الموضوع: مشكلة في لوك السيارة محتاج مساعدة بسرعة لو سمحتم

المشاركة الأصلية كتبت بواسطة hamada50

يا جماعة انا لسة مستلم سوبارو امبريزا اوتوماتيك امبارح بس كان فيها مشكلة... عندما اضغط على زر اللوك اللى موجود على الشمال في الباب... الابواب كلها تنغلق و لكن عندما اضغط عليه ثانية الابواب لا تفتح.... ارجو حد يساعدبي... اعمل ايه؟؟ هل السيارة كدة اصلا؟؟؟

الف مبروك على العربيه... في موديل 2007 كان زرار السنتر بيفتح و يقفل السنتر... بالنسبه لموديل 2008 معرفش... بس اكيد حد من شباب الـ 1008 هيرد عليك

أولا مبارك عليك العربيه وربنا يعطيك خيرها ويكفي عنك شرها ان شاء الله

المشاركة الأصلية كتبت بواسطة gomha

مفتاح السنتر لقفل الباب بس واذا حبيت تفتح عليك استخدام باب السيارة العادى وليس مفتاح السنتر آه اسف الف مبروك اولا واختيار ممتاز لسيارة فوق الممتاز لاينافسها غير الهوندا وتمتاز عن الهوندا بانها يابانى تصنيع وتجميع اكتب لك من السعودية سيارتى سوبارو ليجاسى اغير اقمشة الفرامل كل ثلاث سنوات مثال بسيط على جودة السبارة احترامى للجميع

ماشاء الله ربنا يباركلك فيها هيا موديل كام وياريت لما تصورلنا العربيه وتعملنا تقييم لها حيث انها معشوقتي بجد العربيه دي
وانا ليا تجارب مع الليجاسي وبصراحه اعتماديه لدرجه عاليه جدا العربيات دي

يا جماعة يمن اللي قال ان الزرار ما بيفتحش السنتر
لا طبعا بيقفل السنتر وبيفتحه
وانا باستخدمه على طول

ممكن تكون انت مش واخد بالك ان الزرار ليه وضعين مش وضع واحد
لو دوست من الامام يقفل (مكان الرسم)
لو دوست من الخلف يفتح (مش مرسوم عليه حاجة)

لو غير كده يبقى فيه مشكلة بس احتمال ضعيف اوي
ومستنيين تقييمك للامبريزا الاوتو

زي ما vit mitcho قال الزرار ده تكتين حتلاقي اعلي الزرار خط اسود رفيع دوس عليها حتلاقي العربة فتحت وفيه خط اسود رفيع اسفل الزرار برضه دوس عليها حتقفل تلاحظهم علي طول هما بارزين عن الزرار بس في حد لاحظ حاجة انا لما باجي اجرب افتح الباب بالمفتاح الباب الشمال بس اللي يفتح ولو انت فتحت بالريموت الاربع ابواب هيفتحوا وجيت تجرب تقفل بالمفتاح برضه هيقفل الباب الشمال وهيسيب الابواب الباقىة مفتوحة حد له تفسير نفسي افهم ايه الفكرة

المشاركة الأصلية كتبت بواسطة adelmagdy

زي ما vit mitcho قال الزرار ده تكتين حتلاقي اعلي الزرار خط اسود رفيع دوس عليها حتلاقي العربة فتحت وفيه خط اسود رفيع اسفل الزرار برضه دوس عليها حتقفل تلاحظهم علي طول هما بارزين عن الزرار بس في حد لاحظ حاجة انا لما باجي اجرب افتح الباب بالمفتاح الباب الشمال بس اللي يفتح ولو انت فتحت بالريموت الاربع ابواب هيفتحوا وجيت تجرب تقفل بالمفتاح برضه هيقفل الباب الشمال وهيسيب الابواب الباقىة مفتوحة حد له تفسير نفسي افهم ايه الفكرة

ده معناه ان السنتر لوك بيشتغل مع الريموت فقط و المفتاح لأ. اظن عندي مش كده.. بس هجرب و اقولكم.

المشاركة الأصلية كتبت بواسطة Ahmed Hassan

ده معناه ان السنتر لوك بيشتغل مع الريموت فقط و المفتاح لأ. اظن عندي مش كده.. بس هجرب و اقولكم.

لا يا احمد عندك نفس الموضوع السنتر مع الريموت بس مش المفتاح