قدر الله وماشاء فعل -العربيه اتحرقت لوحدها

الحمد لله ع كل حال...قدر الله وماشاء فعل
العربيه اتحرقت كلها من قدام عند الموتور وكل الى فى الكبوت ولع
المشكله ان العربيه لسه مش عملت 55000 يعنى لسه فى الضمان
والعربيه عملت كده لوحدها من غير اى مقدمات ازاى عربيه تكون
لسه جديده ويحصل فيها كده حسبى الله ونعم الوكيل فيك يامنصور شيفورليه
انا مش عارف اتصرف ولا اعمل ايه دلوقتى العربيه راحت فى شربيه مياه
لو ممكن اى حد عنده معلومات عن الضمان واضمن حقى ازاى ياريت
يقولى اعمل ايه واتصرف ازاى .
ودول شويه صور للعربيه
شكرا للمنتدى
http://nileup.com/up/uploads/nilemotors_13664733431.jpg

وديه صوره من جوه الكبوت عند الموتور

http://nileup.com/up/uploads/nilemotors_13664733432.jpg

http://nileup.com/up/uploads/nilemotors_13664733443.jpg


http://nileup.com/up/uploads/nilemotors_13664743631.jpg

لا حول ولا قوة إلا بالله
لو أنت في الضمان كلم حماية المستهلك قبل ما تطلع عال توكيل عشان مينفعش عربية في الضمان تعمل كدا وعشان ميحوروش عليك هنا.
ولما تروح التوكيل لو معجبكش ردهم تكلم حماية المستهلك تاني هما بيبقي ليهم دور فأنهم يساعدوك بالتعويض المناسب
ربنا يعينك وإن شاء الله ملاك الاوبترا أو الشيفرولية يفيدوك أكتر

لاحول ولا قوة الا بالله


لازم فحص فنى لتحديد سبب الحريق

ولازم يكون من خلال جهاز حماية المستهلك

بس على فكره ده مش ذنب منصور لان العربيه بتيجى متقفله من كوريا

وكمان دى واحده من ضمن الالاف الاوبترا فى الشارع المصرى ومسمعناش مره عند حادثه مشابهه

ربنا يعوض

ولعله خير

قدر اللة وماشاء فعل والحمد للة ان حضرتك بخير ولا تحزن .....لو حضرتك ملعبتش خالص فى الضفيرة ولم يتم تركيب اى اضافات عند كهربائى خارج التوكيل انشاء اللة حقك حيرجعلك بشوية شكاوى فى حماية المستهلك وفى منصور شيفرولية نفسها واوعى حضرتك تلمس العربية ...اما لو حضرتك لعبت فى الضفيرة ربنا يعوض عليك

لا حول و لا قوة إلا بالله...

انا حبيت اقول الاول ألف حمد لله على السلامه والحمد لله انها مجتش غير في الحديد....

اقتباس:

---

المشاركة الأصلية كتبت بواسطة aymankfafy

قدر الله وماشاء فعل والحمد لله ان حضرتك بخير ولا تحزن .....لو حضرتك ملعبتش خالص فى الضفيرة ولم يتم تركيب اى اضافات عند كهربائى خارج التوكيل إن شاء الله حقك حيرجعلك بشوية شكاوى فى حماية المستهلك وفى منصور شيفرولية نفسها واوعى حضرتك تلمس العربية ...اما لو حضرتك لعبت فى الضفيرة ربنا يعوض عليك

---

انا بأيد الكلام ده فعلا...


تحياتي

الحمد لله وربنا يعوضك خير وتتصلح على حسابهم

الحمد لله علي كل شئ ويمكن تكون دي بتفدي حاجه تانيه كبيره

فعلا لو انته مش عملت اى لعب فى لاضفيرة او ركبت اى تعديلات

والعربيه عملت كده لوحدها يبقى ان شاء الله حقك مضمون لكن لو كنت ركبت بس انذار او كاسيت يبقى كده خرجت من الضمان لو الفحص اثبت ان الحريق من الضفيرة
وكلم حمايه المستهلك وابعتلهم الصور الاوليه للشكوى +تروح للتوكيل وترمى العربيه فى وشهم وتديهم وش خشب
وتشوف هيقولو ايه عشان تتابع معا جهاز المستهلك بس الجهاز مش هيقبل الشكوى غير لما يكون التوكيل رفض او ماطل فى حقك

واضح انك واخد عين جامدة
عموما الحمد لله انها جت في الحديد وانك بخير

لا حول و لا قوة إلا بالله...الحمد لله علي كل شئ..حاجة بتفدى حد باذن الله ، انت مكانش معاك طفاية حريق ولا مكنتش جنبها ساعت اللى حصل ده ؟

اقتباس:

---

المشاركة الأصلية كتبت بواسطة leitosr

لا حول ولا قوة إلا بالله
لو أنت في الضمان كلم حماية المستهلك قبل ما تطلع عال توكيل عشان مينفعش عربية في الضمان تعمل كدا وعشان ميحوروش عليك هنا.
ولما تروح التوكيل لو معجبكش ردهم تكلم حماية المستهلك تاني هما بيبقي ليهم دور فأنهم يساعدوك بالتعويض المناسب
ربنا يعينك وإن شاء الله ملاك الاوبترا أو الشيفرولية يفيدوك أكتر

---

الله يكرمك ان شاء الله هحاول اعمل كده فى اقرب وقت

الف شكر لحضرتك
انا عموما عامل محضر اثبات حاله
بس المشكله ان العرببه عملت كده لوحدها من غير اى مقدمات

اقتباس:

---

المشاركة الأصلية كتبت بواسطة aymankfafy

قدر الله وماشاء فعل والحمد لله ان حضرتك بخير ولا تحزن .....لو حضرتك ملعبتش خالص فى الضفيرة ولم يتم تركيب اى اضافات عند كهربائى خارج التوكيل إن شاء الله حقك حيرجعلك بشوية شكاوى فى حماية المستهلك وفى منصور شيفرولية نفسها واوعى حضرتك تلمس العربية ...اما لو حضرتك لعبت فى الضفيرة ربنا يعوض عليك

---

نا

انا عامل محضر وستنى اطلع ع التوكيل اشوف هعمل ايه وربنا يوفق
ان شاء الله

ربنا يعوض عليك
وتعرف تاخد حقك

اقتباس:

---

المشاركة الأصلية كتبت بواسطة dr.hazem

انا حبيت اقول الاول ألف حمد لله على السلامه والحمد لله انها مجتش غير في الحديد....



انا بأيد الكلام ده فعلا...


تحياتي

---

الله يسلمك وان شاء الله نعرف ناخد حقنا منهم

يا باشا في كذا سبب للموضوع ده

ممكن ضفيرة

ممكن الماتور سخن جامد و ولع


العربية لازم يتعملها فحص فني عن طريق حماية المستهلك و كمان منصور

متحولش تعمل فيلم و خناقة في توكيل لغاية لما الفحص يخلص و تعرف النتيجة في صالح مين علشان منصور ممكن يرجع عليك و يرفع عليك قضية سب و قذف و تشهير بيه

ده ايه ده يا ساتر يارب ده حصل من ايه ربنا يعوض عليك و ماتسبش حقك

لا حول ولا قوه الا بالله

ربنا يؤجرك في مصيبتك ويرزقك خيرا منها

لازم ان شاء الله نعرف السبب

متسبش حقك

الموضوع هنا مش منصور

نصيحه حضرتك لازم تحضر ملف بصيانات العربيه

واخر صيانه انت عاملها فين

وكتيب الضمان مختوم ولا

وهل حضرتك كان فيه تعديلات في العربيه من اي نوع

مهو لازم يكون فيه سبب

وكنت مأمن ولا

حضرتك لازم تستف ورقك عشان تعرف تأخد حقك

وتحت امرك في اي مساعده

وشكرا

لا حول ولا قوة إلا بالله ... قدر الله ما شاء فعل ... الحمد لله إنها جت في العربية مقدور عليها ... حقك تصلي ركعتين شكر لله ... وحقك ما تسيبوش أبداً!!!

هي اتحرقت و حضرتك مكونتش موجود يعني ملحقتش تطفيها مفيش طفاية في العربية ؟ دي عشان توصل للشكل ده اكيد خدت وقت

ربنا يعوضك خير عنها