتشحن الفيزا من اي فرع بالجنيه المصري .. وبتتعامل بالدولار وانت بتشتري عالنت عادي

الفيزا مقبوله وساريه في جميع انحاء العالم والمواقع والبنوك الالكترونيه .. تقدر تفعل بيها بنك اليرت باي " بيزا
"
او باي بال

تقدر تحجز بيها دومين او هوست او سيرفر .. عيش حياتك

اقل مبلغ ايداع تقريباً 10 جنيه .. والفلوس بتتفعل عالفيزا خلال 24 الى 48 ساعه .. ودي مش مشكله وعادي

ماتقدرش تسحب فلوسك من الفيزا .. الا بعد انتهاء صلاحيتها بشهر .. بتروح البنك وبتاخد فلوسك في نفس الوقت

تقدر تطلع اكتر من فيزا .. ولكن كل فيزا من فرع مختلف .. طالما الفيزا لسه غير منتهية الصلاحيه " علشان مايبقاش كارتين شغالين ليك من نفس الفرع بنفس الوقت "

انا شغال بيها بقالي حوالي 5 سنوات .. ولم تواجهني اي مشكله في التعامل مع مواقع

لا يرسل لك تنبيهات على الموبايل تخص عمليات الشراء .. فقط يرسل لك بريد الكتروني كل شهر غير هام " انت في حسابك عالنت هتعرف كل التفاصيل وانت مستريح "

تقريباً مفيش عموله على عملية الشراء

أنصحك بيها .

**canner** · 21-04-2013 11:11 PM

المشاركة الأصلية كتبت بواسطة mido_soliman

انا لسة عاملها النهاردة بس للاسف مفهمونيش اى حاجة لانهم مش فاهمين اصلا اى حاجة وحستلمها بعد اسبوعين
كان سؤالى لحضرتك الاتى

انا عايز افتح حساب فى pay pal عن طريقها علشان اشترى اى منتج ما سواء كان سوفتوير مثلا
لو المنتج دة بالدولار هل لازم اكون حاطط فيها دولار ؟؟ ولا هوة ممكن ياخد بالمصرى ويحول ؟؟
معلش النقطة دى مهمة اوى وعايز افهمها ولك جزيل الشكر لان انا عاملها اصلا على منتجات بالدولار

بص انا ح ارد عليك فى حدود اللى انا عارفه

لما جيت عملت حساب الباى بال ما قبلشى الماستر كارد انترنت و قبل الفيزا العادية اللى بالجنية و على ما اظن بياخد بالمصرى عادى و يحول

**roffa1** · 21-04-2013 11:28 PM

المشاركة الأصلية كتبت بواسطة M.Osama

انا بنصح بشده بكريدي اجريكول وعن تجربه انا عملتها بتطلعها وانتا واقف ب 60 جنيه ولا تفتح حسابات ولا اي حاجه وبعد كدا تاخدها وتحط الفلوس ف المكنه بتاعت البنك وقت ما تكون عاوز تشتري حاجه

ولا تتعب قلبك ولا حسابات بنوك ولا كلام من دا

بس انا طلعتها من تلات شهور باقل من 60 جم و مدتها سنتين و استلمتها و انا واقف و استعملتها فى دفع دولارات من حوالى شهر بالضبط حسب لى الدولار ب 6.98 جم

**sewakah** · 22-06-2013 11:53 PM

طيب لو عايزين نقارن من زاويه تانية بمعنى أنا عايز أطلعها عشان أشترى من النت فى مصر والسعودية لأنى بإذن الله مسافر بعد العيد السعوديه وطبعا ححتاج كل شويه أشحنها ..بحثت على النت لقيت ما فى فروع للبنك العربى الأفريقى بالسعودية (صراحة بحب أتعامل مع هذا البنك ) ..طيب ما البديل ؟ جزاكم الله خيرا